Kana Yave kutunga ve yinzo,

bayina ke tunga yawu,

bawu ke sala kaka kisalu ya mpampa,

kana Yave kukeba ve mbanza,

bayina ke keba yawu, bawu ke sala kaka kisalu ya mpampa.

2 Beno ke vumbukaka na suka-suka,

mpe beno ke lalaka na kati-kati ya mpimpa,

nyonso yina ke kaka ya mpamba.

Beno ke na kuzwa madya ya kudya na mpasi,

Nzambi ke pesaka yawu na muntu yina yandi zola ntangu yandi ke ntete ya kulala.

3 Ya tsyelika, bana kele mvwilu ya Yave,

mbuma ya kivumu ya mama ni musendo yina Yave ke pesaka.

4 Bana ya buntwenya kele mutindu madyonga,

yina kele na maboko ya kinwani ya ngolo.

5 Nsayi mingi na muntu yina me fulusa nkutu ya yandi na madyonga!

Yandi ke tala ve nsoni ntangu yandi ke kuzwa mwa dyambu,

na mbeni ya yandi, kuna na mwelo ya mbanza.