3
येसु मोसाह्काय बेरोग़
1 अदिनेनाह्क मावोर पवित्र विस्वसिरिर!
✡ देवुळि मीक बेद पिसमुळते केयता,
✡ अवटे मीट वने कलियतिर. अदिनेनाह्क येसुना लोप्पाडा पोल्लोतुन बेस-नेह्ना विचर कीस ऊळाट!
✡ ओग़ देवुळ लोहतोग़
(माक पिसिह केवाल),
✡ ओसो मावा पेर्माल इन्जि,
✡ माट कबुल आय्ह्नल.
✡ 2 बेद सेवातेनाह्क देवुळि मोसान केयता, अदिन ओग़ देवुळता लोतोरगा तपवालेवा कीतोग़.
✡ अद्रमे बेद सेवातेनाह्क देवुळि येसुन निल्पिह कीता, अदिन ओग़ वने तपवालेवा कीतोग़.
3-4 लोतुन पंडवाल इतेके मन्कले मन्ह्तोग़. मति देवुळ बारा सबेटविन पंडटा. बेद्रम लोतुन पंडवाल अद लोतुह्काय एक्वा मान-कदरतोग़ आस्तोग़, अद्रमे येसु मोसाह्काय एक्वा, पका मान-कदरता लायकतोग़ आंदोग़.
✡ 5 मोसाल देवुळता लोतोरगा, सबे पोल्लोने तपवालेवा सेवा कीतोग़;
✡ मति ओग़ सिरप सेवके मतोग़.
✡ वायनद कालमते देवुळि पुन्पिह कीयनव सेतेम पोल्लोनु, ओना कबळ मुनेन तोहचीता.
✡ 6 मति किर्स्तु बारा, देवुळता मग़ मन्जि, देवुळता लोतोरिन ऊळसोर मनवाल आतोग़.
✡ अदिह्क माट आसा कीतल अद पोल्लोतगा रेयवालेवा, आक्रि एवनाह मेग़्किस आसा ताससोर मतेके,
✡ माट वने ताना लोतोरल आय्ह्नल.
✡ इस्रयेलतोरा लेह्का विस्वस केवा मनदनद आयो
7 अदिनेनाह्क देवुळता जीवा इतद पोल्लो,
✡ देवुळता सास्त्रमतगा इद्रम रासिस मन्ह्ता:
नेंड देवुळि वेहतनदिन केंजतेक अचोन,
8 केंजोम इनजोर कैंगम आयमाट. ✡ मीवाङ तादोर-बाबोर पेळ्ह्कल बूमतगाह्क दायह्पा, अद्रम कोनि कीतोर;
ओसो नना बेचानाह आपसोर मनवानन इनजोर, नावा पट ऊळतोर, ओसो नाक ओङ तग़्हचीतोर.
9 रेंड वीसाङ वर्साङ आनाह, नना कीतव बेसताङ कबस्किन ऊळतोर. ✡ अस्के वने, नना बेचानाह आपसोर मनवानन,
नना बेद्रमतोनन इनजोर, पट ऊळिंदुर.
10 अदिनेनाह्क नना वेर मन्कलोरिन ओङ आतन ओसो इतन,
“वेरा बुदि सेतेम पोल्लोताहि अमेसा लेससोर मन्ह्ता;
नना तोहतनद अग़दे ताकवालोर आयोर” इनजोर इतन, ओसो;
11 “आरम कीयिर इनजोर, नना वेरेनाह्क तासतद जागातगा, वेर मुर्तिय एव्वोर आयनुर,” ✡ इनजोर ओङते किरिया कीतन, ✡ इनजोर रासिस मन्ह्ता.
12 अदिनेनाह्क मावोर विस्वसिरिर, जीवात मनदनद देवुळतुन विळ्सिस दायना लेह्काडा लाग्वद बुदि, विस्वस केवद बुदि, मियगा मनमाकि!
✡ 13 देवुळता सास्त्रमतगा, “नेंडु” इनजोर रासिस मन्ह्ता. उंद-उंद दिया वायह्पा, तान “नेंड” इह्नल. अदिनेनाह्क पापमि मीवा विचरतुन नाळेह कीसि, गद्रम कीयनद आयो इन्जि, दिनम मीट ओर्विह्क-ओर्वोग़ दीरा ईसोर मन्ह्टु.
✡ 14 अहे माट मुने कीतद विस्वसतुन, आक्रि एवनाह विळ्सवालेवा मतल इतेकेने, माट किर्स्तुनाङ सबे पोल्लोने पोत्ला आयकल.
✡ 15 पोग़ोन रासतपु:
“नेंड देवुळि वेहतनदिन केंजतेक अचोन,
केंजोम इनजोर कैंगम आयमाट,” ✡ इनजोर रासतद इद पोल्लोतुन ओसो ऊळकल.
16 देवुळता पोल्लोतुन केंजिसि, तान ओङ वानाह कीस मतोर बोरु?
✡मिसर देसेमताहि मोसाल पेहच ततोरु, ओरे सबेटोरु!
✡ 17 रेंड वीसाङ वर्साङ देवुळि बोरिन ओङ आस मता? पापम कीतोर मन्कलोरिन ओङ आस मता. ओर पापम कीताह्कु, पेळ्ह्कल बूमतगाने डोलतोर!
✡ 18 आरम कीयलाह, ओरेनाह्क तासतद जागातगा एवमाकिर इनजोर, देवुळि बोर मन्कलोरा लोप्पा ओङते किरिया कीता?
✡ ताना पोल्लोतुन केंजवोराय लोप्पा.
✡ 19 ओर मन्कलोर देवुळतुन विस्वस केवाह्कु,
✡ आरम दोर्कनद देसेमतगा ओळिय पग़वोर इनजोर, माक एर्का आस्ता.