कुलुसि सहरतोर विस्वसिरेनाह्कु, किर्स्तुना बळयि पोलु लोहतद सीटि
मावा मेंदुल बेस पिसना इन्जि, तलाये मोदुल आंदु. तला इलवा मतेके, माट बेद्रम विचर केवेरल? विचर केवालेवा, माट जन्वर्कना लेह्का मनेलल! अद्रमे विस्वसिरा मुलु बेस पिसना, बेस ताकना इन्जि, मुडा तला, इतेके किर्स्तु, बेचोन मोदुल मनदग़ा! कुलुसि पुस्तकता मोदुल कबुर बेद इतेके, किर्स्तुये विस्वसिरा मुडा तला आंदोग़. सबे पोल्लोने ओग़े मुनेतोग़ आंदोग़ (1:18). किर्स्तु माट विस्वसि मुडा तला आंदोग़, मावा जीवाता पिसमुळता मोदुल ओग़े, माक अग़ तोहवाल, माक बुदिङ वेहवाल, माक आसा एवाल ओग़े आंदोग़. विस्वसिरा मुलु ओनाय आंदु, ओनाय पेदिर मावा पोग़ोन उदताह्कु, माट बोना मुडोरोम आंदोम इन्जि लोकुर पुन्ह्तोर. माट ओना लोकुरल आसि, ओना संगे उंदिय मेंदुल आतप जोळेम आसि, ओर्विना संगे ओर्वोग़ बह ताकना इन्जि, ओग़े माक काग़्हतह्तोग़.
कुलुसितोर विस्वसिर इद सेतेम पोल्लोता लोप्पा रेंड विचर्क आंदुर. ओर किर्स्तुन पिसिह केवाल इनजोर नमिस मतोर, मति मावा लेह्का, ओरा सीता वेल्लाङे गलत पोल्लोनगा वने अंदु. जोल काग़्हवालोराङ केंजिसि, ओरगा बोर देवतुल्किन मोळ्कलाह आतोर, बोर दुस्राङ रीत-रिवज्कनेके सीता कीयलाह आतोर, बोर दुस्राङ दर्मनाङ पोल्लोन येसुना बेसता कबुरतगा काल्ह्पलाह आतोर. मति किर्स्तु मावा पिसमुळता सिरप उंद तूस अचोने आयोग़, मावा पूना पिसमुळ ओनगाने मन्ह्ता, ओनेनाह्के माट दिनमे पिसिह्नल (3:11). किर्स्तु मावा तलालेह्का निटमे मन्ह्तोग़ इतेके, दुस्रोर माक किर्स्तुनोर इनजोर पुन्ह्तोर. मीट किर्स्तुन दोर्किह कीतिर इतेके, पोलु कुलुसितोरिन वेहतपु, किर्स्तुना संगे ताकाटु, ओना पोल्लोते, ओनाङ अडोने ऊटिस मन्ह्टु (2:6-7). इद्रम मतेके, मीट देवुळता पोल्लोते अमेसा निंदिस मनदकिर (3:16). बोग़ाय विस्वसि आयना इतेके, पाळ्ना पिसमुळतुन पोहचि, किर्स्तुनगा पूना पिसमुळतुन पोयतना. विस्वसते वातस्के, मीवा पापम बुदतुन, किर्स्तुना संगे गुमयाते मिसतप लेह्का आता, अह आसि देवुळि मीक पूना पिसमुळ ईता. अदिनेनाह्क सबे पापमताङ कबस्किन, हव्कनागुटातगा मोल्लाङ कोटटपु बूळे कीयनद वने, मीवा विचर मनदना गावले.
