1 नना मुनेतोग़ पेदामन्कनन आंदन.✡1:1 2 योहन 1-2 नावा गोतयानिन गयुस, इद सीटि नीक रासलाह आतन. नना नावा जीवाताहि नीक जीवा कीय्ह्‌नन.✡1:1 2 योहन 1-2 2 नावा गोतयानिन! नीवा जीवा देवुळता संगे जोळेम आसि सुकमते मन्ह्‌ता, अद्रमलेह्‌का सबे पोल्‍लोने निमा सुकमते मनदना. बेदे रोगमि, दुकि आयवा बेस मनदना इनजोर, नना पार्तना कीयलाह आतन. 3 उय्तुर विस्वसिर वासि, गयुसि निटमे सेतेमते ताकसोर पिसलाह आतोग़ इनजोर, कबुर ततोर. अदिनेनाह्‌क नना पका गिर्दा आतन.✡1:3 2 योहन 4 4 नावाङ पेकोर सेतेमते ताकसोर पिसलाह आतोर इनजोर केंजिसि, नावा जीवातुह्‌क बेस गिर्दा आता.✡1:4 1 कुरिंततोर 4:14 बेदे दुस्रा पोल्‍लो तान्काय वीळिस नाक गिर्दा एवो.✡1:3-4 1 कुरिंततोर 13:6

5 नावा गोतयानिन! मावोर विस्वसिर नियगा वातेके, निमा ओरिह्‌क बेदाय कबळ कीसीयह्‌पा, नाळेह केवालेवा कीसीय्ह्‌निन. पुनवोर विस्वसिर मतेक तेला, ओरिन बेस ऊळिह्‌निन.✡1:5 रोम सहरतोर 12:13; इब्रितोर 13:2 6 निमा ओरिन पका जीवा कीतिन इन्जि, ओर नीवा बेसतल साक्सि इग्डोर विस्वसिरा मुडुह्‌क वेहतोर. देवुळतुह्‌क विचर वानाह, निमा ओर सेवाकिरा सेवा-साकुर कीसि लोहतेके बेसु!✡1:6 तीतुस 3:13 7 ओर किर्स्तुना सेवातुह्‌क पेसतोर, साय्तातेनाह्‌क ओरु विस्वस केवोरगा अनोर. 8 ओरु सेतेम पोल्‍लोन वेहतनद कबळ केवालोर आंदुर. अदिनेनाह्‌क माट अद्रमतोरिह्‌क साय्ता कीयना गावले.✡1:6-8 रोम सहरतोर 10:15 अद्रम कीतेके, माट वने ओरा संगे सेतेमतेनाह्‌क कबळ केवालोरा लेह्‌का आयकल.

9 नना विस्वसिरा मुडुह्‌क, उंद सीटि वने रासिस लोहच मतन. मति दियुत्रिपे इनवाल, विस्वसिरा मुडगा तना अदिकर ताकिह कीयलाह बोटटोग़. अदिह्‌क ओग़ नना वेहतनदिन केंजोग़.✡1:9 2 योहन 9 10 अदिनेनाह्‌क नना अगा वासि, ओग़ बाताल बाताल कीयलाह आतोग़, अदिन सबेटोर विस्वसि मुडोरिन वेहतकन. ओग़ नावा पोग़ोन, करबताङ पोल्‍लोने जोल कसुर वाटिह्‌तोग़; अचोने आयो, उननाटोर विस्वसिर ओनगा अतेके, ओरिन बेस गिर्दाते ऊळोग़.✡1:10 2 योहन 10; 3 योहन 5 ओसो विस्वसिरिन वने, अद्रमलेह्‌का कीयलाहि एवोग़. अद्रम केवालोरिन विस्वसिरा मुडाहि पलते पेहचीस्तोग़.✡1:10 योहन 9:34

11 नावा गोतयानिन! लाग्वा कबळ केवालोरा लेह्‌का आयो, मति बेसता कबळ केवालोरा लेह्‌का कीम.✡1:11 देवुळताङ पाटाङ 34:14; 37:27 बेसता कबळ केवाल मन्कल देवुळतोग़ आंदोग़.✡1:11 1 योहन 2:29; 3:10 मति लाग्वा कबळ केवाल देवुळतुन पुनोग़.✡1:11 1 योहन 3:6

12 देमेतिरियुस इनवान सबेटोर बेसतोग़ इनजोर इन्ह्‌तोर.✡1:12 बळयिर 6:3; 1 तिमोति 3:7 सेतेमता इसबते वने, ओग़ बेसतोग़ मन्कल आंदोग़. ओग़ बेसतोग़ इनजोर, माट वने वेहतलाह आतोम. माट वेहतनद सेतेम इनजोर, निमा इतेके पुतिने.✡1:12 योहन 19:35; 21:24

13 नीक वेहतलाह नयगा ओसो वेल्‍लाङे पोल्‍लोङ मन्ह्‌ताङ, मति अव पोल्‍लोन इद्रम सीटटे रास वसो. 14 मति नीक बेस्के कलियकन अस्केन, माट ओर्विह्‌क-ओर्वोग़ मोकम मुनेह वळ्ह्‌ककल इन्जि, नना आसा कीयलाह आतन.✡1:13-14 2 योहन 12 15 देवुळि नीक सुकम ईयि. इग्डोर मावोर नीक जय येसु वेहतह्‌तोर. मियग्डोर मावोरिन ओर्विन-ओर्विन नयेनाह जय येसु वेहा.