किर्स्तुना सेवक यहुदाल रासतद सीटि
इद सीटटुन रासवाल किर्स्तुना सेवक यहुदाल आंदोग़. (इद सीटटुन रासवाल यहुदाल, येसुन पोसीतोग़ यहुदाल इस्केर्योत आयोग़.) यहुदाल इद सीटटुन बाराह्क रासतोग़ इतेके, उच्वुर जोल काग़्हवालोर मन्कलोर, विस्वसिरा मुडगा नेङिसि, मुडोरिन नाळेह कीस लेसिह कींदुर. इद पोल्लोतुन विस्वसिरिह्क तेळियिह कीयलाहि, इद सीटटुन रासतोग़. ओसो देवुळि उंदिय मल्का ईतद, विस्वसता सेतेम पोल्लोतेनाह्क लळेम आम्ह्टु इनजोर, यहुदाल इद सीटटगा रासतोग़.
1
मुनेता पोल्लो
1 नना यहुदानन, येसु किर्स्तुना सेवकनन, याकुबना तमोनन.
* बोरिन देवुळबाबाल आचतोग़, जीवा कीतोग़, ओसो येसु किर्स्तु मल्स वानाह्जोम बेस-नेह्ना तासतोग़,
✡ ओरिह्के इद सीटि रासलाह आतन.
2 देवुळि मीक ऊळिस पका दया कीयि, सुकम ईयि, जीवा कीयि.
✡ जोल काग़्हवालोर
3-4 नावा गोततोरिर! देवुळि माट सबेटोर मन्कलोरिन पिसिह कीतद पोल्लोतुन
✡ रासलाहि, नाक पकाय विचर वास मता. मति उच्वुर मन्कलोर मावा मुडगा कुस्क्ने नेङतोर. ओरिह्क देवुळताहि सिक्सा दोर्किह्ता इनजोर, मुनेन ताना सास्त्रमतगा रासतद मन्ह्ता.
✡ ओर देवुळतुन माळवोर मन्कलोरु.
✡ अद तना दयाते मावा पापमतुन मापि कीस्ता इतेके, माट विचर वातपु बातय कीया पग़यह्नल इनजोर काग़्हतह्तोर.
✡ ओसो मावा वग़ोग़े माल्काल येसुसामि किर्स्तुना अदिकरते मनोर.
✡ अदिह्क मीट ओरा अडम मन्जि, येसुसामि माक ईतद कबुरतेनाह्क लळेम आयना इन्जि,
✡ इंजेक मीक रासलाह आतन. इद कबुरतुन बोग़े बेस्केन मिळ्हतनदनायो इन्जि, येसुसामि तान माक पोकुर कीया वेहतोग़.
5 नना इंजेके बेव पोल्लोन वेहतह्नन, अविन मीट पुतिरे;
✡ मति मीक ओसो सीता कीसीयलाह आतन.
✡ अव इद्रम मन्ह्ताङ: सामि
† तना इस्रयेल मन्कलोरिन मिसर देसेमतोरा कयदाहि पिसिह कीसि, अद देसेमताहि पेहच तच मता; मति पया ओरा मुडग्डाहि, विस्वस केवोरिन बूळे कीसीता.
✡ 6 अहे वळ्गा देवतुल्कु, देवुळ ईतद तमा अदिकरतुन वीळिसि, देवुळ अविनेनाह्क तासतद जागातुन विळ्सताङ. देवुळि अविस्किन गोल्स्कने दोहचि, अमेसातेनाह्क मनदनद ईकळ गंगाता सिक्सा-बोंदातगा वाटिसि, नेयम कीयनद दियातेनाह्क तासता.
✡ 7 इद्रमलेह्काने सोदोम-गोमोरा, इव सहर्कनोर, अहे एरे-गूरे मतव नाह्कनोर मन्कलोर वने, अव देवतुल्क कीतप लेह्का कीतोर; इतेके मुर्तिय ओप्पवव साट्याल कबस्क कीसोर मंदुर.