1
मुनेता पोल्लो
1-2 नना पोलुनन, देवुळता विचर मतपु, येसु किर्स्तुना बळयिनन आंदन.✡1:1-2 रोम सहरतोर 1:1; तीतुस 1:1-4 कुलुसि सहरते मनवालोर देवुळता मन्कलोरिर मीक इद सीटि रासलाह आतन. मावा तोळतोग़ विस्वसि तिमोति वने,✡1:1-2 पिलेमोन 1-2 इगा नावा संगे मीक जय येसु वेहतह्तोग़. मीट किर्स्तुन विळ्सवा विस्वस कीय्ह्निर इनजोर माट पुतोम. मावा देवुळबाबानाहि मीक सुकमि, देय्वा दोर्कि.✡1:1-2 रोम सहरतोर 1:6-7
कुलुसितोरेनाह्क पोलु पार्तना कीस्तोग़
3-5 देवुळता बेसता कबुरि, सेतेमता पोल्लो आंदु.✡1:3-5 गलातितोर 2:5,14 अद पोल्लोतुन मीट मुने केंजतिर, केंजताह्कु पोग़ोन देवुळदीपतगा जागा दोर्कनद आसा मियगा पुटटा.✡1:3-5 बळयिर 23:6-8; इपिसुसतोर 1:13; 2 तिमोति 4:8; 2 पत्रु 1:12 अद आसातेनाह्कु, येसु किर्स्तुन विस्वस कीसोरेन मह्निर, ओसो देवुळता सबेटोर लोकुरिन जीवा कीय्ह्निर.✡1:3-5 गलातितोर 5:6; इपिसुसतोर 1:15 अदिनेनाह्क माट मियेनाह्क ऊक-ऊके पार्तना कीय्ह्नोम✡1:3-5 इपिसुसतोर 6:18 अस्के, मावा येसुसामि किर्स्तुना बाबाल देवुळतुन अमेसा जोहर कीय्ह्नोम.✡1:3-5 रोम सहरतोर 1:8 6-8 अद बेसता कबुरतुन, इपपरास इनवाल✡1:6-8 4:12 मियगा एव्सिह कीसीतोग़. ओग़ सामिना सेवाते मावा ऐंगेटोग़ ओसो बेस गोततोग़ आंदोग़, अहे बर्वसलायकतोग़ आंदोग़. (माट मीवा सहरतगा एवया पग़वोम,) मति मावा जागाते ओग़ मीक सेतेम बुदते किर्स्तुना कबुरतुन काग़्हचि, मीवा सेवा कीतोग़. देवुळता जीवा मियगा जागा आताह्कु, मीट ताना मन्कलोरिन जीवा कीय्ह्निर इनजोर, ओग़े माक वेहतोग़.✡1:6-8 रोम सहरतोर 15:30-31 मीट ओनग्डाहि बेसता कबुरतुन केंजतिर, ओसो देवुळता दयाता पोल्लो सेतेम मन्ह्ता इनजोर पुतिर.✡1:6-8 इपिसुसतोर 4:21 पुतस्के, अद कबुरता पोल्लो मीवा जीवातुन बद्ले कीयलाह आता. अद्रमलेह्काने अद कबुर बूममेंड आबुर आसि, वेल्लाटोर आस्क-कोय्तोरा जीवातुन बद्ले कीयलाह आता.✡1:6-8 रोम सहरतोर 10:18
9-10 अदिनेनाह्क माट इपपरासनाहि मीवा कबुरतुन केंजतग्डाहि, मियेनाह्क ऊक-ऊके पार्तना कीसोर मह्नोम.✡1:9-10 इपिसुसतोर 1:16; 2 तिसलुनितोर 1:11 मियेनाह्क देवुळता बाताल विचर मन्ह्ता, इद मीक तेळियना इन्जि, देवुळता जीवा मीक पूरा बुदि ईयि इनजोर, पार्तना कीयलाह आतोम✡1:9-10 रोम सहरतोर 12:2; इपिसुसतोर 1:17-18; पिलेमोन 6. बाराह्क इतेके, देवुळि मियेनाह्क विचर कीस तासतद पोल्लोतुन पुतेक अचोन, सबे पोल्लोने येसुसामिन मान ईसि, ओन्क विचर वानाह ताककिर.✡1:9-10 2 कुरिंततोर 5:9; इपिसुसतोर 4:1 इतेके मीट सबे रीतिनाङ बेसताङ कबस्क कीसोर, देवुळतुन बेस पुनजोर दाकिर✡1:9-10 पिलिपितोर 1:9; 2 पत्रु 1:8. 11-12 ओसो इद्रम वने पार्तना कीयलाह आतोम: मीक बेदाय तिपल वातेक वने, मीट आरेम आयवा, ओङ आयवा, विस्वसते निच मनदलाहि, देवुळि तना पका बेरा डीसाते मीक लाव ईयि.✡1:11-12 1 कुरिंततोर 16:13; पिलिपितोर 4:13 ओसो मीट बेस गिर्दाते देवुळतुन जोहर कीसोर मनदना इनजोर, पार्तना कीयलाह आतोम. बाराह्क इतेके, पोग़ोन तना वेह्चतगा पिसवालोर ओना मन्कलोरेनाह्क, मावा देवुळबाबाल वेल्लाय बर्कत तासतोग़. ओसो मीक वने अग्डा तूस दोर्कना लायकतोर कीतोग़.✡1:11-12 बळयिर 20:32 13 ईकळते मतप लेह्कान, देयह्कना कयदे मतल. मति देवुळि माक देयह्कना कयदाहि विळ्सिह कीसि, तना पका जीवा कीतोग़ मग़ना राजेमतगा तचीता.✡1:13 इपिसुसतोर 1:6; 5:8; 6:11-13 14 ओग़े माक विळ्सिह केवाल आंदोग़,✡1:14 रोम सहरतोर 3:24; 1 कुरिंततोर 1:30; इपिसुसतोर 1:7 ओनाय मोकतेनाह्कु मावा पापमता मापि आता.
