3
अलग आस मनदना आयो
1 मावोर विस्वसिरिर! मुने नना मीवा संगे मनदह्पा, देवुळता जीवाते ताकवालोरिन✡3:1 2:15; गलातितोर 6:1 वेहतना लेह्कान, मीक वेहता पग़वोन. मति मन्कना बुदते ताकवालोरिन,✡3:1 रोम सहरतोर 7:14; 1 कुरिंततोर 2:14किर्स्तुन विस्वस कीयनद पोल्लोतुन, पूनाङ-पूनाङ कग़यवालोरिन वेहतना लेह्कान, मीक वेहमुळ आता.✡3:1 इब्रितोर 5:13 2 मीट गाटो तिनदा पग़वोरिर, पाल उनवालोर बाला पेकोरा लेह्का मंदिर.✡3:2 इब्रितोर 5:12-13; 1 पत्रु 2:1-3 अदिह्क मीकु, पूना विस्वसिरिह्क ओप्पनव अल्को पोल्लोन काग़्हतन. अविस्किह्काय एक्वा बुदताङ पोल्लोन, पुनदा पग़विर आंदिर. मति नेंड वने पुनदा पग़विर, मुर्तिय बेर्सविर इतेके! 3 इंजेक वने मीट मन्कना बुदते ताकलाह आतिर, अदिनेनाह्क मियगा कुळ्सा मन्ह्ता, गिटोगटो आयनद मन्ह्ता.✡3:3 रोम सहरतोर 13:13; 1 कुरिंततोर 1:10-11; 11:18; 2 कुरिंततोर 12:20 पया मीट मन्कना बुदते ताकवालोरिर आयविरा? देवुळतुन पुनवोरा लेह्का ताकविरा? 4 नना बाराह्क इद्रम इनदलाह आतन? मीवा मुडगा उच्वुर इन्ह्तोर, माट पोलुनकेडोरोम, उच्वुर इन्ह्तोर, माट अपुलोसनकेडोरोम.*3:4 1:12 ऊळाट. इद्रम अलग मनाह्कु, मीट देवुळतुन पुनवोरा लेह्का ताकलाह आय्ह्निर!✡3:4 गलातितोर 1:11
5 अले अह इतेके, अपुलोस बोग़ आंदोग़? पोलु बोग़ आंदोग़? वेहाट, माट इतेक वेट देवुळता सेवकिरोम!✡3:5 रोम सहरतोर 15:16; 2 कुरिंततोर 3:6; 4:1; 5:18; 6:4; इपिसुसतोर 3:7; कुलुसितोर 1:25-27; 1 तिमोति 1:12 माट वेहताह्कु, मीट विस्वस कीतिर. माक ओर्विन-ओर्विन येसुसामि बेद कबळतुह्क निल्पिह कीतोग़,✡3:5 रोम सहरतोर 12:6 अदे कबळ कीतोम. 6 बह इतेके, (मीट विस्वसिरिर पोर्ह्काना लेह्कान मह्निर.) नना वीतवाना लेह्कान, कबळ सुरु कीतोनन;✡3:6 4:15; 9:1; 15:1; 2 कुरिंततोर 10:14 अपुलोस पेग़्के एग़ अर्हतोना लेह्कान, (मीक येसुनाङ पोल्लोन कग़यलाह साय्ता) कीतोग़.✡3:6 बळयिर 18:27-28; 1 कुरिंततोर 1:12 मति मीक बेर्सिह कीतद इतेके देवुळिये!✡3:6 15:10; इपिसुसतोर 3:17 7 इतेक तेना बाताल अर्तमि? वीतवाल ओसो एग़ अर्हवाल बातोरे आयोर,✡3:7 2 कुरिंततोर 12:11 मति बेर्सिह कीयनद देवुळिये मोदुल आंदु. 8 वीतवाल वने पंटा पंडि इनजोर वीतिह्तोग़, एग़ अर्हवाल वने पंटा पंडि इनजोर एग़ अर्हतह्तोग़. इद्रम ओर्वोग़-ओर्वोग़ मन्कह्क, आपुना-आपुना कबळता इसबते, बूति दोर्कग़ा.✡3:8 4:5; 9:17; गलातितोर 6:5 9 इंजेके पोलम माल्कानाये आंदु, बूततोरा आयो.✡3:9 यशायाह 61:3; मत्याल 15:13 अहे बेदाय लोन माल्काले जागा आयलाह दोहतद मन्ह्ता, बेल्दर्किह्क (लोन दोहवालोरिह्क) आयो.✡3:9 इपिसुसतोर 2:20-22; 1 पत्रु 2:5 अद्रमलेह्काने मीट देवुळताये लोकुरिर आंदिर, तानेनाह्के पिसिह्निर. माट बारा सिरप देवुळता कबळ ऐंगेन केवालोरोम.
