1 विस्वसि मन्कलोरु, मुक्यालोरिन ओसो अदिकरते मनवालोरिन सीता कीसि ओरा पोल्‍लो केंजिसि मनिर. सबे बेसताङ कबस्क कीयलाहि तयर मनिर. 2 बोनाङे कूदिङ अनमाकिर, जग्ळम केमाकिर, ओङ आयमाकिर, सबेटोरा संगे गूनमते मनिर इनजोर ओरिह्‌क सीता कीसीम. 3 मुने माटवने बुद तेळियवोरल मतल. पोल्‍लोङ केंजवोरल मतल. माट नाळेम आस मतल. दुस्राङ-दुस्राङ लाग्वाङ लालुस्कना कय इळ्न मनजि विचर वातप कींदल. लाग्वाङ कींदल, कुळ्सा अंदल. दुस्रोरिह्‌क एग़्ङ वावालोरल मंदल, ओसो माटवने ओर्विन-ओर्वोग़ कोटुल कींदल.

4 मति देवुळि तना मग़िन लोहचि, मन्कन बेचोन जीवा कीस्ता इनजि तना गूनम तोहचीता. 5 ओसो माक पिसिह कीता. माट बेसताङ कबस्क कीतल इनजोर माक पिसिह केवो; मति माक ऊळिस तनाय दयाते पिसिह कीता. पापम एडनाह मावा जीवातुन नोग़ता, ओसो तना पवित्र जीवाते मावा जीवातुन पूना कीसि माक पूना पुटमुळ ईता. 6 माक पिसिह केवाल येसु किर्स्तुना मेटे, मावा जीवातगा निंदिस बल्क अरनाह देवुळि तना जीवातुन वळता. 7 इद्रमलेह्‌का देवुळि माक दया कीसि सेतेमतोर कीता, कीताह्‌कु माट इंजेके तानग्डाहि अमेसाता पिसमुळता तूस दोर्किह कीकल इनजोर आसा कीयलाह आतल. 8 इंजेके नना रासतन अव पोल्‍लोङ जोलताङ आयोङ. नना नीक वेहतह्‌नन, इव मोदुल पोल्‍लोङ इनजि इविस्किन तेळियिह कीसोर मन. अस्के देवुळतुन विस्वस कीतोरु बेसताङ कबस्क कीयना सीतातेन मनदनुर. नना वेहतव पोल्‍लोङ सबेट्काय बेसताङ, ओसो मन्कलोरिह्‌क पाय्दाताङ पोल्‍लोङ आंदुङ.

9 मति उगसताङ पोल्‍लोने गिटोगटो आयनगा, जोला-जमाताङ लेकाङ-जोकाङ कीयनगा, यहुदिराङ अडोना लोप्पा जग्ळा-बोबा कीयनगा अनमा. अव पोल्‍लोङ उगसताङ, पाय्दालेवाङ आंदुङ. 10 विस्वसिरा संगे गिटोगटो आसि कोंटेङ पुटिह केवाल मन्कन उंद-रेंड मल्काङ अद्रम केमा इनजोर वेहच ऊळा. ओग़ केंजवेके ओन जेक तासा. 11 इद्रमतोग़ बेसता अग़दाहि लेसतोग़, ओग़ कुदि कसुर आतोग़ इनजोर ओनाय पापम तोहता, इदिन निमा पुतिन.

12 नना नीवा बद्लाते ओर्विन कबळ कीयलाहि लोहतकन: अरतिमास*3:12 “अरतिमास” वेना लोप्पा पूना सास्त्रमते बाताले एक्‍वा वेहतद इले. इनवान इलवेके आसिया पटटोग़ तुकिकुसिन✡3:12 बळयिर 20:4; 2 तिमोति 4:12. ओरग्डाह बोग़ाय अके वातेके, निमा नयगा नीकुपुलिस†3:12 “नीकुपुलिस” इदु एपिरुस इनदनद पटटा उंद सहर आंदु. तान दोहवाल रोम राजेमता ओगुस्तुस कय्सर राजाल आंदोग़, ओग़े येसु पुटटस्के सिरगंचि कीयलाह वेहच मतोग़ (लूकाल 2:1). सहरते वायलाह तयर आयकिन. नना इर्ङमतस्के नीकुपुलिस सहरते मनदलाह विचर कीतन. 13 जेनास‡3:13 “जेनास” वेना लोप्पा पूना सास्त्रमते बाताले एक्‍वा वेहतद इले. इनवाल वकिल ओसो अपुलोस§3:13 “अपुलोस” वेना लोप्पा बळयिराङ कबस्क 18:24 वचनते ऊळाट, वेग़ पोलुना बेस तोळतोग़ मतोग़., वेर इर्वुर मियेके वासि रोमनुर. वेरा पय्नमते वेरिह्‌क बेस-नेह्‌ना सार-बार कीस लोहा. वेरिह्‌क बातालतये कमि आयमाकि. 14 इद्रमलेह्‌का मावोर विस्वसिर बाताले कबळतुह्‌क अरवा मनदनद आयो, पका गर्ज मता मन्कलोरा गर्जतुन पूरा कीयनासाटि बेसताङ कबस्क कीयलाह कग़यसोर मनिर.

15 इगा नयगा मनवालोर सबेटोर नीक जय येसु वेहतलाह आतोर. ओसो माक जीवा केवालोर मावा तोळतोर विस्वसिरिन पोलु जय येसु वेहतोग़ इनजोर वेहा. मीट सबेटोरिह्‌क देवुळि देय्वा ईयि.