75
Ni Nzambi kele zuzi
1 Mukunga ya Asafe, mukunga yina ba twadisaka na mfumu ya miyimbidi. «Kumwangisa ve!» Mukunga.
2 Nzambi, beto ke kembila nge,
beto ke kembila nge,
Nkumbu ya nge kele ntama ve na beto,
yawu ke na kuzabisa beto mambu ya nge ya ngitukulu.
3 «Kaka na ntangu yina mu ke kubika,
ni munu ke fundisa na kusungama nyonso.
4 Ata ti ntoto me ningana na bantu nyonso yina ke zingaka na yawu,
ni munu me kindisa makunzi ya yawu.»
Kupema
5 Mu ke na kutuba na bantu ya lunangu: «Beno bika lunangu.»
Mpe na bantu ya yimbi: «Beno kukilakisa ve ti beno ni beno.
6 Beno kukilakisa ve ti ni beno me lutila,
beno kuzonza ve na lunangu nyonso.
7 Kuzanguka ya muntu ke katukaka ve na esete, na wesete ve,
Kuzanguka ya muntu ke katukaka ve na yinsi ya kuyuma,
8 ni Yave kele zuzi,
yandi lenda zangula muntu mosi,
mpe kukulula muntu ya nkaka.»
9 Yave kele na mbungu na maboko ya yandi,
yawu kele ya kufuluka na vinu ya ngolo mingi, malafu ya nkele ya yandi.
Yandi me mwangisa yawu na bantu ya yimbi yina kele awa na ntoto,
bawu nyonso fwana kunwa yawu tii na nsuka.
10 Kasi munu, mu ke zonzila yawu bantangu nyonso,
mu ke yimbidila Nzambi ya Yakobi.
11 «Mu ke sukisa ngolo ya bantu nyonso ya yimbi,
kasi ngolo ya bantu ya kudedama ke kuma dyaka mingi.»