10 देवुळि नाक तना देय्वाते ईतद बुदता इसबते,✡3:10 रोम सहरतोर 12:3; 1 कुरिंततोर 15:10; 1 तिमोति 1:13-14; 2 पत्रु 3:15 बेस तेल्वतोग़ बेल्दर जोता दोहतना लेह्कान, नना मुने मीक किर्स्तुना पोल्लो वेहतन.✡3:10 रोम सहरतोर 15:20; इपिसुसतोर 2:20 दुस्रोर मन्कलोर बार ताना पोग़ोन तेहचोर दायना लेह्का, मीक काग़्हतह्तोर. मति ताना पोग़ोन तेहचोर अनवाल मन्कल, तना बेद रीतते दोहतह्तोग़ इनजोर, उसरते सीता कीयना गावले. 11 देवुळि मुनेन जोता दोहता. अद जोता येसु किर्स्तु आंदोग़, ओग़े पिसिह केवाल आंदोग़. अदिह्क बोग़े दुस्रा जोता दोहता पग़वोग़!✡3:11 यशायाह 28:16; इपिसुसतोर 2:20; 1 पत्रु 2:4-6 12 मति बोर बोर ताना पोग़ोन तेहतह्पा बंगर, वेंडि, पका मोलाताङ बंडाङ इविस्कने तेहतनुर, ओसो बोर बोर बूळेम आयनव मराङ, रोंडाङ, ईन्दिङ इविस्कने तेहतनुर. 13 किर्स्तु बेद दिया तना लोकुरा नेयम कीयलाह वायनोग़, अद दिया तना ओर्वोग़-ओर्वोग़ सेवकना कबळतुन, किसते पट ऊळनोग़.✡3:13 2 तिसलुनितोर 1:8; 1 पत्रु 1:7 इद्रमि ओरा कबळ बेद्रमता इनजोर, पुनाह आयग़ा.✡3:13 4:5 अस्के ओर कीतद कबळ बेद्रमता इनजोर, किसते पर्ह्किस ऊळनद आयग़ा. 14 अद जोताता पोग़ोन, ओग़ मन्कल पंडटद कर्ववालेवा मतेके, ओग़ मन्कह्क देवुळि इनम ईयग़ा.✡3:14 4:5 15 ओग़ पंडटद कर्वतेक बारा, ओना नुस्कन आयग़ा. अद्रम किर्स्तुनेनाह्क कीतद कबळता बाताले पाय्दा मनो, ओग़ कोनि तना पिसनोग़. मति किसताहि पकाय तिपल आस पेसतप लेह्कान पिसनोग़.✡3:15 अय्यूब 23:10; देवुळताङ पाटाङ 66:10,12; यहुदाल 23
16 मीट विस्वसिरा मुडगा देवुळता जीवा जागा आस्ता इतेके, मीट देवुळता मंदिर आंदिर.✡3:16 रोम सहरतोर 8:9; 1 कुरिंततोर 6:18-20; इपिसुसतोर 2:21-22; इब्रितोर 3:6 इद पोल्लोतुन पुनविरा? 17 मीट सबेटोरिर कलियिसि देवुळता मंदिर आंदिर. देवुळता मंदिर पवित्र मन्ह्ता. अदिनेनाह्क बोग़ाय मीक ओर्विह्क-ओर्वोन अलग कीसि, अद मंदिरतुन बूळे कीतेक अचोन, देवुळि ओन बूळे कीयग़ा.