किर्स्तु बोग़ु? ओग़ माक बाताल कीसीतोग़?
15 देवुळबाबाल दिसोग़✡1:15 1 तिमोति 1:17; इब्रितोर 11:27 मति, ओना मग़ि येसुन ऊळतस्के, देवुळबाबान ऊळतपे आंदु.✡1:15 योहन 1:18; 14:9 दुनियाते पंडटव सबेटविना पोग़ोन येसुनाय अदिकर मन्ह्ता. 16 बाराह्क इतेके, देवुळि ओनाय मेटे सबे पुटिह कीता.✡1:15-16 योहन 1:3; इपिसुसतोर 1:10 पोग़ोटा बूमताङ, इळ्ता बूमतग्डाङ, दिसनवु, दिसववु, राजेम कीयनव देयह्क-बूतह्क, लाव तोहतनव देवतुल्कु, अदिकरते मनदनव पेन्कु,✡1:16 इपिसुसतोर 1:21; कुलुसितोर 2:15 इव सबेटविन ओनाय मेटे पुटिह कीता.✡1:16 रोम सहरतोर 11:36; इब्रितोर 1:2 ओन्के मान दोर्कना इन्जि, देवुळि इद्रम कीता.✡1:16 तोहचीतव पोल्लोङ 3:14 17 सबेट्काय ओग़े मुनेतोग़ु,✡1:17 योहन 1:1; 8:58 ओना मेटेन सबे पंडटव निच मन्ह्ताङ.✡1:17 इब्रितोर 1:3 18 ओसो माट विस्वसिरा मुलु मेंदुलता लेह्काडोरल, किर्स्तु तान ताकिह कीयनद तलाता लेह्काडोग़ु,✡1:18 इपिसुसतोर 1:22-23 ओनाय मेटे माट पिसिह्नल. हामुरताहि जीवा अरवालोरग्डाहि, ओग़े मुनेतोग़ आंदोग़,✡1:18 बळयिर 26:23; 1 कुरिंततोर 15:20 इद्रमलेह्का सबे पोल्लोने ओग़े मुनेतोग़.✡1:18 रोम सहरतोर 8:29 19 देवुळता पूरा बुदि ओनगा जागा आयना इन्जि, देवुळता गिर्दा मता.✡1:16-19 रोम सहरतोर 9:5; कुलुसितोर 2:9 20 मन्कना पापमतेनाह्कु, इद बूमता सबे नरुळ आयि, ओसो पोग़ोटा बूमताङ आयिङ, सबेटव देवुळताहि जेक आताङ. मति ताना मग़ि किर्स्तु, हव्कनागुटातगा नेतुर पोहच डोलताह्कु, इव सबेटविन ओना मोकतेनाह्कु, तना संगे कलियिह कीयलाहि, देवुळि विचर कीता.✡1:20 रोम सहरतोर 5:1; 8:19-21; 2 कुरिंततोर 5:18,20; इपिसुसतोर 1:10; 2:13-14,16
21 मीट मुने मीवाङ लाग्वाङ विचर्कने, देवुळता संगे विरुद आस एग़तप लेह्का मंदिर, अहे लाग्वाङ कबस्क कीसोर मंदिर.✡1:21 इपिसुसतोर 2:3,12 22 अद्रम मन्जाय मति, ताना मग़ि मन्कना मेंदुल अग़्के, बूमतगा वास मियेनाह्क डोलताह्कु, देवुळि मीक तना संगे कलियिह कीता.✡1:21-22 2 कुरिंततोर 5:18; इपिसुसतोर 2:15-16; 1 पत्रु 3:18 मीट ताना मुनेह नितस्के पवित्र मनदना, बाताले डागिललेवा मनदना, बाताले कसुरलेवा मनदना इनजोर, तना संगे कलियिह कीता.✡1:21-22 रोम सहरतोर 5:10; इपिसुसतोर 1:4 23 मति मीट मेलियवालेवा, मेग़्किसि विस्वस कीसोर मनदना गावले,✡1:23 इपिसुसतोर 3:17; कुलुसितोर 2:7 ओसो बेसतल कबुरतुन केंजताह्कु, मीवा जीवातगा पुटटद आसातुन, विळ्सवालेवा मनदना गावले. मीट केंजतद बेसतल कबुर पूरा बूमतगा पोकुर आयलाह आता.✡1:23 1 तिमोति 3:16 नाक वने, अदे सेवा कीयलाहि देवुळि निल्पिह कीता.✡1:23 इपिसुसतोर 3:7
