1 अद्रमलेह्‌काने पया पकाय लावता ओसो उंद देवतुलि,✡10:1 5:2 देवुळदीपताहि इळ्न रेगनदिन ऊळतन.✡10:1 18:1; 20:1 अद मोयुलतुन गेंदेता लेह्‌कान उहचि मता. ताना तलापोग़ोन उंद देवुळविल मता.✡10:1 4:3 ताना मोकमि पोळ्‍दलेह्‌का दींचिंदु.✡10:1 मत्याल 17:2 ओसो तानाङ काल्क किसगुटाना लेह्‌कान मताङ.✡10:1 1:15-16 2 अद देवतुलि लेहच मतद उड्ला तोला सीटटुन, तना कयदे पोस मता.✡10:2 5:1 अदु तना तिनळ कादुन बार सम्दुरतगा, दावळ कादुन बार बूमतगा वाटिस मता. 3 पया अद डुवल कह्‌चना लेह्‌कान, बेरा लेङते केयता.✡10:3 होशे 11:10 अद देवतुलि अद्रम केयतस्के, एळुङ मल्काङ गुळ्न्जतप लेह्‌काडाङ पोल्‍लोङ केंज वाताङ.✡10:3 देवुळताङ पाटाङ 29:3-9 4 केंज वातस्के, नना योहननन अव पोल्‍लोन रासलाह बोटटन.✡10:4 1:11,19 अचोटेने देवुळदीपताहि, उंद लेङ इद्रम इता: “गुळ्न्जिह्‌पा वेहतव पोल्‍लोन रासमा, अविस्किन मकिह कीस तासा,”✡10:4 दानिय्येल 8:26; 12:4,9; तोहचीतव पोल्‍लोङ 22:10 इनजोर इता. 5 सम्दुरतगा ओसो बूमतगा, तनाङ काल्किन वाटिस निच मतद देवतुलि, तना तिनळ कयदुन पोग़ोन देवुळदीपतके आहता.✡10:5 व्यवस्थाविवरण 32:40; दानिय्येल 12:7 6-7 आहचि इद्रम ओतता: “एळुङ मल्काता देवतुलि तना अकुम ऊरनद दियाते,✡10:6-7 11:15 देवुळि तना इचानाह पुन्पिह केवद पोल्‍लोतुन, निटम आनाह कीयग़ा. इद दियाते अव पोल्‍लोङ निटम आयनुङ इनजोर,✡10:6-7 17:16-18 तना सेवा कीतोर कबुरतोरिन अद मुनेन वेहच मता.✡10:6-7 आमोस 3:7; रोम सहरतोर 16:25-26 अद दिया एरेन एवता,✡10:6-7 6:11; 12:12; 16:17; 21:6” इता. इन्जि, पोग़ोटा बूमि ओसो अगा मनदनव, इळ्ता बूमि ओसो अगा मनदनव, सम्दुर ओसो तानगा मनदनव, इव सबेटविन पंडटद,✡10:6-7 पेसमुळि 20:11; 4:11 अमेसा-अमेसातुह्‌क जीवात मनदनद✡10:6-7 4:9 देवुळता पेदिर पोस ओतता.

8 मुने देवुळदीपताहि नना केंजतद लेङु, ओसोवने नाक इद्रम इता: “अन! सम्दुरतुन ओसो बूमतुन ओय्ह्‌किस नितद देवतुलता कयदाहि, लेहच मनदनद तोला सीटटुन ओम,” इनजोर इता. 9 इतस्के नना तानगा अन्जि, “अद उड्ला तोला सीटटुन नाक ईम,” इनजोर इतन. इतस्के अद नाक इता, “इदु! तिन! इद नीवा तोडटुह्‌क ओग़्वेनेयदा लेह्‌का मिङग़ा; मति नीवा पोटातुन कयमुल कीयग़ा,” इनजोर इता.✡10:9 यिर्मयाह 15:16; यहेजकेल 2:8; 3:1-3 10 इतस्के नना ताना कयदाहि, अद तोला सीटटुन ओस तितन. अद निटम नावा तोडटुह्‌क ओग़्वेनेयदा लेह्‌का मिङिस मता; मति नना तान लोपतन अस्के, नावा पोटातुन कयमुल कीता. 11 तोला सीटटुन तितापया, नाक इद्रमता उकुम केंज वाता: “इंजेके वायनद कालमते वेल्‍लाङे देसेह्‌कनोरिन, वेल्‍लाङे जातिनोरिन, वेल्‍लाङे बासानोरिन, वेल्‍लाटोर राजालोरिन,✡10:11 5:9-10; 11:9(ओरा लोप्पा आयनव पोल्‍लोन,) देवुळता जीवा नीक वेहतप लेह्‌कान, निमा ओसोवने वेहतकिन,✡10:11 यहेजकेल 37:4,9” इनजोर इता.