4
सुकमते बेद्रम मनदना
1 अदिनेनाह्क मावोरिर, नना रासतन अद इसबते, सामिनाङ पोल्लोङ केंजिस मेग़्किस मन्ह्टु.✡4:1 1 कुरिंततोर 16:13; पिलिपितोर 1:27 गोततोरिर, मीक ऊळलाह पका नावा जीवा पर्ह्किह्ता. मियेनाह्के नाक गिर्दा वास्ता, नावा कह्टेमता पाय्दा मीटे आंदिर.✡4:1 1:8; 1 तिसलुनितोर 2:19
2 यूवादिया! सुनतुके! मीट रेंड आसि आस्कनिर, सामिना मेटे एलाग़ रेंडिस्कनिर मह्निर. अदिनेनाह्क मीट रेंडिस्कनिर आसि, उंदिय एकाते गूनम आस मन्ह्टु इनजोर, मीक वेहतह्नन.✡4:2 पिलिपितोर 2:1-2 3 नावा सेतेमतोग़ तोळतोनिन*4:3 पिलिपितोर विस्वसिरा मुडगा बोनो ओर्विन पोलु वेहतह्तोग़, मति ओना पेदिर वेहोग़.! अव रेंड आसि आस्कु उंदिय एकाते मनदलाहि, अविस्किह्क तोळ आमु. बाराह्क इतेके किलेमेन्सना ओसो नावा ऐंगे कबळ केवालोरा संगे कलियिसि, अव रेंड आसि आस्कु, बेसता कबुरतुन पोकुर कीयलाहि कह्टेम कीताङ. ओर सबेटोराङ पेदिर्क, देवुळतगा मनदनद अमेसातुह्क पिसवालोरा पुस्तकतगा रासतव मन्ह्ताङ, इदिन सीता कीम्ह्टु.✡4:3 लूकाल 10:20; तोहचीतव पोल्लोङ 3:5; 20:15
4 मीट सबेटोरिर सामिना देय्वाते गिर्दा आसोर मन्ह्टु. ओसो वेहतलाह आतन, गिर्दा आसोर मन्ह्टु.✡4:4 2 कुरिंततोर 6:10; पिलिपितोर 2:18; 3:1; 1 तिसलुनितोर 5:16 5 सामि वायनद दिया एरेन एवता,✡4:5 1 कुरिंततोर 16:22; इब्रितोर 10:37; याकुब 5:8-9 इदिन सीता कीसि, मीट कुलुल बुदता मन्कलोरिर इनजोर, सबेटोर पुनदना गावले, अद्रम पिसाटु. 6 बेदे पोल्लोतेनाह्क आलिह केमाटु,✡4:6 मत्याल 6:25; 1 पत्रु 5:7 मति सबे पोल्लोनेनाह्क पार्तनाते देवुळतुन अर्जि कीस, मीवा गर्जतुन वेहाटु.✡4:6 इपिसुसतोर 6:18; 1 तिमोति 5:5 देवुळि माक बेस ऊळिह्ता इनजोर, मीट तान जोहर कीसोर ताल्ह्काटु. 7 अस्के मीवा तिपलता नडुम वने, देवुळि तना सुकम मीक ईयग़ा, इद पोल्लो बोन्के तेळियो.✡4:7 यशायाह 26:3; योहन 14:27; इपिसुसतोर 3:18-19 अह कीसि मीवा जीवातुन, मीवा बुदतुन आल्सुळते अरवाह राका कीयग़ा.✡4:7 1 पत्रु 1:4-5 मीट किर्स्तु येसुना संगे जोळेम आताह्कु, देवुळ अद्रम कीयग़ा.
