1 पया नना ऊळतन अस्के, राजकुर्सितगा उदतदिना (इतेके देवुळता) तिनळ कयदगा ऊर्हतद तोला सीटि मता. अद तोला सीटटा लोप्पा ओसो पलते रासिस मता. अद सीटटुन बोग़े लेहता पग़वाह सीटटगा एळुङ जागाने वटे मेतिस मता. 2 अस्के उंद पका लावता देवतुलतुन ऊळतन. अद जोरते इद्रम पोकुर कीता, “इद तोला सीटटगा मेततदिन तेंडिसि तान लेहतना लायकतोग़ बोग़ मन्ह्‌तोग़?” इता. 3 मति पोग़ोन देवुळदीपतगा, इद बूमतगा, बूमता इळ्‍नु वने बोग़े सीटटुन लेहचि तानग्डा पोल्‍लोतुन अर्वना लायकतोग़ इलेग़. 4 सीटटुन लेहचि तानग्डा पोल्‍लोतुन अर्वना लायकतोग़ बोग़े दोर्कवाह्‌कु नना योहननन पकाय अळिया बोटटन.

5 पया पेदल्करग्डाह ओर्वोग़ नयगा वासि, “अळमा! इद ऊळा! यहुदाना पुळ्गतोग़, सिंगपुलता लेह्‌कान लाव मनवाल, दाविद राजाना कूळतोग़, तना कोटुलतोरिन गेल्सतोग़. अदिनेनाह्‌क तोला सीटटगा एळुङ जागानगा मेततद वटेतुन, तेंडिसि तान लेहतलाह ओग़ पग़यह्‌तोग़,” इनजोर वेहतोग़.*5:5यहुदाना पुळ्गतोग़, सिंगपुलता लेह्‌कान लाव मनवाल, दाविद राजाना कूळतोग़, तना कोटुलतोरिन गेल्सतोग़ इतेके येसु किर्स्तु आंदोग़. 6 अचोटेने उंद गोरे पिलातुन ऊळतन.†5:6 गोरे पिला इतेके येसु किर्स्तु आंदोग़. राजकुर्सिता ओसो नालुङ जन्वर्कना, वीसा नाल्वुर पेदल्कना नडुम निच मता. तान मुनेने बोग़ो मति हव्किस मतप लेह्‌कान दिसिंदु. तान्क एळुङ कोहक मताङ, ओसो एळुङ कोंडाङ मताङ. अव कोंडाङ पूरा बूमतगा देवुळ लोहतव तानाङ एळुङ जीवाङ!

7 अद गोरे पिला वासि राजकुर्सितगा उदिस मतदिना तिनळ कयदग्डाहि अद तोला सीटटुन एता. 8 अद तोला सीटटुन एतस्के नालुङ जन्वर्कु ओसो वीसा नाल्वुर पेदल्कु ताना मुनेह अरसि मोळ्कतोर. ओर ओर्वोग़-ओर्वोग़ तमाङ कय्कने उंद जेतुरि ओसो दूपम बोळ्सनद बंगरता कसला पोस मतोर. अद कसलामेंड दूपम मता. अद दूपम इतेके देवुळता मन्कलोरा पार्तना आंदु. 9-10 अद्रमलेह्‌काने पया, वीसा नाल्वुर पेदल्क मोळ्कतोर ओसो इद्रम पूना पाटा वाग़तोर:

11 पया नना ऊळतन: राजकुर्सि मता. नालुङ आस जन्वर्क मताङ. पेदल्क मतोर. ओरा सर्ने लाकिनाङ-लाकिङ, करोळ्कनाङ-करोळ्क लेक पग़वा देवतुल्क मताङ. नना अविस्‍कना लेङ केंजतन. 12 अव जोरते इद्रम इताङ: