Mu ke kembila nge na ntima ya munu nyonso,

mu ke kembila nge na mantwala ya banzambi, mu ke kembila nge na mikunga.

2 Mu me fukama na kutalaka na lweka ya Yinzo ya nge ya longo,

mu ke na kukembila Nkumbu ya nge,

samu na kukwikama ya nge mpe samu na luzolo ya nge,

bansilulu yina nge me lungisa me sala ti Nkumbu ya nge kulutila nsangu.

3 Kilumbu yina mu bokilaka nge, nge pesaka munu mvutu,

nge pesaka munu kibakala mpe ngolo.

4 Yave, bika ti bantinu nyonso ya yinza kukembila nge,

ntangu ba ke kuwa mambu yina ke basika na yinwa ya nge.

5 Bika ti bawu kukembila nge samu na mambu yina nge ke salaka:

«Ya tsyelika, nkembo ya Yave kele nene.

6 Yave kele ya kuzangama kasi yandi ke talaka bantu yina kele ya kukuluka,

bantu ya lunangu, yandi ke talaka bawu na ntama.»

7 Ntangu mu ke vwandaka na kati ya mpasi, nge ke kebaka luzingu ya munu,

nge ke lambulaka diboko ya nge, samu na kukatula munu na nkele ya bambeni ya munu,

diboko ya nge ya lubakala ke vuukisaka munu.

8 Yave, nge ke manisa yina nge bandaka na kusala samu na munu,

Yave kukwikama ya nge ke zingilaka bantangu nyonso,

kubika beto ve, bantu ya nge yina nge yidikaka!