Kyese na konso muntu yina ke zitisaka Yave,

yandi ke landaka banzila ya Nzambi!

2 Nge ke yangalala na difuta ya kisalu ya maboko ya nge,

nge kele muntu ya nsayi, mpe buyenge kele ya nge!

3 Kento ya nge kele mutindu bilanga ya bayinti ya vinu yina me buta bambuma,

na kati ya yinzo ya nge,

bana ya nge kele mutindu mwa bayinti ya olive,

yina me zunga mesa ya nge.

4 Ni mutindu yina kele lusakumunu,

ya muntu yina ke zitisaka Yave.

5 Kuna na Siyone, Yave ke sakumuna nge,

nge ke tala buyenge ya Yelusalemi

bilumbu nyonso ya luzingu ya nge.

6 Nge ke tala bana ya bana ya nge.

Bika ti kizunu kuvwanda na Isayeli!