Hill Madia तोहचीतव पोल्‍लोङ 6

मुनेटा मेततद वटेतुन किर्स्तु तेंडिह्‌तोग़

1 पेदल्क मोळ्कतापया, अद तोला सीटटगा मेततव एळुङ वटेनाहि,✡ उंद वटेतुन गोरेपिला तेंडनदिन ऊळतन. अद तेंडिह्‌पा, नालुङ दिंचिनग्डाहि,✡ उंद दिंचि गुळ्न्जतप लेह्‌काडा लेङते✡ “पेसा” इनजोर इता. 2 इतस्के ऊळाट, उंद पांड्रि कोडातुन नना ऊळतन.✡ ताना पोग़ोन ओर्वोग़ उदिस मतोग़. ओग़ कान-विल पोस मतोग़. ओसो ओन्क राजटोपि ईतद मता.✡ ओग़ लळयते गेल्सलाहि, तना कोटुलतोरिन गेल्ससोरे, बूमतेके पेसतोग़.

दुस्रा मेततद वटेतुन किर्स्तु तेंडिह्‌तोग़

3 पया मेततद दुस्रा वटेतुन गोरेपिला तेंडटा. अस्के दुस्रा दिंचि, “पेसा” इनजोर इता. 4 इतस्के रेंगाल कोडा पेसतद✡ नना ऊळतन. ताना पोग़ोन ओर्वोग़ उदिस मतोग़. (ओग़ वने बूमतेके पेससोर मतोग़,) कयदे बेरा तल्वर कसेग़ पोसि. पूरा बूमतोरिन, ओर्विह्‌क-ओर्वोग़ जग्ळम आसि हव्कनाह कीयलाहि, ओनगा अदिकर मता.

मेततद मूंड मल्काता वटेतुन किर्स्तु तेंडिह्‌तोग़

5 पया मेततद मुचा मल्काता वटेतुन गोरेपिला तेंडटा. अस्के ओसो उंद दिंचि, “पेसा” इनजोर इता. इतस्के कार्यल कोडातुन नना ऊळतन.✡ ताना पोग़ोन उदिस मतोग़ु, किलोकाटा पोस मतोग़. 6 अचोटेने नालुङ दिंचिना नडुमताहि,✡ उंद लेङ इद्रम इनदनद केंजतन: “पोळ्‍दमेटा कूलते किलोमेंडे गोहपिंड असनाह आस्ता, अचोके कोताने मूंड किलोङ सेन जोना पिंड असनाह आस्ता; मति नेयदुन ओसो अंगुर जोमातुन कय इटमा,”✡ इनजोर अद इता.*

मेततद नालुङ मल्काता वटेतुन किर्स्तु तेंडिह्‌तोग़

7 पया मेततद नालुङ मल्काता वटेतुन गोरेपिला तेंडटा. अस्के ओसो उंद दिंचि, “पेसा” इनजोर इनदनद केंजतन. 8 अस्के दुमाल कोडातुन नना ऊळतन.✡ ताना पोग़ोन ओर्वोग़ उदिस मतोग़. ओना पेदिरि हामुर इनजोर मता. ओसो ओना पयाह पयाह, हानादीप पेदिरतोग़ मतोग़.✡ बूममेटोरिन नालुङ तूस्क कीसि, उंद तूसतोरिनु लळयते, दुकळते, बेमरते, गेळा जन्वर्कने हव्कलाहि, देवुळि ओरिह्‌क अदिकर ईता.✡

मेततद एयुङ मल्काता वटेतुन किर्स्तु तेंडिह्‌तोग़

9 ताना पया मेततद एयुङ मल्काता वटेतुन, गोरेपिला तेंडटा. अस्के मुने बूमतगा मनदह्‌पा, देवुळता पोल्‍लो वेहताह्‌कु, येसुना साक्सि ईताह्‌कु,✡ कोटुलतोर बोरिन हव्किस मतोर,✡ ओराङ हानस्किन दूपम बोळ्सनद जागाता इळ्न नना ऊळतन.✡ 10 अव हानस्कु देवुळतुन बेरा लेङते इद्रम केयताङ: “ए पवित्र मनवानिन, सेतेमतोग़ सामिनिन!✡ बूमतगा माक हव्कतोरिन बेचानाह नेयम केवालेवा, सिक्सा एवालेवा केपसोर मनदकिन?”✡ इनजोर केयताङ. 11 अस्के अव उंद-उंदतुह्‌क, पांड्रि गेंदे केग़यलाह दोर्कता.✡ पया देवुळि अविस्किन इता, “मीवा ऐंगेटोर विस्वसिर बूमतगा नाक माळिह्‌तोर. ओरिन वने मीक हव्कतप लेह्‌कान, हव्कना मन्ह्‌ता. बेच्वुर डोलना इनजोर नना विचर कीस तासतन, अच्वुर डोलनाह,✡ मीट वने गळ्क केपिस मन्ह्‌टु,”✡ इनजोर इता.