विस्वसिरेनाह्क पोलु पप्ळेम आस्तोग़
24 माट विस्वसिरा मुलु, किर्स्तुना मेंदुलता लेह्कान मह्नल.✡1:24 1 कुरिंततोर 12:27 तना मेंदुलतेनाह्कु, किर्स्तुना तिपल इंका मारोये, ओना तिपलते नना वने कलियिह्नन.✡1:24 2 कुरिंततोर 1:5 अदिनेनाह्क नावा मेंदुदगा तिपल आतेक तेला, गिर्दातेन मह्नन.✡1:24 रोम सहरतोर 8:17; 2 कुरिंततोर 6:10; 12:15; 2 तिमोति 2:10 25-27 नना सबे जातिनोरगा वेहतलाह आतन, अद पोल्लोतुन मुनेता कालमते, अस्केडोर मन्कलोरिह्क, देवुळि पुन्पिह केवा मता. मति इंजेके अद पोल्लोतुन, तना मन्कलोरिह्क पुन्पिह कीयलाह विचर कीता.✡1:25-27 मत्याल 13:11; रोम सहरतोर 16:25; कुलुसितोर 2:1-3; 4:3 इद बाताल पोल्लो आंदु इतेके, किर्स्तु मीवाङ जीवानगा जागा आस्तोग़; अदिनेनाह्क देवुळि मियेनाह्क, पोग़ोन तासतद पका बेसतल बर्कतता तूस मीक दोर्किह्ता इनजोर,✡1:25-27 इपिसुसतोर 1:18; 3:16 मीक वने इंजेके आसा दोर्कता, इदे अद पोल्लो आंदु.✡1:25-27 रोम सहरतोर 8:10 मीवा पाय्दातेनाह्कु देवुळि तना पूरा पोल्लोतुन तपवालेवा पोकुर कीयनद कबळतुनु, नावा कयदे कीसीता.✡1:25-27 इपिसुसतोर 3:2 कीसीताह्के नना विस्वसिरा मुडा सेवकनन आतन.✡1:25-27 1 कुरिंततोर 3:5
28 ओग़े किर्स्तुन माट सबे जातिनोरिह्क, पोकुर कीयलाह आतोम. किर्स्तुना संगे तुंडिस मनवालोर सबेटोरिन किर्स्तुनगा बेस विस्वसते मेग़्किह कीसि, देवुळता मुनेह निल्पिह कीयना इनजोर,✡1:28 4:12 माटु देवुळ ईतद बुदते सबेटोरिन काग़्हतह्नोम, सुद्रे कीय्ह्नोम.✡1:28 बळयिर 20:31; इपिसुसतोर 4:13; कुलुसितोर 3:16 29 इदे पोल्लोतेनाह्क नना एपुर पेसनाह कबळ कीसि, पप्ळेम आयलाह आतन. किर्स्तुना बेरा लाव नाक ताकिह कीताह्कु, नना कह्टेम कीयलाह आतन.✡1:29 1 कुरिंततोर 15:10; इपिसुसतोर 1:19-20; पिलिपितोर 1:30; कुलुसितोर 2:1-3,12
✡1:1-2 1:1-2 रोम सहरतोर 1:1; तीतुस 1:1-4
✡1:1-2 1:1-2 पिलेमोन 1-2
✡1:1-2 1:1-2 रोम सहरतोर 1:6-7
