Ntangu Yave vutulaka Siyone mutindu yawu vwandaka ntete,

beto vwandaka mutindu bantu yina ke na kulota ndosi.

2 Bayinwa ya beto vwandaka seka mingi,

baludimi ya beto vwandaka sala milolo ya nsayi,

bantu ya bayinsi ya nkaka vwandaka tuba:

«Yave me sadila bawu mambu ya nene!»

3 Yave me sadila beto mambu ya nene,

beto ke na kuyangalala.

4 Yave vutula beto mutindu yina beto vwandaka ntete,

mutindu maza yina ke lutaka na yinsi ya kuyuma ya Nengeve!

5 Bayina ke kundaka na bidilu,

bawu ke yonzikaka na milolo ya nsayi.

6 Muntu yina ke kwendaka na kumwanga bambuma na kudila nyonso,

yandi ke vutukaka na kyese kana yandi,

me nata matiti ya bambuma ya faline.