Bantangu nyonso, bawu ke na kunwanisa munu, katuka buntwenya ya munu,

bika ti Isayeli kutuba yawu:

2 «Bantangu nyonso, bawu ke na kunwanisa munu, katuka buntwenya ya munu,»

kasi bawu me nunga munu ve.

3 Bantu yina ke balulaka ntoto, bawu ke na kusala yawu na mukongo ya munu,

bawu me sala mikala ya yinda.

4 Yave kele ya kudedama,

yandi me zenga basinga ya bantu ya yimbi.

5 Bayina nyonso ke yinaka Siyone,

bika ti bawu kutala nsoni,

bika ti bawu nyonso kuvutuka manima!

6 Bika ti bawu kuvwanda mutindu matiti ya bayinzo, yina kele na miludi ya kuyalumuka,

yina ke yumaka ntete ti ba katula yawu!

7 Kiyonziki ya bambuma ke fulusaka ve maboko ya yandi,

muntu yina ke kangaka yawu ke fulusaka ve maboko ya yandi,

8 bayina ke na kuluta ke na kutuba ve:

«Bika ti Yave kusakumuna beno!»

Beto ke na kusakumuna beno na Nkumbu ya Yave!