पिलेमोनिह्कु किर्स्तुना बळयि पोलु लोहतद सीटि
इद सीटटुन रासवाल येसुना बळयि पोलु आंदोग़. पोलु कुलुसि सहरतोर विस्वसिरिह्क सीटि लोहतस्के, इद सीटटुन वने रासतोग़. इद सीटटुन पोलु पिलेमोनिह्क रासतोग़. पिलेमोन कुलुसि सहरते मतोग़. पोलु ओन कलियिसि, बेसता कबुर वेहतस्के, ओग़ विस्वसि आतोग़.
पोलु इद सीटटुन बाराह्क रासतोग़ इतेके, पिलेमोन उनेसिमुस इनवान ओर्युल तासिस मतोग़, मति उनेसिमुस तना माल्कानग्डाहि रोम सहरते विततोग़. विततस्के, अगा ओग़ पोलुन कलियिसि विस्वस कीतोग़, कीसि पोलु जेलते मनदह्पा, ओना सेवा कीसीतोग़. पया ओसोवने नीवा माल्कानगा मल्स अन इनजोर, पोलु वेहच ऊळतोग़, मति उनेसिमुस रेयतह्कु केंजोग़. रोम सर्करताङ अडोना इसबते, विततोर ओर्युलतोरिन, तमाङ माल्कालोर हव्किंदुर. अदिनेनाह्क पोलु पिलेमोनिह्क सीटि लोहचि, उनेसिमुसिन ऐंगेटोग़ विस्वसि इनजोर ओसो तासा, ओन्क सिक्सा एमा इनजोर, इद सीटटे वेहतलाह आतोग़.
1
मुनेताङ पोल्लोङ
1-2 नना पोलुनन, किर्स्तु येसुना सेवा कीयनाह्क जेलते मह्नन,✡1:1-2 इपिसुसतोर 3:1 मावा तोळतोग़ तिमोति बार,✡1:1-2 2 कुरिंततोर 1:1; कुलुसितोर 1:1-2 इद सीटटुन पिलेमोनिह्क रासलाह आतोम: पिलेमोन, मावा गोतयानिन ओसो ऐंगेटोग़ सेवकनिन, (नीक जय येसु)! ओसो मियग्डद विस्वसि अपियाह्कु, मावा संगे बेसता कबुरतासाटि लळेम आयवाल अरकिपुसिह्क,✡1:1-2 कुलुसितोर 4:17 अहे नीवा लोतगा जमा आयवालोर विस्वसिरा मुडुह्क,✡1:1-2 रोम सहरतोर 16:5(मयेनाह जय येसु)! 3 मावा देवुळबाबानाहि ओसो किर्स्तु येसुसामिनाहि, मीक सुकमि, देय्वा दोर्कि.✡1:3 रोम सहरतोर 1:6-7
पिलेमोन बह जीवा कीतोग़, बह विस्वस कीतोग़
4-5 पिलेमोन तमो! निमा येसु किर्स्तुन विस्वस कीतदिन, सबेटोर देवुळता मन्कलोरिन जीवा कीयनदिन केंजतन.✡1:4-5 इपिसुसतोर 1:15; कुलुसितोर 1:3-5; 1 तिसलुनितोर 3:6 अदिनेनाह्क बेस्के नियेनाह्क पार्तना कीय्ह्नन, अस्के नीक सीता कीस, नियेनाह्क देवुळतुन जोहर कीय्ह्नन.✡1:4-5 रोम सहरतोर 1:8-10 6 नीवा विस्वसतेनाह्कु, बेद्रम निमा दुस्रोर विस्वसिरिन साय्ता कीय्ह्निन इनजोर केंजतन. अह कीताह्कु, किर्स्तुनेनाह्क माक दोर्कनव सबे बेसताङ देय्वान, निमा पुनजोरेन दाकिन इन्जि,✡1:6 पिलिपितोर 1:9; कुलुसितोर 1:9-10 नना पार्तना कीय्ह्नन. 7 तमो! देवुळता मन्कलोरिन जीवा कीसि, ओरा जीवातुन पकाय दळदळ आनाह कीतिन.✡1:7 रोम सहरतोर 12:13; 1 कुरिंततोर 16:18; पिलेमोन 20 अद्रम कीसि, निमा नाक बेस-नेह्ना गिर्दा आनाह कीतिन, नावा जीवातुह्क सुकम आनाह कीतिन.
