26
अग्रिपा राजाह्कु पोलु तना साक्सि वेहतह्तोग़
(9:1-22; 22:3-16)
1 पया अग्रिपा राजाल पोलुन इतोग़, “इंजेके नीवाङ पोल्लोङ वेहता पग़यह्निन.” इतस्के पोलु (नना वळ्ह्कलाह आतन इन्जि तोहतलाह,) तना कय अहचि, इद्रम पोल्लोङ वेहता बोटटोग़ इतेके, 2-3 “ए अग्रिपा राजानिन, यहुदिर नावा पोग़ोन वाटटव कसुरताङ पोल्लोना लोप्पा, नाक नीवा लेह्काडोग़ मन्कना मुनेह वेहतलाह अग़ दोर्कता इतेके, नना नेंड पका गिर्दा आतन. बह इतेके मावा यहुदिरा मनमुळतुन, ओसो मावाङ अलग-अलग विचर्किन, निमा बेस पुतिन.*26:2-3 अग्रिपा राजाह्कु, यहुदिरा मोदुल पेर्मान निल्पिह कीयनद अदिकर, रोम सर्करताहि ईतद मता. अदिह्क यहुदिराङ पोल्लोङ बेस पुंदोग़ बहे. इंजेके नना वेहतनाङ पोल्लोन, दया कीसि केंजा इनजोर, नीक जोहर कीय्ह्नन.
4 “मुने नावाय जाततोरा नडुम मन्जि, अहे पया येरुसलेमते वने, उड्लस्केडाहि नावा मनमुळ बेद्रम मता, इदिन वेल्लाटोर यहुदिर पुतोर.✡26:4 गलातितोर 1:13-14; पिलिपितोर 3:5-6 5 मावा यहुदि दर्मताङ अडोन, सबेट्काय पका नोमनद तुंगातोनन आंदन, इतेके परुसिरा तुंगातोनन, इदिन यहुदिर बेस पुतोर.✡26:5 22:3; 23:6-8; गलातितोर 1:13-14; पिलिपितोर 3:5 इद पोल्लो निटम इनजोर तमा विचर मतेके, साक्सि ईयिर. 6 इंजेक इसि इद्रम आता इतेके, देवुळि मावाङ तादोर-बाबोरिह्क मुनेन बेद पोल्लो विळ्सिस मता,✡26:6 13:32; रोम सहरतोर 1:2; 4:13; 9:4 अदे पोल्लो निटम आयग़ा इन्जि, नना आसा तासतन.✡26:6 24:15; 28:20 तासताह्के नावा नेयम आस्ता. 7 देवुळ इदे पोल्लोतुन निटम कीयनद आसाते, मावाङ बारा कूळिनोर इस्रयेल लोकुर, देवुळतुन नग़्का पिळ्विळ, पियल-पोळ्द मोळ्कसोरे, पोल्लो विळ्सतदिन अद निटम कीयग़ाये इनजोर, माळसोरेन केपिह्तोर.✡26:7 पिलिपितोर 3:10-11 ओ राजा, नना वने अद्रमे आसा तासतन,✡26:7 24:15; 28:20 इदिना लोप्पा यहुदिर नावा पोग़ोन कसुर वाटटोर. 8 देवुळि हातोरिन जीवा अर्हतनद पोल्लोतुन✡26:8 23:6-8; 24:15 नना पोकुर कीसोर मह्नन, इदिन मीट बाराह्क नमविर?
