Hill Madia 1 पत्रु 5

मुक्यालोरिह्‌क, लेयोरिह्‌कु बुदिङ-एदिङ

1 इंजेके येसुना मुडगा मनवालोर, मीक मुक्यालोरिह्‌क उंद पोल्‍लो. नना इंका मुक्यानन, येसु किर्स्तुना तिपलतुनु कोंडामेंड ऊळतोनन,✡ ओसो ओग़ु मल्स वायह्‌पा, ओना कदरते, डीसाते कलियवानन आंदन.✡ 2 नना मीक वेहतह्‌नन, मीवा नडुम मनदनदु देवुळता गोह्‌डटुन, कोपालोरा लेह्‌का मन्जि, ओरिन बेस ऊळाटु.✡ इद कबळ सारातुह्‌क इनजोर केवा, देवुळता विचर इहे मन्ह्‌ता इन्जि, गिर्दाते कीम्ह्‌टु.✡ मालसोम दोर्कग़ा इन्जि आयो,✡ मति देवुळतुन सेवा कीय्ह्‌नन इन्जि, जीवातग्डाहि गिर्दाते कीम्ह्‌टु. 3 मीट ऊळेवाळे कीयना इन्जि, देवुळि ईतोर लोकुरा पोग़ोन पका अदिकर ताकिह केवा,✡ ओरिह्‌क अग़ तोहवानलेह्‌का मन्ह्‌टु.✡ 4 इद्रम मतिर इतेके, सबेटोरा बेह्‌रा कोपाल येसु वानेके,✡ मीकु बेस्केने मायवदु, बूळेम आयवदु डीसाता पाय्दा दोर्कग़ा.✡

5 इहलेह्‌का मीट लेयोरिर वने, बेरोरा पोल्‍लोते वग़्ङिस मन्ह्‌टु. ओसो मीटु सबेटोर विस्वसि लोकुरिर बुदते उड्ला आसि, ओर्विह्‌क-ओर्वोग़ साय्ता आम्ह्‌टु.✡ बाराह्‌क इतेके (पवित्र सास्त्रमवने इहे इन्ह्‌ता):

नना बेरोनन इनवानु, देवुळि अडम आस्ता,

मति नना उड्लोनन इनवाह्‌कु, देवुळि देय्वा ईस्ता.✡

(इद पोल्‍लो मीट सीताते तासाटु.)

6 अदिनेनाह्‌कु मीटु बेरा लावता देवुळता मुनेह, माट उड्लोरोम इन्जि ताकतिर इतेके, ओप्पनद कगोते देवुळि मीक बेरा कीयग़ा.✡ 7 देवुळिये मीकु सीता कीस्ता इनजोर, मीवा कतम आल्सुळतुन ताना कयदे विळ्सिसीम्ह्‌टु.✡

पट ऊळना मोका

8 उसर आम्ह्‌टु! सीताते मन्ह्‌टु!✡ मीवा अडम मनदनद देयह्‌कना मुक्याल, कह्‌चनद सिङपुललेह्‌का, बोन पोसि पिळ्ह-पळ्ह कीस तिनदकन इनजोरे तिरियिह्‌ता.✡ 9 मति मीट विस्वसते निच मन्जि,✡ ताना अडम मन्ह्‌टु.✡ दुनियामेंड मनवालोर विस्वसिर, इद्रमताये तिपलते मन्ह्‌तोर इन्जि,✡ मीट सीता कीम्ह्‌टु.

10 माक कतम देय्वाङ ईयनद देवुळि, येसु किर्स्तुना संगे, मीकु बेस्केन मायवदु डीसाते कलियलाह केयता.✡ इद रेंड दियाना मनमुळते, मीटु गय्क तिपल आतापया,✡ देवुळ मीकु ओसोवने बेस कीसि तासग़ा. अद मीवा विस्वसतुन मेग़्किह कीसि, मीक लाव ईसि, निल्पिह कीयग़ा.✡ 11 देवुळि अमेसा अमेसात्कु राजेम कीयि! अहे आयि!✡

आक्रिता जोहर

12 नना मीकु इद उड्ला सीटि,✡ नावा तमोग़लेह्‌का मनवाल, कर्तुळ विस्वसि सीलास,✡ वेना साय्ताते रासिस लोहतह्‌नन. मीकु बाताले आयि, देवुळता देय्वा मियगा अमेसा तोळ मन्ह्‌ता इन्जि, मीकु तेळियिह कीयलाहि, ओसो पेग़्के-मुनेह आलिह केवा, मीट विस्वसतुन पोस मन्ह्‌टु इन्जि बुद वेहतलाह,✡ नना इद सीटि रासतन.