पिलेमोनिह्क पोलुना अर्जि
8-9 अदिनेनाह्क बेद ओप्पिह्ता, तान कीकिन इन्जि, नीक जीवा कीसि, नना पोलुनन अर्जि कीयलाह आतन.✡1:8-9 रोम सहरतोर 12:1 नना किर्स्तुना (बळयिनन इनजोरे, अदिकरते) नीक उकुम ईया पग़यह्नन. मति नना मुय्तोनन आतन, किर्स्तु येसुना सेवा कीयनाह्क, जेलते मह्नन इन्जि,✡1:8-9 इपिसुसतोर 3:1 नावा अर्जतुन केंजा. 10 (नीवा वित वातोग़ ओर्युलतोग़) उनेसिमुसना लोप्पा,✡1:10 कुलुसितोर 4:9 नीक अर्जि कीयलाह आतन;*1:10 पोलुना कालमते बोर ओर्युलतोर मंदुर, ओरिह्क बूति दोर्को आंदु. ओर पूरा माल्कालोराय मालसोमलेह्का मंदुर. माल्कालोर ओरिन बेचानाह विळ्सोर आंदुर, अचानाह ओर पूरा माल्कालोराय कय इळ्न मंदुर. ओग़ नावा मग़ना लेह्का आतोग़.✡1:10 1 कुरिंततोर 4:14 नना इगा जेलते मनदह्पा, ओग़ विस्वस कीताह्कु, नना ओना तपेना लेह्का आतन.✡1:10 1 कुरिंततोर 4:15 11 मुने ओग़ नीक बेदे कबळतुह्क ओजोग़, मति इंजेके ओग़ माक इर्वुरिह्क आसि, पका कबळतुह्क ओजवाल आतोग़.†1:11 उनेसिमुस इद पेदिरता अर्तमि “कबळतुह्क ओजवाल” इद्रम आस्ता.
12 उनेसिमुसिन नना पका जीवा वाटिह्नन, ओन मुर्तिय विळ्स वसो. तेला मति इंजेके मल्हच नियगा लोहतलाह आतन. 13 नना बेसता कबुरतुन पोकुर कीयनाह्क, जेलते मह्नन.✡1:13 पिलिपितोर 1:7(इगा नावा संगे निमा मतेके, नाक सेवा-साकुर कीसेवेनिन.) नीवा जागाते ओग़ नाक सेवा-साकुर कीस ईयेग़ इनजोर, ओन इगा नावा संगे तासलाह ऊळतन. 14 मति नीवा पोल्लोलेवा, नना बाताले कीयलाह विचर केवोन. बाराह्क इतेके निमा कीयनद बेसतल कबळि जबरदस्तिते केवा, नीवा कुसिते कीयना इनजोर, नना ऊळिह्नन.✡1:14 2 कुरिंततोर 9:7; 1 पत्रु 5:2
15 उनेसिमुस अमेसा-अमेसातुह्क नियगा मनदलाहि, ओग़ गळ्किह्क नियग्डाहि एग़तोग़ बहे!✡1:15 पुटमुळि 45:5,8 16 इंजेके निमा ओन ओर्युलतोग़ इनजोर तासमा, मति ओग़ किर्स्तुन विस्वस कीताह्कु, मावा तमोनलेह्का आतोग़.✡1:16 मत्याल 23:8; गलातितोर 3:28 नना ओन जीवा कीतन, इंजेके निमा ओन ओर्युलतोग़ इनजोर वने, सामिन विस्वस कीताह्कु तमोग़ इनजोर वने, पका जीवा कीमु.✡1:16 1 कुरिंततोर 7:22
17 सामिना कबळते निमा नाक नीवा ऐंगेटोग़ इनजोर इतेक अचोन,✡1:17 2 कुरिंततोर 8:23 नीवा लोतगा नाक बेस-नेह्ना केयिस उदिह कीयना लेह्कान, ओन वने केया. 18 मति ओग़ नीवा बेदाय नुस्कन कीतोग़ इतेके, नियग्डाहि बातालाय तेंडतोग़ इतेके, अद नावा करा आयि. 19 नना नीक निहच ईय्ह्नन इनजोर, नना पोलुनन नावाय कयदे रासिसि करल कीय्ह्नन.✡1:19 1 कुरिंततोर 16:21; गलातितोर 6:11; कुलुसितोर 4:18; 2 तिसलुनितोर 3:17 मति उंद पोल्लो माग़्ङमा, (नना पोकुर कीताह्कु, निमा किर्स्तुन विस्वस कीसि, पूना पिसमुळतुन दोर्किह कीतिन. अदिनेनाह्क) निमाने नाक करा मह्निन. 20 इंगो रा तमो! सामिनेनाह्कु, उनेसिमुसना पोल्लोते नाक गिर्दा ईम! किर्स्तुनगा निमा नावा ऐंगेटोग़ विस्वसिनिन इनजोर, नावा जीवातुन दळदळ आनाह कीम.✡1:20 1:7
21 नावा पोल्लोतुन केंजिह्निन इनजोर, बर्वस कीस रासलाह आतन. नना वेहता पोल्लोतुह्काय, एक्वा वने कीकिन इनजोर पुतन. 22 मीट नयेनाह्क पार्तना कीयलाह आतिर. अदिह्क देवुळि मीवा पार्तनातुन केंजिसि, नाक जेलतग्डाह विळ्सिह कीयग़ा इनजोर, नावा आसा मन्ह्ता.✡1:22 2 कुरिंततोर 1:11; पिलिपितोर 1:25; 2:24; इब्रितोर 13:19 नाक विळ्सतस्के मियगा वायकन, नयेनाह्क रोमलाह उंद अरा तयर कीस तासा.
