2 Samu na nge, kuvwanda swi kele nzitusu, Oo, Nzambi nge yina kele na Siyone.

Beto ke lungisa balukanu yina beto bakaka.

3 Nge yina ke kuwaka lusambulu,

bawu nyonso ke kwiza na sika ya nge.

4 Dema ya masumu ya munu me lutila,

kasi nge, nge ke fukaka masumu ya munu.

5 Nsayi na muntu yina nge me soola,

mpe yina nge me nata pene-pene ya nge.

Samu ti yandi zinga na lupangu ya Yinzo ya nge.

Beto ke fuluka na buyenge ya Yinzo ya nge,

na bima ya longo ya Yinzo ya nge.

6 Nge ke na kupesa beto mvutu na mambu ya ngitukulu na ludedomo,

Nzambi ya mpulusu ya munu, bantu nyonso me tula kivuvu na nge,

Bantu yina kele na bandilu nyonso ya ntoto mpe na bandilu ya mubu.

7 Yandi ke na kukindisa myongo na ngolo ya yandi.

Yandi kele ya kufuluka na lulendo.

8 Yandi ke dingimisaka makelele ya mubu,

yandi ke dingimisaka makelele ya bimpo ya mubu.

Yandi ke dingimisaka makelele ya bantu.

9 Bantu yina ke zingaka na bandilu ya ntoto,

bawu ke talaka boma samu na bimangu ya nge.

Nge me fulusa na nsayi, bantu yina ke zingaka na esete mpe na wesete.

10 Nge me sadila ntoto mambu ya mbote,

nge ke nokisa yawu mvula,

nge me fulusa yawu na bimvwama,

mwila ya Nzambi me fuluka na maza.

Nge me kubika bambuma ya faline,

ni mutindu yina nge ke kubikaka ntoto.

11 Nge me tula maza na mikala,

nge me bongisa bikunku,

nge me bolisa ntoto na maza ya mvula,

nge me pesa bambuma ngolo ya kumena.

12 Na nsuka ya mvula, nge ke na kufulusa beto na mambu ya mbote.

Na bisika yina nge ke na kuluta, bimvwama ke na kufuluka.

13 Na yinsi ya kuyuma,

matiti ya kudikila bibulu ke na kufuluka,

myongo ya fyoti ke na kuyangalala.

14 Bisika ya matiti ya kudikila bibulu

me fuluka na mameme na bankombo,

midimba me fuluka na bambuma ya faline.

Kulooka ya nsayi na banzimbu ke na kuwakana.