1 पया बह आता, मेततद एळुङ मल्काता वटेतुन, गोरेपिला तेंडटा.✡8:1 5:1; 6:1 अचोटेने पया पोग़ोन देवुळदीपतगा गळ्क मेर्क्ने आता. 2 अस्के देवुळता मुनेह नितनव, एळुङ देवतुल्किन ऊळतन.✡8:2 9:1,13; 11:15 देवुळि अविस्किह्‌क एळुङ अकुह्‌क ईता. 3 देवुळता राजकुर्सता मुनेह, बंगरते माचतद दूपम बोळ्सनद मेजा मता.✡8:3 पेसमुळि 30:3; गिनती 4:11; तोहचीतव पोल्‍लोङ 9:13; 14:18 उंद देवतुलि दूपम उर्न्जनद बंगरता कस्ला पोसि, अद मेजातगा वास निता. नितस्के देवुळताङ सबेटोर मन्कलोरा पार्तनाता संगे उर्न्जलाहि, तान्क वेल्‍लाय दूपम दोर्कता.✡8:3 पेसमुळि 30:1; तोहचीतव पोल्‍लोङ 5:8 4 अस्के देवतुल उर्न्जतद दूपमता उंडुलि, देवुळता मन्कलोरा पार्तनाता संगे, देवुळता मुनेह एवता.✡8:4 देवुळताङ पाटाङ 141:2 5 ताना पया अद देवतुल बह कीता, दूपम बोळ्सनद मेजाताङ किसतळ्मिन, तना दूपम उर्न्जनद कस्लातगा निहता.✡8:5 लैव्यव्यवस्था 16:12 निहचि, अविस्किन इळ्ता बूमतगा अर्हचीता.✡8:5 यहेजकेल 10:2 ईतस्के पया, पकाय गुळ्न्जना, नेकना, मिळ्स्कना, बूम गल्जना इद्रम इळ्ता बूमतगा दिसता.✡8:5 पेसमुळि 19:16; तोहचीतव पोल्‍लोङ 4:5; 6:12; 11:13,19; 16:18

6 पया अकुह्‌क पोस मतव एळुङ देवतुल्कु, तमाङ अकुह्‌कु ऊरलाह तयर आताङ. 7 मुनेता देवतुलि तना अकुमतुन ऊरता, ऊरतस्के आदुर्कु ओसो किसु,✡8:7 11:19; 16:21 नेतुरता संगे कलियिस,✡8:7 पेसमुळि 9:23-25; यशायाह 28:2; यहेजकेल 38:22; योएल 2:30 बूमतगा अरताङ. अरतस्के, बूमताङ मूंड चेकानाहि, उंद चेका बूमि कर्वता. ओसो मूंड चेकानाहि उंद चेकाताङ मराङ कर्वताङ.✡8:7 जकर्याह 13:8; तोहचीतव पोल्‍लोङ 9:15,18; 12:4 अहे सबे पह्‌ना रोंडा कर्विस नेग़ आता.✡8:7 7:1; 9:4

8 पया दुस्रा देवतुलि तना अकुमतुन ऊरता. ऊरतस्के, किस कर्वनद उंद बेरा मेटालेह्‌कान, बातालो मति सम्दुरतगा अरता. अरतस्के, सम्दुरताङ मूंड चेकानाहि उंद चेका सम्दुर, नेतुर मारियता.✡8:8 11:6 9 नेतुर मारियताह्‌कु, अग्डाङ सबे जन्वर्क डोलताङ.✡8:8-9 16:3 अगा मतव ओडाङ वने बूळेम आताङ.

10 मूंड मल्काता देवतुलि, तना अकुमतुन ऊरता. ऊरतस्के बेरा उंद उका, तोरे किसलेह्‌कान मळ्गसोर, पोग़ोटाहि अरयलाह आता.✡8:10 यशायाह 14:12; तोहचीतव पोल्‍लोङ 6:13; 9:1 अस्के बूमतग्डाङ बेरेह्‌कु, एग़ पेसनाङ कनिर्कु, इविस्कनाङ मूंड चेकानाहि उंद चेकाताङ बेरेह्‌कनगा, ओसो एग़ पेसनाङ कनिर्कनगा, इद उका अरता. 11 अद अरतस्के, मूंड चेकानग्डाहि उंद चेकाता बेसतल एग़ कयता. एग़ कयताह्‌कु, अद एग़ उटोरु वेल्‍लाटोर मन्कलोर डोलतोर. अदिह्‌क अद उकातुन कयमुलि इन्ह्‌तोर.✡8:11 यिर्मयाह 9:15; 23:15

12 नालुङ मल्काता देवतुलि तना अकुमतुन ऊरता. ऊरतस्के पोळ्‍दु, नेला, उकानगा पीळा अरता. पीळा अरतस्के, अव मुनेता लेह्‌का दींचोङ.✡8:12 पेसमुळि 10:21-23; यशायाह 13:10; यहेजकेल 32:7; योएल 2:10,31; 3:15; तोहचीतव पोल्‍लोङ 6:12-13; 12:4 अदिनेनाह्‌क पियलि नालुङ गंटाङ, पोळ्‍दता वेह्‌च इलवा मता.✡8:12 16:10 अहे नग़्काटुह्‌क नालुङ गंटाङ नेलाता, उकाना वेह्‌च इलवा मता. 13 अद्रमलेह्‌काने पया उंद गंदाल पिटे, पोग़ोटाहि पग़यिस वायनद ऊळतन. अद पका जोरते इद्रम इनदनद केंजतन: “इंजेके पिसतव मूंड देवतुल्कु, तमाङ अकुह्‌क ऊरना मन्ह्‌ता. अव अकुह्‌क नेकिह्‌पा, सबेटोर बूमतोरिह्‌क बेचोन गोसा, गोसा, गोसा!”✡8:13 3:10; 9:12; 11:14; 12:12 इनजोर इनदनद केंजतन.