8 मावोरिर! इद उंद पोल्लो पिसता, बेव पोल्लोङ बेस-नेह्ना, असलताङ मन्ह्ताङ, अवे पोल्लोने सीता कीसोर मन्ह्टु: इतेके बर्वस लायकताङ पोल्लोङ, मानेम आयना लेह्काडाङ पोल्लोङ, सेतेमताङ पोल्लोङ, पवित्र पोल्लोङ, गिर्दाताङ पोल्लोङ, बेस विचर वायनव पोल्लोङ, इविस्किने सीता कीसोर मन्ह्टु.✡4:8 रोम सहरतोर 14:18 9 मीट नयग्डाहि कग़यिसि दोर्किह कीतिर, नयग्डाह केंजतिर, नयगा ऊळतिर, अव पोल्लोङ वेहतपु, काळ्ङसोर मन्ह्टु.✡4:9 1 कुरिंततोर 4:16; पिलिपितोर 3:17 अस्के मीक सुकम ईयनद देवुळि मीवा तोळ मनदग़ा.✡4:9 रोम सहरतोर 15:33
पोलु विस्वसिरिन जोहर कीस्तोग़
10 नाक (दान लोहचि तोळ ईयना इनजोर,) मीट इंजेक सीता कीतिर.✡4:10 2 कुरिंततोर 11:9 अदिनेनाह्क सामिना इद देय्वातुन ऊळिसि, नना पकाय गिर्दा आतन. मुनेतग्डाह मीवा इद्रमताये बुद मता, मति अस्के मीक अग़ दोर्को आस मता,✡4:10 2:29-30 मति बाताल आयो. 11 नाक गर्ज अरताह्कु नना इद्रम इनोन, बाराह्क इतेके नना बह मतेक तेला, बेस सुकमते मनदलाह कग़यतन.✡4:11 2 कुरिंततोर 9:8; 1 तिमोति 6:6,8; इब्रितोर 13:5 12 बाताले लेवस्के बह पिसना, अद वने पुतन; मतस्के बह पिसना, इदिन वने पुतन. बेद्रम आतेकाय, बेदे वेला आयि, कग़्वते मतेक वने, पोटा निंदिस मतेक वने, मतस्के पिसलाह वने, गर्ज अरतस्के पिसलाह वने, नना कग़यतन.✡4:12 2 कुरिंततोर 11:27 13 किर्स्तु नाक लाव ईस्तोग़,✡4:13 1 तिमोति 1:12 अदिनेनाह्क नना बह तेला पिस पग़यह्नन.✡4:13 2 कुरिंततोर 12:9; इपिसुसतोर 3:16; कुलुसितोर 1:11-12 14 तेला मति नाक अळ्सन पुटटस्के, मीट नाक तोळ ईतिर, बेस कीतिर.✡4:14 इब्रितोर 10:32-33; तोहचीतव पोल्लोङ 1:9
15 ए मावोर पिलिपितोरिर! नना मुने बेसता कबुर मियगा पोकुर कीसोर मतन, अस्के नना मीवाय मकिदुनिया पटटाहि पेसिस मतन.✡4:15 रोम सहरतोर 15:26 पेसतस्के मीवाय मुलु नाक कोताङ ईस तोळ ईतोर.✡4:15 2 कुरिंततोर 11:8-9; पिलिपितोर 1:3-5 दुस्रोर बोरे विस्वसिरा मुलु नाक तोळ एवोर. इद पोल्लोतुन मीट इतेके पुतिरे. 16 अचोने आयो मति, नना तिसलुनि सहरते मतन अस्के वने,✡4:16 बळयिर 17:1; 1 तिसलुनितोर 2:9 नावा गर्जतेनाह्क मीट रेंड-मूंड मल्काङ कोताङ लोहचि, नाक तोळ ईतिर. 17 मियग्डाहि नाक दान गावले इनजोर इनोन,✡4:17 1 कुरिंततोर 9:11-12 मति मीट कीयनव बेसताङ कबस्कनेनाह, मीक देवुळता बर्कत दोर्कसोरेन मनि इनजोर, नावा विचर मन्ह्ता. 