2
बोनाय मोकम ऊळिस ताकना आयो
1 मावोरिर! मीटु देवुळता डीसाते मनवाल, मावा सामि येसु किर्स्तुन विस्वस कीतिर. अदिनेनाह्क बोनाय मोकम ऊळिस बह ताकमाटु.✡2:1 बळयिर 10:34 2 मीटे सीता कीस ऊळाटु, मीवा पार्तनातगा ओर्वोग़ मन्कल बंगरताङ मुदाङ केग़्सि, बेसता मलयळि केग़्स वावेग़. ओसो दुस्रोग़ गरिब मन्कल बार कळ्न्जतद जगा केग़्स वावेग़. 3 बेसता जगा केग़तोन ऊळिसि, “इगा बेरोर उदनद जागातगा उदा!” इनजोर इनेरिर, गरिब मन्कन बार, “इगा निच मन रा! उदना इतेक बार नेल उदा,” इनजोर इनेरिर. 4 इद्रम कीसि, लाग्वाङ विचर्कने मीवाय नडुम उड्लोर-बेरोर इनजोर, मोकम ऊळिस ताकवालोरिर आयविरा?✡2:4 योहन 7:24
5 मावोर विस्वसिरिर, केंजाट! इद दुनियातोरा इसबते बोर गरिबते मन्ह्तोर, ओरिन विस्वसते बेरोर कीयलाह, देवुळि आचताया, आचो?✡2:5 अय्यूब 34:19; लूकाल 12:21; 1 कुरिंततोर 1:27-28; तोहचीतव पोल्लोङ 2:9 नावा राजेम मियेनाह्के आयग़ा इन्जि, देवुळि तन्क जीवा केवालोरेनाह्क पोल्लो विळ्सिस मता इन्जि पुतिर;✡2:5 1:12 अदे राजेम गरिबतोर विस्वसिरिह्क आयग़ाया, आयो?✡2:5 लूकाल 6:20 6 मीट बार गरिब मन्कलोरा कदर रेहतिर.✡2:6 1 कुरिंततोर 11:22 मति मीक मुळ्ह्वालोर, ओसो पंचतगा ईळ्सिस ओयवालोर, साव्कर मन्कलोरे आयो रा? 7 ओसो पिसिह केवाल किर्स्तुना बेसता पेदिर मीक अरता,✡2:7 बळयिर 11:26; 1 पत्रु 4:16 अद पेदिरतुन वने पास्कवालोर, वेरे साव्कर मन्कलोर आयो रा?
8 ओसो निटम मीट देवुळता राजेमताङ अडोङ माळतिर इतेके, पका बेस कीय्ह्निर.✡2:8 मत्याल 7:12 देवुळता सास्त्रम वेहतपु, निमा कुदतुन जीवा कीतपु, दुस्रोरिन वने जीवा कीम.✡2:8 लैव्यव्यवस्था 19:18; रोम सहरतोर 13:8-9 9 मति दुस्रोन उड्लोग़-बेरोग़ इनजोर ऊळतिर इतेक मात्रम, मीट पापम कीय्ह्निर.✡2:9 बळयिर 10:34 पया देवुळताङ अडोनु माळवद कसुर, मीवा पोग़ोन उदग़ा. 10 बोग़ाय मन्कल देवुळताङ अडोङ पूरा माळिसाय मति, उंदाय अडोतुन तपतोग़ इतेके, ओग़ अडोना पूरा सास्त्रम माळवदिना कसुरतोग़ आस्तोग़,✡2:10 मत्याल 5:19; गलातितोर 5:3 पुनविरा? 11 बह इतेके साट्याल कबळ कीयनद आयो✡2:11 पेसमुळि 20:14; व्यवस्थाविवरण 5:18 इनजोर वेहतदे देवुळि, दुस्रोन हव्कनद आयो✡2:11 पेसमुळि 20:13; व्यवस्थाविवरण 5:17 इनजोर वने वेहता. निमा साट्याल कबळ केविन, मति हव्कतिन इतेके, निमा अडोन माळवोनिन आय्ह्निन. 12 मीक पापमताहि विळ्सिह कीयनव देवुळताङ अडोनु माळतिरा, माळविरा?✡2:12 गलातितोर 6:2; याकुब 1:25 अविस्कना इसबते, देवुळ मीवा नेयम कीयग़ा. अदिह्कु मीवा तोडटाङ पोल्लोङ, मीवाङ कबस्क, अव अडोङ वेहतप मनिङ. 13 बह इतेके, बोग़ दुस्रोरा पोग़ोन दया केवोग़, देवुळ वने नेयम कीयनद दियाते, ओना पोग़ोन दया केवो आयग़ा. मति दया केवालोर मन्कलोर, नेयमतुह्क रेयोर आयनुर.✡2:13 मत्याल 5:7; 18:32-35; लूकाल 6:37; याकुब 3:17