13 मीवा लेह्‌का बेबिलोनते मनवालोर विस्वसिर मीवा सीता कीय्ह्‌नोम इन्ह्‌तोर.* मार्कल इंका नावा पेकानलेह्‌का मन्ह्‌तोग़,✡ ओग़ वने मीवा सीता कीय्ह्‌नन इन्ह्‌तोग़. 14 मीट लोकुरिर ओर्विह्‌क-ओर्वोग़ जीवा वाटसोरे जोहर कीम्ह्‌टु.✡ किर्स्तुना लोकुरिर सबेटोरिर बेस पिसाटु.

✡5:1 5:1 लूकाल 24:48; 1 योहन 1:1

✡5:1 5:1 रोम सहरतोर 8:18; 1 पत्रु 1:4-5,7; 4:12-13

✡5:2 5:2 योहन 21:16; बळयिर 20:28

✡5:2 5:2 पिलेमोन 14

✡5:2 5:2 1 तिमोति 3:8

✡5:3 5:3 यहेजकेल 34:4; मत्याल 20:25-26; मार्कल 10:42-43; 2 कुरिंततोर 1:24

✡5:3 5:3 योहन 13:13-16; पिलिपितोर 3:17; 1 तिसलुनितोर 1:7; 2 तिसलुनितोर 3:9; 1 तिमोति 4:12; तीतुस 2:7-8

✡5:4 5:4 इब्रितोर 13:20-21; 1 पत्रु 2:25

✡5:4 5:4 1 कुरिंततोर 9:25; 1 पत्रु 1:4-5

✡5:5 5:5 3:8

✡5:5 5:5 बुदताङ पोल्‍लोङ 3:34; मत्याल 23:12; लूकाल 14:11; याकुब 4:6

✡5:6 5:6 मत्याल 23:12; लूकाल 14:11; 18:14; याकुब 4:10

✡5:7 5:7 देवुळताङ पाटाङ 55:22; मत्याल 6:25; पिलिपितोर 4:6

✡5:8 5:8 1:13

✡5:8 5:8 योहन 8:44; 2 कुरिंततोर 2:11

✡5:9 5:9 इपिसुसतोर 6:11-13; कुलुसितोर 2:5

✡5:9 5:8-9 याकुब 4:7

✡5:9 5:9 इब्रितोर 12:8

✡5:10 5:10 1 कुरिंततोर 1:9; 2 कुरिंततोर 4:17; 1 तिसलुनितोर 2:11-12; 2 तिमोति 2:10; 2 पत्रु 1:3

✡5:10 5:10 1:6

✡5:10 5:10 रोम सहरतोर 16:25; 2 तिसलुनितोर 2:17; 3:3; इब्रितोर 13:20-21

✡5:11 5:11 रोम सहरतोर 11:36

✡5:12 5:12 इब्रितोर 13:22

✡5:12 5:12 2 कुरिंततोर 1:19

✡5:12 5:12 1 कुरिंततोर 15:1

*5:13 5:13 अद कालमते वेल्‍लाटोरे लोकुर रोम सहरतुन पेदिर पोयतलाह रेयिसि, तान बेबिलोन इनजोर इंदुर.

✡5:13 5:13 बळयिर 12:12,25; 15:37,39; कुलुसितोर 4:10; 2 तिमोति 4:9-11; पिलेमोन 24

✡5:14 5:14 रोम सहरतोर 16:16; 1 कुरिंततोर 16:20; 2 कुरिंततोर 13:12; 1 तिसलुनितोर 5:26