किर्स्तुना बळयि पत्रु रासतदु पयाडा सीटि
इद सीटटुन रासवाल, किर्स्तुना बळयि पत्रु आंदोग़. इद सीटटुन रासतस्के, ओग़ मुय्तोग़ आस मतोग़; इद सीटि रासिसि मूंड वर्साने रोम सर्करतोरु ओन हव्कतोर. ओना मुनेता सीटटुन बोर विस्वसिरिह्क रासिस मतोग़, ओरिह्के इद दुस्रा सीटटुन वने रासतोग़.
पत्रु इद सीटटुन बाराह्क रासतोग़ इतेके, विस्वसिर सेतेम पोल्लोतुन विस्वस कीसोर अनिर, येसु ओसो वायनदिना अग़ ऊळसोर मनिर, ओसो जोल पोल्लोङ काग़्हवालोरगा बर्वस तासमाकिर इनजोर, इद सीटि रासतोग़. अहे तना डोलतापया वने, विस्वसिर इद सीटटाङ पोल्लोन सीता कीसोर मनिर, इनजोर वने रासतोग़.
1
मुनेताङ पोल्लोङ
1 नना सिमोन पत्रुनन, येसु किर्स्तुना सेवकनन, ओना बळयिनन,✡1:1 1 पत्रु 1:1 मीट विस्वसिरिह्क इद सीटि रासलाह आतन. माक पिसिह केवाल मावा देवुळि येसु किर्स्तु,✡1:1 तीतुस 2:13 बोनाये मोकम ऊळवा, मावा संगे सेतेमते ताकिह्तोग़. अदिह्क ओनग्डाहि, माट बळयिरिह्क दोर्कतद विस्वसता बराबरेन, मीक वने दोर्कता. 2 मीट देवुळतुन ओसो मावा येसुसामिन निटम पुताह्कु,✡1:2 योहन 17:3; पिलिपितोर 3:8; 2 पत्रु 1:8; 2:20; 3:18 देवुळता देय्वा ओसो सुकमि, मियगा पका बोल्गसोर अनि.✡1:2 रोम सहरतोर 1:6-7; 1 पत्रु 1:2
विस्वसता ताकमुळते बेर्ससोर अन्ह्ट
3 देवुळि बेरा डीसाता मनाह्कु, बेस गूनमता मनाह्कु, माक तना मन्कलोर आयलाह केयता.✡1:3 1 तिसलुनितोर 2:11-12; 2 तिसलुनितोर 2:14; 1 पत्रु 5:10 माट तान निटम पुताह्कु,✡1:3 योहन 17:3; पिलिपितोर 3:8; 2 पत्रु 1:8; 2:20 माट तान्क विचर वातप पिसना इनजोरे, माक सबे ईता.✡1:3 1:6 देवुळता बेरा लावतेनाह्कु इव सबे दोर्कताङ. 4 देवुळि बेरा डीसाता, बेस गूनमता मनाह्कु, पका दाराता, पका बेरा बर्कत ईतन इनजोर, पोल्लो विळ्सता.✡1:4 3:9,13 इद बर्कत मीक दोर्कताह्कु, देवुळतुन पुनवोरा लेह्कान, मीट लालुस कीसि पूरा बूळेम आयवा,✡1:4 याकुब 1:27; 2 पत्रु 2:18-20 तना बेद्रम मन्ह्ता, अद्रमलेह्काने मीट वने आयना इनजोर,✡1:4 इपिसुसतोर 4:13,24; इब्रितोर 12:10; 1 योहन 3:2 देवुळि अह कीता.
5 अद मीक इचोन कीसीताह्कु, मीट वने बेस-नेह्ना पिसलाह बेचोन कीया पग़यह्निर, अचोन कीम्ह्टु. किर्स्तुन विस्वस कीतिर; विस्वस कीसोर बेसता गूनमतोर वने मन्ह्टु. बेसता गूनमतोर मन्जि, देवुळता बुदतुन पुनजोर वने अन्ह्टु.✡1:5 कुलुसितोर 2:1-3 6 ताना बुदतुन पुनजोर, कुदतुन आव्रे कीयलाह वने कग़याटु;✡1:6 बळयिर 24:25; 2 तिमोति 1:7 आव्रे कीसि, तिपल्किन आपसोर मनदलाह वने कग़याटु;✡1:6 लूकाल 21:19; रोम सहरतोर 5:3; याकुब 1:3-4 अद्रम मन्जि, देवुळतुन माळसोर ताकाटु.✡1:6 1:3 7 अद्रम ताकसोर, मीवा तोळतोर विस्वसिरा संगे गूनमते मनदलाह ऊळाटु;✡1:7 रोम सहरतोर 12:10; 1 पत्रु 1:22 अद्रम मन्जि, सबेटोर मन्कलोरिन वने जीवा कीसोर अन्ह्टु. 8 इव पोल्लोङ मीवा जीवातगा मन्जि, बेर्ससोर अतेक अचोन, मीट मावा येसुसामि किर्स्तुन पुनदनदु✡1:8 योहन 17:3; पिलिपितोर 3:8; 2 पत्रु 2:20 उगस अनो आयग़ा, मति मीट पकाय कबळतुह्क ओजवालोरिर आयकिर.✡1:8 कुलुसितोर 1:9-10 9 बोरगा बार इव पोल्लोङ इलेङ, ओर तमा जीवाते बेस तोववोरा लेह्का आतोर.✡1:9 1 योहन 2:11 इतेके तमा मुने कीतद पापमतुन देवुळि एडिह कीतदिन✡1:9 इपिसुसतोर 5:26 माग़्ङतोर.
10 अदिनेनाह्क मावोर विस्वसिरिर, इव पोल्लोङ मियगा मन्ह्ताङा, इलेङा इन्जि पर्ह्किस ऊळाटु. देवुळि निटम मीक आचिसि, तना मन्कलोर आयलाह केयता इनजोर,✡1:10 मत्याल 22:14; रोम सहरतोर 11:29; 1 तिसलुनितोर 1:4-5; 2 पत्रु 1:3 मीट पकाय जिदते करल कीयलाह ऊळाटु. अद्रम मीट कीसोर मतिर इतेके, बेस्केन मीवा विस्वसते पेग़्के अरविर.✡1:10 3:17; यहुदाल 24 11 अद्रम मतेके, मावा सामि, माक पिसिह केवाल येसु किर्स्तु, अमेसाता राजेम ताकिह कीयह्पा, पकाय गिर्दा आसि, मीक बेस-नेह्ना उदिह कीयनोग़.✡1:11 1 कुरिंततोर 15:24; 2 तिमोति 4:18
12 इंजेके मीक काग़्हतद सेतेम कबुरतुन बेस पोस मन्जि, मीट ताकलाह आतिरे.✡1:12 कुलुसितोर 1:3-5; 2 योहन 1-2 तेला मति इव पोल्लोन मीक सीता कीसीयलाह, नना अमेसा तयर मनदकन.✡1:12 पिलिपितोर 3:1 13 नना जीवात मनाह्जोम, मीट इव पोल्लोन पोस मनदलाह, मीक सीता अर्हचोर उसर कीयनद✡1:13 3:1 बेस ओप्पिह्ता इनजोर, विचर कीयलाह आतन.✡1:12-13 यहुदाल 5 14 मावा येसुसामि किर्स्तु नाक पोळ्क्ने वेहतप लेह्कान,✡1:14 योहन 13:36; 21:19 नना डोलनद वेला ओसोय एरेन एवता इनजोर पुतन.✡1:14 2 तिमोति 4:6 15 अदिनेनाह्क नना हातापया वने, मीट इव पोल्लोन अमेसा सीता कीसोर मनदलाहि, पकाय जिदते कीकन इनजोर, विचर कीयलाह आतन.
पत्रु तना ऊळतव पोल्लोन रासतोग़
16 (इव पोल्लोन बाराह्क सीता कीसोर मनदना इतेके,) मावा येसुसामि किर्स्तु तना लावते मयगा वातदिन, माट ओनाङ बळयिरोम मीक वेहतोम.✡1:16 मार्कल 13:26; 14:62; 1 तिसलुनितोर 2:19 वेहतस्के, पका सत्रल बुदते मन्कलोर पुटिह कीतव पीटोन केंजिस वेहोम;✡1:16 1 तिमोति 1:3-4 आयो, ओना मिळ्स्कनद डीसातुन मावाङ कोंडाने ऊळतोम.*1:16 इद पोल्लोतुन पुनदलाह, मार्कल 9:2-8 ऊळाट. 17 अद इद्रम मन्ह्ता: बेरा डीसाता देवुळि तना लेङते, “वेग़ नावा मग़ि; नना वेन जीवा कीतन; वेन ऊळिस गिर्दा आतन” इनजोर, देवुळबाबाल ओन मान ईसि, बेरोग़ कीतोग़. (कीतस्के माट अगा मतोम.) 18 देवुळ रेगतद मेटातगा माट येसु किर्स्तुना संगे मतोम अस्के, पोग़ोन देवुळता जागाताहि वातद इद लेङतुन, माट मावाङ केव्कने केंजतोम.✡1:16-18 मत्याल 17:1-8; मार्कल 9:2-8; लूकाल 9:28-36