✡ देवुळि ओरिन अमेसातेनाह्क मळ्गसोर मनदनद किसतगा वाटिस सिक्सा ईता.
✡ ओरिह्क अद्रम आतदिन ऊळिसि, सबेटोर मन्कलोर रेयिस मनदना इनजोर, इद पोल्लो तोहतह्ता.
8 इव सबे पोल्लोन पुन्जाय मति, मीवा मुडगा नेङतोर मन्कलोर वने अद्रमलेह्काडोरे! देवुळ माक कलाते वळ्ह्कता इन्जि, ओर पोग़यिह्तोर. अहे तमाङ मेंदुस्कने पापम कीसि, कळ्वोग़ आस्तोर. ओर सामिना अदिकरतुन पास्किह्तोर, अहे बेरा लावताङ देवतुल्किन-देयह्किन, लेवाङ-मताङ वळ्ह्किस पास्किह्तोर.
✡ 9 मीकाय्ल इनदनद मोदुल देवतुल बार,
✡ (ओरा लेह्का वळ्ह्को). मोसा मुय्तोग़ डोलतस्के, ओना सेत्ताता लोप्पा,
✡ मीकाय्ल देवतुलि, देयह्कना मुक्याना संगे गिटोगटो आता. अस्के अदु, देयह्कना मुक्यान लेवाङ-मताङ वळ्ह्किसि कसुर ओपो; मति
“सामि नीक तेर्हि,” इनजोर इता, अचोने.
‡✡ 10 मति वेर मन्कलोर तमा पुनवव पोल्लोना लोप्पा, लेवाङ-मताङ वळ्ह्किस पास्किह्तोर. विचर कीया पुनवव जन्वर्कना लेह्का, ओरिह्क बेस्काय बाताल कीया वसिह्ता, अदे ओर विचर केवालेवा कीस्तोर.
✡ अवे पोल्लोना मेटे, तमा कुद बूळेम आस्तोर.
11 वेरिह्क गोसा आयि! वेरु,
(तना तमिन हव्कतोग़) काय्नुना
✡ अग़दे ताकवालोरु. बलामि
✡ इनवाल कोतानेनाह्क पापम कीतोग़, वेर वने ओना लेह्कान कीयलाह कंद्रेम आस्तोर.
✡ कोराल
✡ इनवाना लेह्का, वेर वने देवुळतुन विरुद कीताह्कु, कोरान बूळे कीतप लेह्का, वेरिन वने देवुळि बूळे कीयग़ा.
§ 12 मीट किर्स्तुन सीता कीस ऐंगेन कलियनद कुळ्पतुह्क जमा आयह्पा,
✡ वेर वने मीवा संगे कलियिह्तोर; अगा मन्जि, वेरु मीट विस्वसिरिह्क एग़्कुळ आयवालोर दोकानोर मन्ह्तोर.
✡ कुळ्प तिनदनगा बोराय पर्वा केवालेवा, आपुना पोटातेनाह्के ऊळिह्तोर.
✡ वेरु, वळ्दे तेळिस दायनद
✡ मोयुलता लेह्काडोर आंदुर.
✡ ओसो वाग़ताह्कु, आदनद कालमते आदवव मरानु, मन्कलोर नळ्किह्तोर; इद्रम वेरु मुर्तिय आदवव वाग़तव मराना लेह्कान मन्ह्तोर.
✡ 13 उड्रातस्के एग़ गोकिह्पा, बोमुल अग़्के गादा पेसना लेह्कान,
✡ वेर मन्कलोर तमाङ लजा वानाह मनदनव कबस्किन पेसिह कीस्तोर.
✡ ओसो आपुना जागातुन विळ्सिस वेलियनव उकाना लेह्का,
(वेर वने आपुना विचर वातपे केवालोरु). वेर अमेसा-अमेसातुह्क सिक्सा आयना इन्जि, देवुळि ईकळ गंगाता जागातुन तयर कीस तासता.