9 “नना वने मुने अद्रमे, नासरेत नाटेनोग़ येसुन विस्वस केवालोरिन, पका तिपल कीयना इनजोर, विचर कीसोर मतन.✡26:9 गलातितोर 1:13; 1 तिमोति 1:13 10 पया नना अद्रमे येरुसलेमतगा कीतन. सामिना वेल्लाटोर मन्कलोरिन जेलते वाटलाहि, नना पेर्मालोरग्डाहि अदिकर ताल्ह्किस जेलते वाटटन.✡26:10 8:3; 9:1-2,13 तग्वाङ केवालोर ओरिन हव्कना सिक्सा ईयह्पा, ओरिन हव्काट इनजोर इंदन.✡26:10 7:58; 8:1; 22:20 11 बेगा बेगा देवुळता पार्तनाताङ लोह्क मताङ, अगा बेचानाह किर्स्तुनोर येसुन पास्कोर, अचानाह नना ओरिन पका सिक्सा कींदन. ओसो यहुदिरा बूमतुह्क अबर मतव सहर्कनगा वने अन्जि, ओरिन तिपल कींदन,✡26:9-11 पिलिपितोर 3:6 अचोन ओरा पोग़ोन ओङ आंदन.✡26:11 मत्याल 10:17; बळयिर 22:19
12 “अद्रमे उंद देबा, पेर्मालोर नाक दमिस्क सहरते, येसुनाङ विस्वसिरिन पोयतलाह, अन इनजोर वेहचि, अद कबळतुन कीयलाहि अदिकर ईतोर. अस्के नना अनजोर मतन. 13 अनेके नेक निच मता, अस्के पोग़ोटाहि पोळ्दता वेह्चतुह्काय एक्वा दींचतद वेह्च, नावा ओसो नावा तोळतोरा पोग़ोन, सर्ने वेह्च अरतदिन ऊळतन. 14 अद वेह्च अरतस्के, माट सबेटोरोम नेल देळ्ब अरतोम. अरतस्के नना उंद आल्का इब्रि पोल्लोते✡26:14 21:40 इद्रम केंजतन इतेके, ‘ए सोलु, निमा नाक बाराह्क तिपल कीयलाह आतिन? कोंदा तूतिरतुन लाता ईतेक बेद्रम गडिह्ता,†26:14 युनानिर बोग़ाय, बेदे तेला पोल्लो वेहतस्के, केंजवोन इद्रम इंदुर.(अद्रमलेह्का नावा पोल्लोतुन अडम आसोर मतेके,) निमान आरेम आयकिन,’ इता. 15 पया ‘सामि निमा बोनिन आंदिन?’ इनजोर नना इतन. अस्के ओग़ इतोग़, ‘निमा बोन तिपल कीयलाह आतिन, ओग़े येसुनन आंदन. 16 अले तेदिस निल्म, बह इतेके निमा नाक ऊळतद पोल्लोतुनु, ओसो नीक तोहतकन अव पोल्लोनु, लोकुरिह्क वेहतलाह नावा सेवक इनजोर, नीक इंजेक निल्पिह कीय्ह्नन. 17 यहुदिरगा ओसो यहुदि आयवोरगा नीक लोहतह्नन. नीक बाताले आयवाह, ओरा कयदाहि पिसिह कीकन. 18 ओरिन ईकळताहि देवुळता वेह्चतगा वायनदु,✡26:18 योहन 1:5; 2 कुरिंततोर 4:4,6; इपिसुसतोर 5:8; कुलुसितोर 1:12-13; 1 तिसलुनितोर 5:5; 1 पत्रु 2:9देयमदीपता लावताहि देवुळतके वायनदु, अग़ तोहतलाह नीक लोहतह्नन. ओर नाक विस्वस कीतेके, ओरा पापमता मापि आयग़ा, अहे देवुळ आचतोर लोकुरा संगे ओरिह्क जागा दोर्कग़ा,’ इनजोर इतोग़.