मेततद आरुङ मल्काता वटेतुन किर्स्तु तेंडिह्‌तोग़

12 पया मेततद आरुङ मल्काता वटेतुन गोरेपिला तेंडटा. अस्के बूम पकाय गल्जतदिन नना ऊळतन.✡ ओसो कार्यल गोंगळिता लेह्‌कान, पोळ्‍दु कार्यल आता.✡ नेला बार नेतुरलेह्‌का गंजता. 13 दूंद वायह्‌पा, तोया कायाङ इळ्न रालना लेह्‌का, उकाङ पोग़ोटाहि बूमतगा रालताङ.✡ 14 केततुन उळ्हतप लेह्‌कान, पोग़ोटा बूमि मायता.✡ सबे मेटाङ ओसो सम्दुरता नडुम मनदनव तोग़िङ, तमाङ जागानाहि जर्गताङ.✡ 15 जर्गतस्के, बूमतोर राजालोर, मुक्यालोर, साय्बालोर, साव्कर मन्कलोर, अदिकरते मनवालोर, ओर्युलतोर, ओर्युल आयवोर, सबेटोर बोर बोर पांजानगा, बोर बोर मेटानाङ बंडानगा वितिस मकतोर.✡ 16-17 मकिसि अव मेटानु, कोको-बंडानु इद्रम इतोर, “राजकुर्सतगा उदतदिना ओसो गोरेपिलाता, ओङ आसि सबेटोरिन नेयम कीयनद दिया एवता!✡ बोग़े पिस पग़वोग़.✡ अदिनेनाह्‌क मावा पोग़ोन अर्म्हटु, राजकुर्सतगा उदतदिना कयदाहि, ओसो गोरेपिलाता ओङताहि, माक पिसिह कीम्ह्‌टु,” इनजोर इतोर.✡

✡6:1 6:1 5:1

✡6:1 6:1 4:6

✡6:1 6:1 14:2; 19:6

✡6:2 6:2 जकर्याह 1:8; 6:3; तोहचीतव पोल्‍लोङ 19:11

✡6:2 6:2 जकर्याह 6:11; तोहचीतव पोल्‍लोङ 9:7; 14:14; 19:12

✡6:4 6:4 जकर्याह 1:8; 6:2

✡6:5 6:5 जकर्याह 6:2,6

✡6:6 6:6 4:6

✡6:6 6:6 7:3; 9:4

*6:6 6:6तिंडि दोर्को आस्ता, दहा पटिङ एक्‍वा दारा कीस वमिह्‌तोग़ इनजोर, इद वचन वेहतलाह आता. अद कालमते, जय्तुन मराता पंडिनाहि नेय तेंडिंदुर. नेय ओसो अंगुर जोमातुन कय इटमा इतेके जय्तुन मराना, अंगुर-तोंडानाङ वाळुह्‌किन बूळे कीयनदायो.

✡6:8 6:8 जकर्याह 6:3

✡6:8 6:8 बुदताङ पोल्‍लोङ 5:5; होशे 13:14; मत्याल 11:23; तोहचीतव पोल्‍लोङ 1:18; 20:13-14

✡6:8 6:8 यिर्मयाह 14:12; 15:2-3; 24:10; 29:17-18; यहेजकेल 5:12,17; 14:21

✡6:9 6:9 1:2,9; 12:11,17

✡6:9 6:9 20:4

✡6:9 6:9 पेसमुळि 29:12; लैव्यव्यवस्था 4:7; तोहचीतव पोल्‍लोङ 14:18; 16:7

✡6:10 6:10 3:7

✡6:10 6:10 व्यवस्थाविवरण 32:43; देवुळताङ पाटाङ 79:10; जकर्याह 1:12; लूकाल 18:7; तोहचीतव पोल्‍लोङ 16:5; 18:20; 19:2

✡6:11 6:11 3:4-5; 7:9

✡6:11 6:11 इब्रितोर 11:40

✡6:11 6:11 10:6-7

✡6:12 6:12 मत्याल 24:7; मार्कल 13:8; तोहचीतव पोल्‍लोङ 8:5; 11:13,19; 16:18

✡6:12 6:12 यशायाह 13:10; योएल 2:10,31; 3:15; मत्याल 24:29; मार्कल 13:24

✡6:13 6:12-13 मत्याल 24:29; मार्कल 13:25; तोहचीतव पोल्‍लोङ 8:10; 9:1

✡6:14 6:14 देवुळताङ पाटाङ 102:26; यशायाह 34:4; 51:6; इब्रितोर 1:11-12; 2 पत्रु 3:10; तोहचीतव पोल्‍लोङ 20:11

✡6:14 6:14 यहेजकेल 38:20; नहूम 1:5; तोहचीतव पोल्‍लोङ 16:20

✡6:15 6:15 यशायाह 2:10-11,19,21; 24:21; तोहचीतव पोल्‍लोङ 18:23; 19:18

✡6:16-17 6:16-17 यशायाह 63:4; योएल 1:15; 2:1-2,11,31; तोहचीतव पोल्‍लोङ 16:14

✡6:16-17 6:16-17 देवुळताङ पाटाङ 76:7; नहूम 1:6; मलाकी 3:2

✡6:16-17 6:16-17 होशे 10:8; लूकाल 23:30; तोहचीतव पोल्‍लोङ 9:6