Hill Madia 2 पत्रु 2

जोल काग़्हवालोरा लोप्पा पत्रु मुनेन वेहतह्‌तोग़

1 मति देवुळता कबुर वेहवालोरोम इनजोर, नाळेह केवालोरु, मुने देवुळता मन्कलोरा नडुम मंदुर.✡ अद्रम इंजेके वने, जोल पोल्‍लोङ काग़्हवालोर मियगा मनदनुर. विस्वसतुन बूळे कीयनव जोल पोल्‍लोन, कुस्क्ने पोकुर कीयनुर.✡ आपुना जीवाता कर्सा ईस ओरिन असतोग़✡ माल्काना पोल्‍लो केंजवा ताकनुर.✡ इद्रम कीसि, ओर कुद चट्पिटे गोसातगा अरयनुर. 2 वेल्‍लाटोर ओराङ केंजिसि, ओरा लेह्‌का आसि, लजालेवा लाग्वाङ कबस्क कीयनुर.✡ अदिनेनाह्‌क सेतेमता अग़दा बद्‌नम आयग़ा.✡ 3 जोल पोल्‍लोङ काग़्हवालोर कोताना लालुसतुह्‌क, तमाय पुटिह कीतव पोल्‍लोन वेहतनुर.✡ ओसो अविस्किन वेहचि, मीक नाळेह कीयनुर.✡ ओरिन सिक्सा ईयनद देवुळि, वेल्‍लाय जोमताहि तयर मन्ह्‌ता. अद ओरिन बूळे कीयग़ा; अद कूर्कसोर मनो.✡

4 अद इद्रमि: पापम कीतव पोग़ोटाङ देवतुल्किन वने, देवुळि विळ्सो; अविस्किन गोल्स्कने दोहचि, देयमदीपते मनदनद ईकळ गंगाता सिक्सा-बोंदातगा वाटिसीता.✡ वाटिसि तना नेयम कीयनद दियातेनाह्‌क तासता. 5 अहे मुने मतद बूमतगा मतोरिन वने, अद विळ्सो; तन्क पास्कतोरिन बूळे कीयलाहि, उड्रातुन लोहचीता.✡ मति देवुळता सेतेम अग़दे ताकाट इनजोर, पोकुर कीतोग़ नोहा मुय्तोन मात्रम, ओना एळवुर लोतोरा संगे उड्राताहि पिसिह कीता.✡ 6 अद्रमे सोदोम-गोमोरा सहर्कने मतोरिन वने, अद विळ्सो; पूरा नेग़ आनाह, ओराङ सहर्किन बूळे कीसीता, अद्रम ओरिन सिक्सा ईता.✡ ओसो तान पास्कवालोर इद्रमे आस्तोर इनजोर, इद पोल्‍लो तोहतह्‌ता.✡ 7-8 (सेतेमतोरिन बारा, देवुळि पिसिह कीयलाह पुन्ह्‌ता. अदे सोदोम सहरतगा मतोग़) लोट इनवाल, देवुळतुह्‌क ओप्पनाह ताकतोग़. अद सहरतोर लजालेवा लाग्वाङ कबस्क कींदुर.✡ वेग़ सेतेमतोग़ लोट, ओरा नडुम मन्जि, दिनमे ओर कीयनव लाग्वाङ कबस्किन ऊळिंदोग़, केंजिंदोग़. ऊळसोर, केंजसोर, ओग़ पका मेसेह्‌ने आसि, ओना जीवा मुर्तिय चुहेम आयो आंदु. अदिह्‌क देवुळि अद सहरतुन बूळे कीयनामुने, ओन पिसिह कीता.✡

9 इव सबे पोल्‍लोन मीक बाराह्‌कु सीता कीसीय्ह्‌नन इतेके, सामि तन्क माळवालोरिन तिपलताहि बेद्रम विळ्सिह कीयना,✡ ओसो लाग्वोरिन सिक्सा ईयनासाटि, नेयम कीयनद दिया एवनाह बेद्रम तासना, इविस्किन पुन्ह्‌ता इनजोर,✡ इव पोल्‍लोङ तोहतह्‌ताङ. 10 तमा मन्कना बुद वेहतपु, करबताङ लालुस्कने ताकवालोरिन,✡ सामिना अदिकरतुन पास्कवालोरिन कोनि, पका सिक्सा ईस्ता.

जोल पोल्‍लोङ काग़्हवालोर वेर मन्कलोर, बेदिह्‌के बह रेयोर, पका कैंगम आस्तोर; ओसो रेयवालेवा बेरा लावताङ देयह्‌किन बाताङे आयोङ इन्जि पास्किह्‌तोर*.✡ 11 पोग़ोटाङ देवतुल्क बारा, अव देयह्‌किह्‌काय एक्‍वा लावताङ मन्जाय मति, सामिना मुनेह अविस्किन पास्कोङ†.✡ 12 मति वेर जोल काग़्हवालोर इतेके, तमा पुनवव पोल्‍लोना लोप्पा पास्किह्‌तोर. वेर विचर कीया पुनवव, बुदलेवव जन्वर्कना लेह्‌काडोर आंदुर.✡ इद्रमताङ जन्वर्क बेदे कबळतुह्‌क अरवाह्‌कु, अविन पोस हव्कनाय ओजिह्‌ता. अद्रमलेह्‌काने देवुळि वेरिन बूळे कीयग़ा. 13 वेर लाग्वव कबस्क कीस्तोर, अविस्कना इसबते वेरिह्‌क सिक्सा दोर्कग़ा. पियल-पोळ्‍द रिमाते मनदनदे, वेरिह्‌क गिर्दा वास्ता.✡ मीवा संगे कुळ्प तिनदह्‌पा वने, वेर मीक नाळेह कीयलाह गिर्दा आस्तोर.✡ अदिनेनाह्‌क डागिललेह्‌कान, माचलेह्‌कान मीवा मुडगा लजा वानाह मन्ह्‌तोर. 14 वेरा नद्र साट्याल बुदते निंदिस मन्ह्‌ता, पापम पोल्‍लोन पर्ह्‌कसोरेन मन्ह्‌ता. विस्वसते मेग़्कवोरिन नाळेह कीसि, पापमतके ओस्तोर.✡ लालुस आयनदिना लोप्पा कोनि, वेरे पका पुतोर.✡ देवुळि वेरिन सिक्सा ईस्ताये.✡ 15 वेर सीदा दायनद अग़दुन विळ्सिस लेसतोर.✡ वेर मन्कलोर बहोर इनवाल मुय्तोना मग़ि, बलामि इनवाना अग़दुन पोयतोर.✡ वेग़ बलामि इतेके, लाग्वद कबळताङ कोतान जीवा कीस मतोग़.‡ 16 मति ओना मूका गाळ्‍दि, मन्कना लेङते वळ्ह्‌किसि, ओन तेर्हता; अह कीसि, ओग़ गूनयान बय्तळ कबळ केवाह रोमिह कीसीता.✡

17 वेर जोल पोल्‍लोङ काग़्हवालोर वततव चुवाना लेह्‌काडोर; वळ्‍दे तेळिस दायनद मोयुलता लेह्‌काडोर, (इतेके मेसेह्‌ने केवालोर) आंदुर.§✡ वेरेनाह्‌क देवुळि अमेसाता ईकळतुन तासता.✡ 18 वेर पोमाडेङ पोल्‍लोङ वळ्ह्‌किह्‌तोर, मति अव पोल्‍लोङ बेदिह्‌के अरवोङ.✡ अह वळ्ह्‌किसि, वेर लजालेवा लाग्वाङ कबस्कना मेटे, लेसतोर मन्कलोरग्डाह पेसिसि, सेतेमता अग़दे पूनाङ-पूनाङ वातोर मन्कलोरिन,✡ मेंदुदाङ लालुस्कने एग़्किह कीस्तोर.✡ 19 मीट बेदे अडोता कय इळ्न इलविर इनजोर, पूना विस्वसिरिन पोल्‍लो विळ्सिह्‌तोर. पोल्‍लो विळ्सिसाय मति, वेर तमाय बूळे कीयनव लालुस्कना कय इळ्न मन्ह्‌तोर. बाराह्‌क इतेके, बोनाय बेद पोल्‍लो आव्रे कीस्ता, ओग़ ताना कय इळ्न मन्ह्‌तोग़े.✡ 20 वेर मन्कलोरा बेचोटा बेरा गोसा! मावा सामि, माक पिसिह केवाल येसु किर्स्तुन पुताह्‌कु,✡ दुनियाताङ सबे रीतिना पापमताहि पिह्‌ट अरतोर.✡ अह आस तेला, ओसोवने अदे पापमता कय इळ्न अन्जि एग़्कतोर इतेके,✡ मुने मतदिह्‌काय इंजेके एक्‍वा सिक्साता लायकतोर आतोर.✡ 21-22 इतेके, वेर देवुळता सेतेम अग़दुन पुनवा मन्ज मतेके, वेरिह्‌क बेस ओप्पिस मनालि.✡“नयु तना ककतदिने नाकलाह मलयह्‌ता,✡ नोग़तद पदि मल्स चिक्‍लातगाने दोळ्गलाह दास्ता,” अद्रमलेह्‌काने आतोर; वेर देवुळ तोहतद अग़दुन पुन्ज मन्जि, अद पवित्र अग़दुन विळ्सिसि, (तमा पाळ्ना अग़दुने ओसोवने पोयतोर).✡

✡2:1 2:1 व्यवस्थाविवरण 13:1-5; यिर्मयाह 6:13

✡2:1 2:1 2 कुरिंततोर 11:13; 1 योहन 4:1; यहुदाल 3-4

✡2:1 2:1 1 कुरिंततोर 6:18-20

✡2:1 2:1 यहुदाल 3-4

✡2:2 2:2 पुटमुळि 19:5-9; 2 पत्रु 2:7-8,18; यहुदाल 3-4,7

✡2:2 2:2 रोम सहरतोर 2:24

✡2:3 2:3 1 तिमोति 6:5; 2 पत्रु 2:14; यहुदाल 16

✡2:3 2:3 रोम सहरतोर 16:18; 2 कुरिंततोर 2:17; 1 तिसलुनितोर 2:5

✡2:3 2:3 व्यवस्थाविवरण 32:35

✡2:4 2:4 यहुदाल 6; तोहचीतव पोल्‍लोङ 20:1-3

✡2:5 2:5 3:6

✡2:5 2:5 पुटमुळि 6:1—7:24; 1 पत्रु 3:20

✡2:6 2:6 पुटमुळि 19:24; यहुदाल 7

✡2:6 2:6 यशायाह 1:9; मत्याल 10:15; 11:23; लूकाल 10:12; रोम सहरतोर 9:29; इब्रितोर 4:11

✡2:7-8 2:7-8 पुटमुळि 19:5-9; 2 पत्रु 2:2,18; यहुदाल 3-4

✡2:7-8 2:7-8 पुटमुळि 19:1-16,29

✡2:9 2:9 1 कुरिंततोर 10:13

✡2:9 2:9 तोहचीतव पोल्‍लोङ 3:10

✡2:10 2:10 3:3; यहुदाल 16,18

*2:10 2:10 बेरा लावताङ देयह्‌किन बाताङे आयोङ इन्जि पास्किह्‌तोर “पोग़ोन मनदनव देवतुल्किन पास्किह्‌तोर” इद अर्तम वने आया पग़यह्‌ता.

✡2:10 2:10 यहुदाल 8

†2:11 2:11 अव देयह्‌किह्‌काय एक्‍वा लावताङ मन्जाय मति, सामिना मुनेह अविस्किन पास्कोङ “वेर मन्कलोरिह्‌काय एक्‍वा लावताङ मन्जाय मति, सामिना मुनेह वेरिन पास्कोङ” इद अर्तम वने आया पग़यह्‌ता.

✡2:11 2:11 यहुदाल 9

✡2:12 2:10-12 2 तिमोति 3:2; यहुदाल 10

✡2:13 2:13 रोम सहरतोर 13:13; 1 तिसलुनितोर 5:7

✡2:13 2:13 1 कुरिंततोर 11:20-21; याकुब 5:5; यहुदाल 12

✡2:14 2:14 याकुब 1:8; 2 पत्रु 2:18; 3:16

✡2:14 2:14 2:3

✡2:14 2:14 इपिसुसतोर 2:3

✡2:15 2:15 बळयिर 13:10

✡2:15 2:15 गिनती 22:5,7; व्यवस्थाविवरण 23:4; नहेम्याल 13:2; यहुदाल 11; तोहचीतव पोल्‍लोङ 2:14

‡2:15 2:15देवुळता मन्कलोरिन सरप ईम इनजोर, मोवब देसेमता राजाल बलाकि इनवाल, बलामिह्‌क कोताङ ईस मतोग़.

✡2:16 2:16 गिनती 22:21,23,28,30-35

§2:17 2:17 बेव-बेव चुवाङ आसा वानाह एग़ मतप दिसिह्‌ताङ, मति लोप्पा वतिस मन्ह्‌ताङ. बेद-बेद मोयुलि पेग़ वायग़ा इनजोर, गिर्दा वानाह मन्ह्‌ता, मति वळ्‍दे तेळिस दास्ता. वेर जोल काग़्हवालोर वने, अद्रमे पलतेनाह कर्तुळते मतप, देवुळता जीवाते निंदिस मतप दिसिह्‌तोर, मति वेर लोप्पा अद्रम इलेर. वेरग्डाह मन्कलोरिह्‌क बातय पाय्दा दोर्को.

✡2:17 2:17 यहुदाल 12

✡2:17 2:17 यहुदाल 13

✡2:18 2:18 इपिसुसतोर 4:17; यहुदाल 16

✡2:18 2:18 1:4; 2:20

✡2:18 2:18 2:2,7-8,14; 3:17

✡2:19 2:19 योहन 8:34; रोम सहरतोर 6:16

✡2:20 2:20 1:2,3,8

✡2:20 2:20 याकुब 1:27; 2 पत्रु 1:4; 2:18

✡2:20 2:20 2 तिमोति 2:4

✡2:20 2:20 मत्याल 12:45; लूकाल 11:26

✡2:21-22 2:20-22 इब्रितोर 10:26

✡2:21-22 2:21-22 बुदताङ पोल्‍लोङ 26:11

✡2:21-22 2:21-22 यहेजकेल 18:24; इब्रितोर 6:4-6; 10:26-27; याकुब 4:17