बेसताङ कबस्क केवेके, विस्वस उगसताये
14 मावोर विस्वसिरिर! बोग़ाय मन्कल किर्स्तुन विस्वस कीय्ह्नन इनजोर वेहेग़, मति तना विस्वसतुन तोहतलाह, बेसताङ कबस्क केवोग़ इतेके, ओना विस्वसता बाताल पाय्दा आयग़ा?✡2:14 1:22 बह इद्रमता विस्वस ओन पिसिह कीया पग़यह्ताया? 15 इंजेके बोग़ाय विस्वसि मन्कल नियगा वास्तोग़, ओन्क इर्ङमते केग़यलाह गेंदेङ इलेङ, दिनम तिनदलाह तिंडि वने आलो.✡2:15 मत्याल 25:35-36; लूकाल 3:11 16 अस्के निमा ओन ऊळिसि, “सुकमते अन! देवुळि नीकु बेस मल्ङनाङ गेंदेङ ईयि! पोटामेंड पंजनाह गाटो ईयि,” इनजोर इह्निन, मति ओना मेंदुदुह्क बेव गर्ज मन्ह्ताङ, अव ओन्क एविन इतेके, ताना बाताल पाय्दा?✡2:16 1 योहन 3:17-18 17 इद्रमलेह्का विस्वस कीसि, बेसताङ कबस्क केवेक अचोन, मीवा विस्वस बाताल कबळता?✡2:17 गलातितोर 5:6
18 बोग़ाय नाकु “नियगा विस्वस मन्ह्ताया?” इनजोर इनेग़. नना इतेक “नना बेसताङ कबस्क केवानन. निमा बेसताङ कबस्क केवाये, नीवा विस्वसतुन नाक तोहतह्निन. नना बार बेसताङ कबस्कनेने, नावा विस्वसतुन तोहतकन,”✡2:18 मत्याल 7:16-17; लूकाल 6:43-44 इनदकन. 19 इंजेके देवुळि उंदिय मन्ह्ता इनजोर, मीट विस्वस कीतिर बेसे.✡2:19 व्यवस्थाविवरण 6:4; मार्कल 12:29 मति देयह्क वने मीवा लेह्का अद पोल्लोतुन विस्वस कीस्ताङ, ओसो (देवुळ माक सिक्सा ईयग़ा इनजोर,) रेयिसि साङिह्ताङ.✡2:19 मत्याल 8:29; मार्कल 1:24; 5:7-8; लूकाल 4:34; बळयिर 19:15 20 एय बुदलेवोग़ मन्कनिन! बेसताङ कबस्क केवालेवा, वेट विस्वस बाताले कबळता आयो! इचोन वने पुनविना?✡2:14-20 याकुब 1:22
21 अद्रमे मावा पेदामुय्तोग़ अब्रहम, देवुळता पोल्लोतुन केंजिसि, तना मग़ि इसकिन मोक ईयलाह गर्यातगा तासतोग़.✡2:21 पुटमुळि 22:9-12; इब्रितोर 11:17-18 ओग़ अद्रम कीसि, तना विस्वसतुन तोहतस्के, देवुळि ओन सेतेमतोनिन इता इनजोर,✡2:21 पुटमुळि 22:16-18 इद पोल्लोतुन मीट बेस पुह्निर. 22 ऊळाट, ओना विस्वस ओसो ओग़ कीतव कबस्क कलियिस मताङ,✡2:22 योहन 6:29 ओनाङ कबस्कनेन ओना विस्वस करल दिसता. 23 इद्रमलेह्का अब्रहम मुय्तोग़ देवुळता पोल्लोतुन नमतोग़, अस्के देवुळि ओन सेतेमतोनिन इता✡2:23 पुटमुळि 15:6; रोम सहरतोर 4:3 इनजोर, देवुळता सास्त्रमतगा रासतद इद पोल्लो करल दिसता. ओसो अब्रहमिन देवुळता गोततोग़✡2:23 2 इतिहास 20:7; यशायाह 41:8 इनजोर वने इंदुर. 24 अदिह्क सिरप विस्वस कीतेकेन आयो, मति बेसताङ कबस्क कीतेकेने, देवुळि माकु सेतेमतोरिर इन्ह्ता इनजोर, माक तेळियिह्ता.
