Mu ke yimbidila kukwikama ya nge mpe ludedomo ya nge.

Samu na nge Yave, mu ke yimbidila.

2 Mu ke sala nyonso samu na kulanda nzila ya bantu ya kusungama.

Wapi ntangu nge ke kwiza na sika ya munu?

Mu ke landa nzila ya ntima ya munu ya kusungama,

na kati ya yinzo ya munu.

3 Mu me manga na kutala mambu nyonso ya yimbi,

na meso ya munu.

Mu me yina nkadulu ya bantu ya masumu,

yimbi ke kangama ve na munu.

4 Muntu ya ntima ya yimbi ke vwanda ntama na munu,

mu ke zola ve kuzaba yimbi.

5 Muntu yina ke zonzaka yimbi samu na mpangi ya yandi na mansweki,

mu ke kangisa yandi yinwa.

Mu ke ndima ve na kutala bantu yina kele na kisayi mpe lunangu.

6 Meso ya munu ke vwanda na kutalaka bantu ya kukwikama ya yinsi,

samu ti bawu kwiza vwanda na sika ya munu.

Muntu yina ke landaka nzila ya bantu ya kusungama,

yandi ke sadila munu.

7 Muntu yina salaka mambu ya kulunga ve, yandi ke vwanda ve na Yinzo ya munu.

Muntu ya luvunu ke zingila ve na ntadisi ya munu.

8 Konso suka, mu ke dingimisa,

bantu nyonso ya ntima ya yimbi na kati ya yinsi,

na kati ya mbanza ya Yave,

mu ke manisa na kufwa bantu nyonso,

yina ke sadilaka ve ludedomo.