18 इपप्रुदितुना कयदे✡4:18 2:25 मीट लोहतिर, अव नाक दोर्कताह्कु, इंजेके नयगा सबे मन्ह्ता, आलिसि पिसनाह वने मन्ह्ता. मीट ईतद दान, देवुळतुह्क विचर वायनद, बेस गम-गम एग़्स्कतद मोकलेह्का आता.✡4:18 पेसमुळि 29:18; 2 कुरिंततोर 2:14-15; 11:8; इब्रितोर 13:16 19 नना सेवा कीतद देवुळतगा आलनाह पिसनाह बर्कत मन्ह्ता. अदिनेनाह्क मीक बाताल गर्ज अरतेक तेला, माट किर्स्तु येसुना लोकुर आताह्कु, देवुळिये अदिन पूरा कीसीयग़ा.✡4:19 2 कुरिंततोर 9:8 20 मावा देवुळबाबाह्कु अमेसा-अमेसातुह्क मान आयि, आमेन.✡4:20 रोम सहरतोर 11:36
21 किर्स्तु येसुना मन्कलोर सबेटोर मियग्डोरिन “पोलु जय येसु वेहतोग़” इनजोर वेहचीम्ह्ट. इगा नावा संगे मनवालोर विस्वसिर वने मीक जय येसु वेहतलाह आतोर. 22 इग्डोर सबेटोर देवुळता मन्कलोर, मीक जय येसु वेहतलाह आतोर — कासा इतेके बेरोग़ राजाना राजमिदेतगा सेवा केवालोर विस्वसिर. 23 येसुसामि किर्स्तुना देय्वा मियगा सबेटोरगा मनि.✡4:23 रोम सहरतोर 16:20
✡4:1 4:1 1 कुरिंततोर 16:13; पिलिपितोर 1:27
✡4:1 4:1 1:8; 1 तिसलुनितोर 2:19
✡4:2 4:2 पिलिपितोर 2:1-2
*4:3 4:3 पिलिपितोर विस्वसिरा मुडगा बोनो ओर्विन पोलु वेहतह्तोग़, मति ओना पेदिर वेहोग़.
✡4:3 4:3 लूकाल 10:20; तोहचीतव पोल्लोङ 3:5; 20:15
✡4:4 4:4 2 कुरिंततोर 6:10; पिलिपितोर 2:18; 3:1; 1 तिसलुनितोर 5:16
✡4:5 4:5 1 कुरिंततोर 16:22; इब्रितोर 10:37; याकुब 5:8-9
✡4:6 4:6 मत्याल 6:25; 1 पत्रु 5:7
✡4:6 4:6 इपिसुसतोर 6:18; 1 तिमोति 5:5
✡4:7 4:7 यशायाह 26:3; योहन 14:27; इपिसुसतोर 3:18-19
✡4:7 4:7 1 पत्रु 1:4-5
✡4:8 4:8 रोम सहरतोर 14:18
✡4:9 4:9 1 कुरिंततोर 4:16; पिलिपितोर 3:17
✡4:9 4:9 रोम सहरतोर 15:33
✡4:10 4:10 2 कुरिंततोर 11:9
✡4:10 4:10 2:29-30
✡4:11 4:11 2 कुरिंततोर 9:8; 1 तिमोति 6:6,8; इब्रितोर 13:5
✡4:12 4:12 2 कुरिंततोर 11:27
✡4:13 4:13 1 तिमोति 1:12
✡4:13 4:13 2 कुरिंततोर 12:9; इपिसुसतोर 3:16; कुलुसितोर 1:11-12
✡4:14 4:14 इब्रितोर 10:32-33; तोहचीतव पोल्लोङ 1:9
✡4:15 4:15 रोम सहरतोर 15:26
✡4:15 4:15 2 कुरिंततोर 11:8-9; पिलिपितोर 1:3-5
✡4:16 4:16 बळयिर 17:1; 1 तिसलुनितोर 2:9
✡4:17 4:17 1 कुरिंततोर 9:11-12
✡4:18 4:18 2:25
✡4:18 4:18 पेसमुळि 29:18; 2 कुरिंततोर 2:14-15; 11:8; इब्रितोर 13:16
✡4:19 4:19 2 कुरिंततोर 9:8
✡4:20 4:20 रोम सहरतोर 11:36
✡4:23 4:23 रोम सहरतोर 16:20