25 अद्रमे राहब पेदिरता बोगे आंचाना पोल्लोतुन पुतिरे. (ताना सहरतुन ऊळलाह अन्ज मतोर,) इस्रयेलतोर आय्डाङ गुंजवालोरिह्क, अद आंचाळ तना लोते मकलाहि जागा ईता. अह कीस पया (ओरिन बोरे ऊळवस्के,) दुस्रा अग़दे मल्हच लोहचीता.*2:25 राहब पेदिरता आंचाळि यहुदि आयवद मता, ओसो बोगे कबळ कीन्दु. मति देवुळि कनान देसेमतुन इस्रयेलतोरिह्क ईता इनजोर, विस्वस कीसि, ताना देसेमतुन ऊळलाह अन्ज मतोर इस्रयेलतोर आय्डाङ गुंजवालोरिन, तना सहरतोरग्डाह मकिह कीसि, दुस्रा अग़दुह्क मल्हच लोहतनद बेसता कबळ कीता (यहोशू 2 अद्यय ऊळाट). ✡2:25 यहोशू 2:4,6,15 अद अद्रम (देवुळतुन विस्वस कीसि,) इद कबळ कीताह्कु, देवुळता मुनेह अद सेतेमतद आता.✡2:25 इब्रितोर 11:30-31
26 निटमे बेद्रम ऊकुरलेवा मेंदुल डोलिह्ता, अद्रमलेह्काने बेसताङ कबस्क केवालेवा, विस्वस वने डोलिस मन्ह्ता.
✡2:1 2:1 बळयिर 10:34
✡2:4 2:4 योहन 7:24
✡2:5 2:5 अय्यूब 34:19; लूकाल 12:21; 1 कुरिंततोर 1:27-28; तोहचीतव पोल्लोङ 2:9
✡2:5 2:5 1:12
✡2:5 2:5 लूकाल 6:20
✡2:6 2:6 1 कुरिंततोर 11:22
✡2:7 2:7 बळयिर 11:26; 1 पत्रु 4:16
✡2:8 2:8 मत्याल 7:12
✡2:8 2:8 लैव्यव्यवस्था 19:18; रोम सहरतोर 13:8-9
✡2:9 2:9 बळयिर 10:34
✡2:10 2:10 मत्याल 5:19; गलातितोर 5:3
✡2:11 2:11 पेसमुळि 20:14; व्यवस्थाविवरण 5:18
✡2:11 2:11 पेसमुळि 20:13; व्यवस्थाविवरण 5:17
✡2:12 2:12 गलातितोर 6:2; याकुब 1:25
✡2:13 2:13 मत्याल 5:7; 18:32-35; लूकाल 6:37; याकुब 3:17
✡2:14 2:14 1:22
✡2:15 2:15 मत्याल 25:35-36; लूकाल 3:11
✡2:16 2:16 1 योहन 3:17-18
✡2:17 2:17 गलातितोर 5:6
✡2:18 2:18 मत्याल 7:16-17; लूकाल 6:43-44
✡2:19 2:19 व्यवस्थाविवरण 6:4; मार्कल 12:29
✡2:19 2:19 मत्याल 8:29; मार्कल 1:24; 5:7-8; लूकाल 4:34; बळयिर 19:15
✡2:20 2:14-20 याकुब 1:22
✡2:21 2:21 पुटमुळि 22:9-12; इब्रितोर 11:17-18
✡2:21 2:21 पुटमुळि 22:16-18
✡2:22 2:22 योहन 6:29
✡2:23 2:23 पुटमुळि 15:6; रोम सहरतोर 4:3
✡2:23 2:23 2 इतिहास 20:7; यशायाह 41:8
*2:25 2:25 राहब पेदिरता आंचाळि यहुदि आयवद मता, ओसो बोगे कबळ कीन्दु. मति देवुळि कनान देसेमतुन इस्रयेलतोरिह्क ईता इनजोर, विस्वस कीसि, ताना देसेमतुन ऊळलाह अन्ज मतोर इस्रयेलतोर आय्डाङ गुंजवालोरिन, तना सहरतोरग्डाह मकिह कीसि, दुस्रा अग़दुह्क मल्हच लोहतनद बेसता कबळ कीता (यहोशू 2 अद्यय ऊळाट).
✡2:25 2:25 यहोशू 2:4,6,15
✡2:25 2:25 इब्रितोर 11:30-31