✡ 14 आदमनाहि एळुङ पीळिने पुटटोग़ हनोक इनवाल वने,
✡ वेर मन्कलोरा पोल्लोतुन, देवुळता जीवाते मुनेन इद्रम वेहतोग़: “ऊळाट, सामि तनाङ लेक पग़वप मनदनव देवतुल्कना संगे वायनोग़.
✡ 15 ओग़ सबेटोर मन्कलोरिन नेयम कीयलाह वायनोग़. देवुळतुह्क विचर वावाह कीतव लाग्वाङ कबस्क कीतोरिनु, अहे तना विरुद ओप्पवव पोल्लोङ वळ्ह्कतोरिनु, सिक्सा ईयलाह, वायनोग़”
✡ इनजोर, हनोक मुनेन वेहतोग़.
* 16 वेर जोलतोर इतेके, मुयोग़-मुयोग़ आयवालोरु;
✡ अमेसा दुस्रोरिन कसुर ओपवालोरु; तमाङ लालुस्क मतप केवालोरु;
✡ तमाङ तोडिने पोमाडेङ पोल्लोङ वळ्ह्कवालोरु; आपुना पाय्दातेनाह्क दुस्रोरिन मिङताङ-मिङताङ वळ्ह्कवालोर आंदुर.
✡ यहुदाल विस्वसिरिन बुद वेहतह्तोग़
17 मति, नावा गोततोरिर! मावा येसुसामि किर्स्तुनाङ बळयिर मुनेन वेहतव पोल्लोन, मीट सीता कीम्ह्टु.
✡ 18 ओर मीक इद्रम वेहचोर मंदुर: “आक्रिताङ दियाने देवुळतुन कवालोर मन्कलोर पेसनुर; ओर तान्क ओप्पनाह ताकवा, तमाङ लालुस्कना इसबते ताकनुर,”
✡ इनजोर वेहचोर मंदुर.
✡ 19 वेर मन्कलोर दुस्रोरिन ओर्विह्क-ओर्विन कोंटेङ पुटिह केवालोर; वेर मन्कना बुदते ताकवालोर; वेरगा देवुळता पवित्र जीवा इले.
✡ 20 मति नावा गोततोरिर! मीट देवुळताहि दोर्कतव पवित्र पोल्लोने बेस मेग़्किस मनदना इन्जि, ओर्विह्क-ओर्वोग़ तोळ आम्ह्टु.
✡ देवुळता पवित्र जीवा मीक वेहतप, पार्तना कीम्ह्टु.
✡ 21 मावा येसुसामि किर्स्तु माक तना दया तोहचि, अमेसाता पिसमुळ ईयनद दियातेनाह्क केपाटु; अद्रम केपसोर, देवुळता गूनमते निच मन्ह्टु.
✡ 22 उच्वुर मन्कलोर तमा विस्वसते उन्क-मन्क आस्तोर; ओरिन ऊळिस दया कीम्ह्टु.
23 उच्वुर मन्कलोरिन देयमदीपता किसताहि पेहतना लेह्कान, पिसिह कीम्ह्टु.
✡ ओसो उच्वुर मन्कलोरिन ऊळिस, दया कीम्ह्टु; मति ओर कीयनद पापमते, मीट वने एग़्कनद आयो इनजोर, उसरते मन्ह्टु; ओरा पापमता माच मीक तुंडमाकि.
✡ देवुळतुन मान ईयनद पार्तना
24 मीट पापमते अरवालेवा, मीक राका कीयलाहि देवुळि पग़यह्ता.
✡ मीक बेदे कसुरलेवा, पका गिर्दा आनाह कीसि, तना मिळ्स्कनद डीसाता मुनेह, निल्पिह कीया पग़यह्ता.
✡ 25 मावा येसुसामि किर्स्तुना मेटे, माक पिसिह कीयनदु, अद वग़य देवुळि.
✡ अदे देवुळतुह्क, अता कालमते वने, इंजेक वने, अमेसा-अमेसातेनाह्क डीसा तानाये; मान तानाये; लाव तानाये; अदिकर तानाये इनजोर,
✡ मन्कलोर इनिर. आमेन.