18 बोग़े नना बुदतोनन इन्जि नाळेम आयमाकेग़. दुनियातोरा लेह्कान विचर कीसि, नना बुदतोनन इनजोर इतेक अचोन,✡3:18 4:10; 8:2; गलातितोर 6:3 ओग़ दुनियातोरा विचरते बुदलेवोग़ आयेग़. अस्के ओग़ देवुळता विचरते बुदतोग़ आयनोग़. 19 बाराह्क इतेके दुनियातोर बेदिन बुदि इन्ह्तोर, तान देवुळि बुदलेवद इन्ह्ता.✡3:19 1:20; याकुब 3:15 तेना लोप्पा देवुळता सास्त्रमतगा इद्रम रासतद मन्ह्ता:
देवुळि, बुदतोर मन्कलोरिन तमा सत्रल बुदतेने एग़्कनाह कीस्ता,✡3:19 अय्यूब 5:13; इपिसुसतोर 4:14
इनजोर रासतद मन्ह्ता. 20 ओसो इद्रम वने रासतद मन्ह्ता:
तम्क बुदतोरोम इनवालोराङ विचर्किन, अव उगसताङ इनजोर सामि पुन्ह्ता,✡3:20 देवुळताङ पाटाङ 94:11
इनजोर रासतद मन्ह्ता. 21 अदिनेनाह्क नना मुनेन वेहतप लेह्का, नना वेनक्केडोनन, नना ओनक्केडोनन इन्जि, मन्कलोरा लोप्पा बोग़े पोग़यनद आयो.✡3:21 4:6 देवुळि तनाङ सबेटोर सेवकिरिन मीवाय पाय्दातेनाह्क ईता. 22 नना पोलुनन आयि, अपुलोस आयेग़, पत्रु आयेग़, माट मीवाय पाय्दातेनाह्क सेवा कीय्ह्नोम.✡3:22 1:12; 3:5-6 मीवाय पाय्दातेनाह्क देवुळि दुनियाते मनदनविन पंडटा. मीवा जीवात मनदनदु, मीवा हामुरि, नेंड आयनव पोल्लोङ, नाळ आयनव पोल्लोङ, कतमतविन देवुळि मीके तना बर्कत दोर्कनाह कीस्ता.✡3:21-22 2 कुरिंततोर 6:10 23 अदिह्क मीट बोग़े मन्कनोरिर आयविर, मति किर्स्तुनोरिर आय्ह्निर;✡3:23 15:23; 2 कुरिंततोर 10:7 अहे किर्स्तु बार देवुळतग्डोग़ आंदोग़.✡3:23 11:3; 15:28
✡3:1 3:1 2:15; गलातितोर 6:1
✡3:1 3:1 रोम सहरतोर 7:14; 1 कुरिंततोर 2:14
✡3:1 3:1 इब्रितोर 5:13
✡3:2 3:2 इब्रितोर 5:12-13; 1 पत्रु 2:1-3
✡3:3 3:3 रोम सहरतोर 13:13; 1 कुरिंततोर 1:10-11; 11:18; 2 कुरिंततोर 12:20
*3:4 3:4 1:12 ऊळाट.
✡3:4 3:4 गलातितोर 1:11
✡3:5 3:5 रोम सहरतोर 15:16; 2 कुरिंततोर 3:6; 4:1; 5:18; 6:4; इपिसुसतोर 3:7; कुलुसितोर 1:25-27; 1 तिमोति 1:12
✡3:5 3:5 रोम सहरतोर 12:6
✡3:6 3:6 4:15; 9:1; 15:1; 2 कुरिंततोर 10:14
✡3:6 3:6 बळयिर 18:27-28; 1 कुरिंततोर 1:12
✡3:6 3:6 15:10; इपिसुसतोर 3:17
✡3:7 3:7 2 कुरिंततोर 12:11
✡3:8 3:8 4:5; 9:17; गलातितोर 6:5
✡3:9 3:9 यशायाह 61:3; मत्याल 15:13
✡3:9 3:9 इपिसुसतोर 2:20-22; 1 पत्रु 2:5
✡3:10 3:10 रोम सहरतोर 12:3; 1 कुरिंततोर 15:10; 1 तिमोति 1:13-14; 2 पत्रु 3:15
✡3:10 3:10 रोम सहरतोर 15:20; इपिसुसतोर 2:20
✡3:11 3:11 यशायाह 28:16; इपिसुसतोर 2:20; 1 पत्रु 2:4-6
✡3:13 3:13 2 तिसलुनितोर 1:8; 1 पत्रु 1:7
✡3:13 3:13 4:5
✡3:14 3:14 4:5
✡3:15 3:15 अय्यूब 23:10; देवुळताङ पाटाङ 66:10,12; यहुदाल 23
✡3:16 3:16 रोम सहरतोर 8:9; 1 कुरिंततोर 6:18-20; इपिसुसतोर 2:21-22; इब्रितोर 3:6
✡3:18 3:18 4:10; 8:2; गलातितोर 6:3
✡3:19 3:19 1:20; याकुब 3:15
✡3:19 3:19 अय्यूब 5:13; इपिसुसतोर 4:14
✡3:20 3:20 देवुळताङ पाटाङ 94:11
✡3:21 3:21 4:6
✡3:22 3:22 1:12; 3:5-6
✡3:22 3:21-22 2 कुरिंततोर 6:10
✡3:23 3:23 15:23; 2 कुरिंततोर 10:7
✡3:23 3:23 11:3; 15:28