आक्रिता पोल्लो
23 किर्स्तु येसुना सेवा कीयनाह्क, इपपरास✡1:23 कुलुसितोर 1:6-8; 4:12 नावा संगे जेलते मन्ह्तोग़,✡1:23 रोम सहरतोर 16:7; इपिसुसतोर 3:1 ओग़ नीक जय येसु वेहतोग़. 24 अद्रमलेह्काने नावा संगे कबळ केवालोर मार्कल,✡1:24 बळयिर 12:12; 2 तिमोति 4:9-11 अरिस्तरकुस,✡1:24 बळयिर 19:29 देमस, लूकाल,✡1:24 कुलुसितोर 4:14 वेर वने नीक जय येसु वेहतलाह आतोर. 25 येसुसामि किर्स्तुना देय्वा मियगा मनि. आमेन.✡1:25 गलातितोर 6:18
✡1:1-2 1:1-2 इपिसुसतोर 3:1
✡1:1-2 1:1-2 2 कुरिंततोर 1:1; कुलुसितोर 1:1-2
✡1:1-2 1:1-2 कुलुसितोर 4:17
✡1:1-2 1:1-2 रोम सहरतोर 16:5
✡1:3 1:3 रोम सहरतोर 1:6-7
✡1:4-5 1:4-5 इपिसुसतोर 1:15; कुलुसितोर 1:3-5; 1 तिसलुनितोर 3:6
✡1:4-5 1:4-5 रोम सहरतोर 1:8-10
✡1:6 1:6 पिलिपितोर 1:9; कुलुसितोर 1:9-10
✡1:7 1:7 रोम सहरतोर 12:13; 1 कुरिंततोर 16:18; पिलेमोन 20
✡1:8-9 1:8-9 रोम सहरतोर 12:1
✡1:8-9 1:8-9 इपिसुसतोर 3:1
✡1:10 1:10 कुलुसितोर 4:9
*1:10 1:10 पोलुना कालमते बोर ओर्युलतोर मंदुर, ओरिह्क बूति दोर्को आंदु. ओर पूरा माल्कालोराय मालसोमलेह्का मंदुर. माल्कालोर ओरिन बेचानाह विळ्सोर आंदुर, अचानाह ओर पूरा माल्कालोराय कय इळ्न मंदुर.
✡1:10 1:10 1 कुरिंततोर 4:14
✡1:10 1:10 1 कुरिंततोर 4:15
†1:11 1:11 उनेसिमुस इद पेदिरता अर्तमि “कबळतुह्क ओजवाल” इद्रम आस्ता.
✡1:13 1:13 पिलिपितोर 1:7
✡1:14 1:14 2 कुरिंततोर 9:7; 1 पत्रु 5:2
✡1:15 1:15 पुटमुळि 45:5,8
✡1:16 1:16 मत्याल 23:8; गलातितोर 3:28
✡1:16 1:16 1 कुरिंततोर 7:22
✡1:17 1:17 2 कुरिंततोर 8:23
✡1:19 1:19 1 कुरिंततोर 16:21; गलातितोर 6:11; कुलुसितोर 4:18; 2 तिसलुनितोर 3:17
✡1:20 1:20 1:7
✡1:22 1:22 2 कुरिंततोर 1:11; पिलिपितोर 1:25; 2:24; इब्रितोर 13:19
✡1:23 1:23 कुलुसितोर 1:6-8; 4:12
✡1:23 1:23 रोम सहरतोर 16:7; इपिसुसतोर 3:1
✡1:24 1:24 बळयिर 12:12; 2 तिमोति 4:9-11
✡1:24 1:24 बळयिर 19:29
✡1:24 1:24 कुलुसितोर 4:14
✡1:25 1:25 गलातितोर 6:18