इब्रितोरेनाह्क रासतद सीटि
इद सीटटुन बोग़ रासतोग़, अद पोल्लो सीटटे वेहतद इले. इद सीटि रासवाल तिपलते मतोरु, यहुदि (इतेके इब्रितोर) विस्वसिरिह्क रासतोग़.
इद सीटटुन बाराह्क रासतोग़ इतेके, यहुदि विस्वसिरिह्कु येसुना विरुदतोरग्डाहि, पका तिपल वाताह्कु, वेल्लाटोर यहुदि विस्वसिर येसुन विळ्सिसि, यहुदिराङ रीत-रिवज्किन ओसोवन नोमकोम इन्जि, विचर कीयलाह आतोर. अदिह्क मीट आरेम आयवा, येसुन पोयसोर मन्ह्टु इनजोर, ओरिह्क दीरा ईयलाह, सीटि रासवाल वेल्लाङे पोल्लोङ रासतोग़. येसु, देवुळता मग़ि मन्ज तेला, तिपल वातस्के आपिसि, तना बाबाना पोल्लो केंजिंदोग़; देवुळबाबाना मग़ि मताह्कु, मुनेतोर कबुरतोरिह्काय, पोग़ोटाङ देवतुल्किह्काय, मोसाह्काय वने एक्वा बेरोग़ आंदोग़. अमेसातुह्क ओग़े पेर्माल; पाळ्ना सास्त्रमतोर सबेटोर पेर्मालोरिह्काय एक्वा बेरोग़. ओग़ मावासाटि तनाय जीवाता मोक ईतोग़, अदु देवुळतुह्क विचर वातप आलनद मोक आंदु. आलताह्कु, इंजेक बेदे दुस्रा मोक ईयलाह गर्ज इले. ओन विस्वस कीतेक अचोन, पापमताहि, रेयताहि, हामुरताहि विळ्सिह कीस्तोग़; इनजोर इद सीटि रासवाल विस्वसिरिह्क तोहचीयलाह आतोग़. इस्रयेल मन्कलोरा तादोर-बाबोरा विस्वसतुन तोहच मन्जि, मीट वने आक्रि एवनाह विस्वस विळ्सवा निच मन्ह्टु इनजोर, इनदलाह आतोग़.
1
देवुळि तना पूरा कबुरतुन तना मग़ना मेटे मारिह कीता
1 मुनेता कालमते देवुळि मावाङ तादोर-बाबोरा संगे वळ्ह्किंदु.
✡ ओरिन
(पिङम-पङम वळ्ह्को; मति) तना कबुरतोरा मेटे, ऊक-ऊके अलग-अलग रीतिने,
✡ तना पोल्लो वेहंदु.
✡ 2 मति इंजेके, इद आक्रिता कालमते बार,
✡ तना मग़िन लोहता, लोहचि ओना मेटे मावा संगे वळ्ह्कता.
✡ ओनाय मेटे इळ्ता, पोग़ोटा बूमतगा मनदनव सबेटविस्किन पंडटा.
✡ पंडिसि ओनाये अदिकरते सबेटविन ईसीता.
✡ 3 ओनगा देवुळता डीसा दींचिह्ता, देवुळि बेद्रमता इन्जि, ओनगाने माक बराबर दिसिह्ता.
✡ ओग़ तना पोल्लोता लावते सबेटविन आव्रे कीस्तोग़.
✡ मन्कलोरा पापमतुन एडिह कीतापया,
✡ पोग़ोन मनदनद बेरा डीसाता देवुळता तिनळ बाजे, राजेम ताकिह कीयलाहि उदतोग़.
✡ देवुळता मग़िये सबे देवतुल्किह्काय बेरोग़ु
4 इद्रमलेह्का देवुळि तना मग़िह्कु, देवतुल्किह्काय एक्वा अदिकर ईता, इतेके ओग़े देवतुल्किह्काय पका बेरोग़. 5 देवुळि तना मग़ना लोप्पा इद्रम इता:
“निमा नावा मग़निन,
इनजोरे ओसो,
“नना ओना बाबानन मनदकन,
इनजोर वने पोग़ोटाङ देवतुल्किन, बेदिने बेस्केन देवुळि इनो.
6 ओसो, तना बेरा अदिकरता मग़िन,
✡देवुळता जागातगा ततह्पा, देवुळि इता,
“नावाङ सबे देवतुल्क ओन दंडुम अरयिङ,”✡ इनजोर इता. 7 देवतुल्कना लोप्पा बारा इद्रम इन्ह्ता:
“नावा सेवा कीयनव नावाङ देवतुल्किन,
वळ्दा लेह्कान पंडटन, मळ्गनद किसता लेह्कान पंडटन,”✡ इनजोर इन्ह्ता. 8 मति तना मग़िन बार इद्रम इता:
“ए देवुळतिन, नीवा राजकुर्सि अमेसातेनाह्क मनदग़ा,
नीवा राजेम कीयनद सेतेम मन्ह्ता.
9 सेतेम नीक बेस विचर वास्ता,
लाग्वद नीक मुर्तिय विचर वावो.
अदिनेनाह्क नना नीवा देवुळतन,
नीवा संगेतोरग्डाहि, नीके गिर्दा वानाह राजाल आयलाह आचतन. ✡ 10 सामि! सुरुमुने निमान पूरा बूमता जोता दोहतोनिन,
निमान पोग़ोटा बूमतगा मनदनव सबेटविन पंडटोनिन.✡ 11 निमा अमेसा मनदकिन; मति निमा पुटिह कीतव मायनुङ.
सबे पाळ्नाङ गेंदेन पोहतना लेह्का, अविस्किन पोहमुळ आयग़ा;✡ 12 पाळ्ना गेंदेतुन ऊर्हतना लेह्का,
निमा अविस्किन ऊर्हचि मळता वाटकिन.
गेंदेनु बद्ले कीयना लेह्का, अविस्किन बद्ले कीकिन✡ मति निमा मुर्तिय बद्लेम आयविन आयकिन.✡ निमा अमेसा-अमेसातुह्क मनदकिन.”✡ इनजोर इता. 13 इदिन ओसो सीता कीम्ह्टु: देवुळि तना मग़िन इतद इद पोल्लोतुन, तनाङ बेवे देवतुल्किन बेस्केन इद्रम इनो:
“बेचानाह नना नीवा कोटुलतोरिन, नीवाङ काल्कना इळ्न तच एवोन,✡ अचानाह नावा तिनळ बाजेता राजगादेतगा उदिस मन,”✡ इनजोर इनो.
14 पोग़ोटाङ देवतुल्क राजेम कीयनव आयोङ, देवुळता सेवा कीयनव जीवाङ. बोर-बोरिह्क देवुळता पिसमुळ दोर्किह्ता,
✡ ओरा सेवा कीयलाहे, अद लोहतनव जीवाङ आंदुङ.
✡