पोलु तना सेवाता पोल्लोतुन वेहतह्तोग़
19 “अद्रमे अग्रिपा राजा, पोग़ोटाहि देवुळि नाक तोहतद लेकाते वेहतदिन बेस केंजिसि, येसु नाक ईतद उकुमतुन माळतन. 20 अदिह्क मुने दमिस्क सहरतोर यहुदिरिह्कु,✡26:20 9:19-22 पया येरुसलेमतोर यहुदिरिह्कु,✡26:20 9:26-29; 22:17-20 पया पूरा यहुदिरा बूमतगा ओसो यहुदि आयवोरिह्क इंका✡26:20 9:15; 13:46 ‘पापमता अग़दाहि मल्सि देवुळतगा वाटु,✡26:20 3:19 वासि माट मलतोम इन्जि, बेसताङ कबस्क कीस तोहाटु’✡26:20 मत्याल 3:8; लूकाल 3:8 इनजोर, इद पोल्लोतुन पोकुर कीसोर मतन. 21 इदिनेनाह्के उय्तुर यहुदिर नाक मंदिरतगा पोसि हव्कलाह आसोर मतोर.✡26:21 21:27-28,30-31 22 मति नेंड एवनाह देवुळि नाक तोळ ईता, अदिह्क उड्लोर-बेरोर सबेटोरिह्क साक्सि ईयलाह आतन. देवुळता कबुरतोरु ओसो मोसा मुय्तोना सास्त्रम, (येसुसामि बाताल कीयनोग़ इन्जि,) मुनेन वेहच मतोर. अद सास्त्रमतुन विळ्सिस, नना बेदे वेहोन. 23 अद सास्त्रम बाताल वेहतह्ता इतेके, ‘देवुळ लोहवाल पिसिह केवाल किर्स्तु तिपल आस डोलनोग़.✡26:22-23 मत्याल 26:24; लूकाल 24:25-27,44-46; योहन 5:39; बळयिर 3:18,24; 10:43; 13:27,39; 17:3; 28:23; 1 कुरिंततोर 15:3-4 डोलिसि ओसोवने डोलतोरग्डाहि सबेटोरिह्क मुने जीवा अर्सि,✡26:23 1 कुरिंततोर 15:20,23; कुलुसितोर 1:18; तोहचीतव पोल्लोङ 1:5 ओग़े यहुदिरिह्क, यहुदि आयवोरिह्क, बेसतल कबुरता वेह्च तोहवाल आयनोग़✡26:23 यशायाह 42:6; 49:6; लूकाल 2:29-32; 2 कुरिंततोर 4:4’ इनजोर, सास्त्रमते रासतद मन्ह्ता,” इनजोर पोलु इतोग़.
पोलु अग्रिपा राजाना बुदतुन मिळ्हतलाह ऊळिह्तोग़
24 इद्रम पोलु तना बयन वेहतह्पा, पेस्तुस इतोग़, “ए पोलु, निमा कोन बय्माङ आतिन डा!✡26:24 1 कुरिंततोर 4:10 पका कग़यतिन अदिह्क पिसाङ आतिन बहे,” इनजोर जोरते केयतोग़.
25 अस्के पोलु इतोग़, “आयो पेस्तुस महरज, नना पिसानन आयोन, सेतेमतुन बेसता बुदते वेहतलाह आतन. 26 इव पोल्लोङ बोग़े पुनवाह आतव आयोङ इन्जि, अग्रिपा राजाल वने इव पोल्लोन बेस पुतोग़,✡26:26 26:2-3 इद्रम नाक आसा मन्ह्ता. अदिह्क मुर्तिय रेयवालेवा, ओना मुनेह वेहतलाह आतन. 27 ओ अग्रिपा राजानिन, निमा बाताल इह्निन? देवुळता कबुरतोर मुने रासतव पोल्लोन विस्वस कीय्ह्निना, केविन? निमा विस्वस कीय्ह्निन इनजोर, नना पुतन,” इतोग़.
28 अस्के अग्रिपा राजाल पोलुन इतोग़, “गळ्किह्के नाक किर्स्तुना विस्वसि कीयलाहि ऊळिह्निन अय?”