✡1:3-5 1:3-5 गलातितोर 2:5,14
✡1:3-5 1:3-5 बळयिर 23:6-8; इपिसुसतोर 1:13; 2 तिमोति 4:8; 2 पत्रु 1:12
✡1:3-5 1:3-5 गलातितोर 5:6; इपिसुसतोर 1:15
✡1:3-5 1:3-5 इपिसुसतोर 6:18
✡1:3-5 1:3-5 रोम सहरतोर 1:8
✡1:6-8 1:6-8 4:12
✡1:6-8 1:6-8 रोम सहरतोर 15:30-31
✡1:6-8 1:6-8 इपिसुसतोर 4:21
✡1:6-8 1:6-8 रोम सहरतोर 10:18
✡1:9-10 1:9-10 इपिसुसतोर 1:16; 2 तिसलुनितोर 1:11
✡1:9-10 1:9-10 रोम सहरतोर 12:2; इपिसुसतोर 1:17-18; पिलेमोन 6
✡1:9-10 1:9-10 2 कुरिंततोर 5:9; इपिसुसतोर 4:1
✡1:9-10 1:9-10 पिलिपितोर 1:9; 2 पत्रु 1:8
✡1:11-12 1:11-12 1 कुरिंततोर 16:13; पिलिपितोर 4:13
✡1:11-12 1:11-12 बळयिर 20:32
✡1:13 1:13 इपिसुसतोर 1:6; 5:8; 6:11-13
✡1:14 1:14 रोम सहरतोर 3:24; 1 कुरिंततोर 1:30; इपिसुसतोर 1:7
✡1:15 1:15 1 तिमोति 1:17; इब्रितोर 11:27
✡1:15 1:15 योहन 1:18; 14:9
✡1:16 1:15-16 योहन 1:3; इपिसुसतोर 1:10
✡1:16 1:16 इपिसुसतोर 1:21; कुलुसितोर 2:15
✡1:16 1:16 रोम सहरतोर 11:36; इब्रितोर 1:2
✡1:16 1:16 तोहचीतव पोल्लोङ 3:14
✡1:17 1:17 योहन 1:1; 8:58
✡1:17 1:17 इब्रितोर 1:3
✡1:18 1:18 इपिसुसतोर 1:22-23
✡1:18 1:18 बळयिर 26:23; 1 कुरिंततोर 15:20
✡1:18 1:18 रोम सहरतोर 8:29
✡1:19 1:16-19 रोम सहरतोर 9:5; कुलुसितोर 2:9
✡1:20 1:20 रोम सहरतोर 5:1; 8:19-21; 2 कुरिंततोर 5:18,20; इपिसुसतोर 1:10; 2:13-14,16
✡1:21 1:21 इपिसुसतोर 2:3,12
✡1:22 1:21-22 2 कुरिंततोर 5:18; इपिसुसतोर 2:15-16; 1 पत्रु 3:18
✡1:22 1:21-22 रोम सहरतोर 5:10; इपिसुसतोर 1:4
✡1:23 1:23 इपिसुसतोर 3:17; कुलुसितोर 2:7
✡1:23 1:23 1 तिमोति 3:16
✡1:23 1:23 इपिसुसतोर 3:7
✡1:24 1:24 1 कुरिंततोर 12:27
✡1:24 1:24 2 कुरिंततोर 1:5
✡1:24 1:24 रोम सहरतोर 8:17; 2 कुरिंततोर 6:10; 12:15; 2 तिमोति 2:10
✡1:25-27 1:25-27 मत्याल 13:11; रोम सहरतोर 16:25; कुलुसितोर 2:1-3; 4:3
✡1:25-27 1:25-27 इपिसुसतोर 1:18; 3:16
✡1:25-27 1:25-27 रोम सहरतोर 8:10
✡1:25-27 1:25-27 इपिसुसतोर 3:2
✡1:25-27 1:25-27 1 कुरिंततोर 3:5
✡1:28 1:28 4:12
✡1:28 1:28 बळयिर 20:31; इपिसुसतोर 4:13; कुलुसितोर 3:16
✡1:29 1:29 1 कुरिंततोर 15:10; इपिसुसतोर 1:19-20; पिलिपितोर 1:30; कुलुसितोर 2:1-3,12