19 अदिनेनाह्क देवुळता कबुरतोर वेहतव पोल्लोङ निटम इनजोर, इंजेके बेस-नेह्ना पुतोम.✡1:19 1 पत्रु 1:10-11 ओराङ पोल्लोन केंजिस मीट ताकतिर इतेक, बेस आयग़ा; ईकळतगा चिमलि वेह्च ईयना लेह्कान, अव पोल्लोङ मीक वेह्च ईस्ताङ. पङवियना लेह्कान,✡1:19 लूकाल 1:76-79 किर्स्तु ओसोवने वायनोग़. विय उकाता लेह्कान, ओग़ मीवा जीवातगा वेह्च कीसीयनोग़,✡1:19 तोहचीतव पोल्लोङ 22:16 अस्के मीक सबे पोल्लोङ तेळियनुङ.✡1:19 2 कुरिंततोर 4:6 अद दिया एवनाह, अव पोल्लोन केंजिस ताकाट. 20 मुने मीट इद पोल्लोतुन पुनदना: देवुळता सास्त्रमतगा ताना कबुरतोर रासतव पोल्लोन, तमाय बुदते पुन्जि रासोर आंदुर. 21 ओरु मन्कना बुदते तानाङ पोल्लोन पुटिह केवोर;✡1:21 यिर्मयाह 23:26 मति देवुळता जीवा ओरा पोग़ोन उदतापयाने, अव पोल्लोन वेहतोर.✡1:20-21 2 शमूएल 23:2; बळयिर 1:16-17; 2 तिमोति 3:16; 1 पत्रु 1:11
✡1:1 1:1 1 पत्रु 1:1
✡1:1 1:1 तीतुस 2:13
✡1:2 1:2 योहन 17:3; पिलिपितोर 3:8; 2 पत्रु 1:8; 2:20; 3:18
✡1:2 1:2 रोम सहरतोर 1:6-7; 1 पत्रु 1:2
✡1:3 1:3 1 तिसलुनितोर 2:11-12; 2 तिसलुनितोर 2:14; 1 पत्रु 5:10
✡1:3 1:3 योहन 17:3; पिलिपितोर 3:8; 2 पत्रु 1:8; 2:20
✡1:3 1:3 1:6
✡1:4 1:4 3:9,13
✡1:4 1:4 याकुब 1:27; 2 पत्रु 2:18-20
✡1:4 1:4 इपिसुसतोर 4:13,24; इब्रितोर 12:10; 1 योहन 3:2
✡1:5 1:5 कुलुसितोर 2:1-3
✡1:6 1:6 बळयिर 24:25; 2 तिमोति 1:7
✡1:6 1:6 लूकाल 21:19; रोम सहरतोर 5:3; याकुब 1:3-4
✡1:6 1:6 1:3
✡1:7 1:7 रोम सहरतोर 12:10; 1 पत्रु 1:22
✡1:8 1:8 योहन 17:3; पिलिपितोर 3:8; 2 पत्रु 2:20
✡1:8 1:8 कुलुसितोर 1:9-10
✡1:9 1:9 1 योहन 2:11
✡1:9 1:9 इपिसुसतोर 5:26
✡1:10 1:10 मत्याल 22:14; रोम सहरतोर 11:29; 1 तिसलुनितोर 1:4-5; 2 पत्रु 1:3
✡1:10 1:10 3:17; यहुदाल 24
✡1:11 1:11 1 कुरिंततोर 15:24; 2 तिमोति 4:18
✡1:12 1:12 कुलुसितोर 1:3-5; 2 योहन 1-2
✡1:12 1:12 पिलिपितोर 3:1
✡1:13 1:13 3:1
✡1:13 1:12-13 यहुदाल 5
✡1:14 1:14 योहन 13:36; 21:19
✡1:14 1:14 2 तिमोति 4:6
✡1:16 1:16 मार्कल 13:26; 14:62; 1 तिसलुनितोर 2:19
✡1:16 1:16 1 तिमोति 1:3-4
*1:16 1:16 इद पोल्लोतुन पुनदलाह, मार्कल 9:2-8 ऊळाट.
✡1:18 1:16-18 मत्याल 17:1-8; मार्कल 9:2-8; लूकाल 9:28-36
✡1:19 1:19 1 पत्रु 1:10-11
✡1:19 1:19 लूकाल 1:76-79
✡1:19 1:19 तोहचीतव पोल्लोङ 22:16
✡1:19 1:19 2 कुरिंततोर 4:6
✡1:21 1:21 यिर्मयाह 23:26
✡1:21 1:20-21 2 शमूएल 23:2; बळयिर 1:16-17; 2 तिमोति 3:16; 1 पत्रु 1:11