29 इतस्के पोलु इतोग़, “गळ्किह्क आयि, वेल्लाय जोमतुह्क आयि, सिरप निमान आयो, इंजेके इगा नावा पोल्लोतुन केंजतोर सबेटोरु, इव गोल्स्कने दोहवप मन्जि, नावा लेह्का येसु किर्स्तुना विस्वसिर आयिर इनजोर, देवुळतुन अर्जि कीय्ह्नन,” इतोग़.
30 पोलु इद्रम इतापया राजाल, गुमसि, बेर्निके, ओसो ओरा संगे उदिस मतोर सबेटोर तेदतोर. 31 तेदिस अग्डाह अबर अन्जि, तमतमा इद्रम वळ्ह्कलाह आतोर, “वेन हव्कना इलवेक जेलते वाटना लायकता, बाताले वेग़ कसुर केवोग़,” इतोर.✡26:31 23:9,29; 25:25; 28:18 32 अग्रिपा राजाल पेस्तुसिन इतोग़, “कय्सर राजाना मुनेह नावा नेयम आयि इनजोर, वेग़ नीक अर्ज केवेक अचोन,✡26:32 25:11,21,25; 28:19 वेन विळ्सनाह आस मनालि,”✡26:32 28:18 इतोग़.
*26:2-3 26:2-3 अग्रिपा राजाह्कु, यहुदिरा मोदुल पेर्मान निल्पिह कीयनद अदिकर, रोम सर्करताहि ईतद मता. अदिह्क यहुदिराङ पोल्लोङ बेस पुंदोग़ बहे.
✡26:4 26:4 गलातितोर 1:13-14; पिलिपितोर 3:5-6
✡26:5 26:5 22:3; 23:6-8; गलातितोर 1:13-14; पिलिपितोर 3:5
✡26:6 26:6 13:32; रोम सहरतोर 1:2; 4:13; 9:4
✡26:6 26:6 24:15; 28:20
✡26:7 26:7 पिलिपितोर 3:10-11
✡26:7 26:7 24:15; 28:20
✡26:8 26:8 23:6-8; 24:15
✡26:9 26:9 गलातितोर 1:13; 1 तिमोति 1:13
✡26:10 26:10 8:3; 9:1-2,13
✡26:10 26:10 7:58; 8:1; 22:20
✡26:11 26:9-11 पिलिपितोर 3:6
✡26:11 26:11 मत्याल 10:17; बळयिर 22:19
✡26:14 26:14 21:40
†26:14 26:14 युनानिर बोग़ाय, बेदे तेला पोल्लो वेहतस्के, केंजवोन इद्रम इंदुर.
✡26:18 26:18 योहन 1:5; 2 कुरिंततोर 4:4,6; इपिसुसतोर 5:8; कुलुसितोर 1:12-13; 1 तिसलुनितोर 5:5; 1 पत्रु 2:9
✡26:20 26:20 9:19-22
✡26:20 26:20 9:26-29; 22:17-20
✡26:20 26:20 9:15; 13:46
✡26:20 26:20 3:19
✡26:20 26:20 मत्याल 3:8; लूकाल 3:8
✡26:21 26:21 21:27-28,30-31
✡26:23 26:22-23 मत्याल 26:24; लूकाल 24:25-27,44-46; योहन 5:39; बळयिर 3:18,24; 10:43; 13:27,39; 17:3; 28:23; 1 कुरिंततोर 15:3-4
✡26:23 26:23 1 कुरिंततोर 15:20,23; कुलुसितोर 1:18; तोहचीतव पोल्लोङ 1:5
✡26:23 26:23 यशायाह 42:6; 49:6; लूकाल 2:29-32; 2 कुरिंततोर 4:4
✡26:24 26:24 1 कुरिंततोर 4:10
✡26:26 26:26 26:2-3
✡26:31 26:31 23:9,29; 25:25; 28:18
✡26:32 26:32 25:11,21,25; 28:19
✡26:32 26:32 28:18