2 Nzambi, kuwa munu ntangu mu ke na kuyawula!

Keba luzingu ya munu mu vwanda ve na boma ya mbeni.

3 Vuukisa munu na bamfundu ya yimbi ya bantu ya yimbi,

vuukisa munu na nkonga ya bantu ya makelele, bayina kele ve ya kudedama.

4 Bawu ke na kulengula baludimi ya bawu mutindu mbele ya mvita.

Mambu yina ke na kubasika na bayinwa ya bawu kele mutindu madyonga yina ba me kubika!

5 Katuka na kiswamunu ya bawu, bawu ke na kukubula muntu yina kele ya kusungama,

bawu ke na kukubula yandi ata kutala boma.

6 Bawu ke na ngolo ya kuyidika mambu ya yimbi.

Bawu ke na kuzonzila na mitambu yina bawu ke na kutula na mansweki,

bawu ke na kutuba: «Nani ke tala yawu?»

7 Bawu ke na kukubika mambu ya yimbi,

bawu ke na kutuba: «Beto me kubama.

Mambu me yilama, mabanza ya muntu,

ntima ya muntu kele mutindu dibulu yina ke sukaka ve.»

8 Nzambi me losila bawu dyonga na mpamukunu,

yawu me kuzwa bawu.

9 Mambu ya yinwa ya bawu me bwisa bawu,

konso muntu yina ke tala bawu,

yandi ke seka bawu na kwendaka ningisa yintu.

10 Bantu nyonso me kuma na boma,

bawu ke na kutuba mambu yina Nzambi me sala,

bawu ke bakula nsasa ya mambu ya Nzambi.

11 Muntu ya kudedama ke na kuyangalala na Yave,

Yave kele kiswamunu ya yandi.

Bayina nyonso kele na bantima

ya kusungama ke vwanda na kilengi.