16
देवुळता ओङताङ एळुङ कस्लाङ
1 पया उंद लेङु मंदिरतग्डाहि, जोरते एळुङ देवतुल्किन इद्रम वेहतनद नना केंजतन: “अन्ह्ट! एळुङ कस्लानगा मनदनद, देवुळता ओङतुन बूमतगा वळ्सीम्ह्ट”
✡ इनजोर इता.
2 इतस्के मुनेता देवतुलि अन्जि, तना कस्लातुन बूमतगा वळता. वळतस्के, रकसता सीनातुन रासतोरिह्क, ताना बोमातुन मोळ्कतोरिह्क
✡ कूतव बोटाङ पेसताङ.
✡ 3 पया दुस्रा देवतुलि, तना कस्लातुन सम्दुरतगा वळता. वळतस्के, अग्डा एग़ु, डोलतोग़ मन्कना नेतुरता लेह्का, कार्यल आता. आताह्कु एताङ सबे जन्वर्क डोलताङ.
✡ 4 पया मूंड मल्काता देवतुलि, तना कस्लातुन बेरेह्कनगा ओसो एताङ कनिर्क पेसनगा वळता. वळतस्के अग्डा एग़ नेतुर मारियता.
✡ 5 मारियतस्के, पूरा एता पोग़ोन अदिकर मनदनद देवतुलि, देवुळतुन इता, “ए पवित्रतोनिन!
✡ अमेसा मतोनिन, नेंड वने मनवानिन!
✡ निमा इद्रमता सिक्सा लोहचि, सेतेमते नेयम कीतिन!
✡ 6 नीवाङ पवित्र मन्कलोरिन, ओसो नीवा कबुरतोरिन लाग्वोर मन्कलोर हव्कतोर, ओरा नेतुर पोहतोर.
✡ इंजेके निमा एतुन नेतुर मारियिह कीसि, ओर लाग्वोर मन्कलोरिन, नेतुरतुने उनडनाह कीतिन.
✡ ओर इद्रमताये सिक्सा दोर्कना लायक मन्ह्तोर,”
✡ इनजोर इता.
7 अचोटेन दूपम बोळ्सनद मेजाताहि,
✡ उंद लेङ इद्रम वेहतनद नना केंजतन: “इंगो, ए बेरा डीसाता सामि देवुळतिन! ओर लाग्वोरा नेयम सेतेमते कीतिन, ओरिह्क ओजनद सिक्सा ईतिन,”
✡ इनजोर अद लेङ इता.
8 पया नालुङ मल्काता देवतुलि तना कस्लातुन पोळ्दतगा वळता. वळतस्के, पोळ्दता कांका इचोन वीळता इतेके, बूमता मन्कलोरिह्क किस दग्ळालेह्का दल्गता.
9 पकाय कांकाते मन्कलोर तिपल आंदुर, आसि इव बेराङ पीळाना पोग़ोन अदिकर मनदनद देवुळतुन, उस्कना-पास्कना कींदुर. मति तमा पापमता अग़दाहि मलवोर, अहे देवुळतुन मान ईस मोळ्कोर.
✡ 10 पया एयुङ मल्काता देवतुलि, तना कस्लातुन मुनेता रकसता राजकुर्सतगा वळता. वळतस्के, ताना राजेमते ईकळ पोयता.
✡ अस्के मन्कलोर पकाय सिक्सा आसि, मंटातुह्क तमाङ पल्क कोग़्किंदुर.
11 तमा मंटातेनाह्क, ओसो तमाङ बोटानेनाह्क, पोग़ोटा देवुळतुन उस्कना-पास्कना कीतोर. मति तमा पापमता अग़दाहि मलवोर.
✡ 12 पया आरुङ मल्काता देवतुलि, तना कस्लातुन परात इनदनद बेरा बेरेटगा वळता.
✡ वळतस्के अद बेरेग़ इळ्कता
✡. इळ्कताह्कु, पोळ्द पेसना बाजेतकेडोर राजालोरिह्क, तमाङ सीपय्किन पोस वायलाह अग़ दोर्कता. ओरिह्क अग़ दोर्कि इनजोर, अद देवतुलि बेरेटुन इळ्कनाह कीता.
✡ अर-मगिदोन इनदनद जागा
13 अचोटेने नना ऊळतन: मासुंडता तोडटाहि,
✡ सम्दुरतग्डाह पेसतद रकसता तोडटाहि,
✡ जोल कबुर वेहतनद बूमतग्डा रकसता
✡ तोडटाहि, मूंड देयह्क पेसताङ.
✡ अव देयह्क पंडेनलेह्का दिसताङ.
14 अव देयह्किह्क बामिह कीयनव सीनाङ तोहतनद लाव मता.
✡ अव देयह्क लळयतेनाह्क, पूरा बूमतोर राजालोरिन जमा कीयलाह पेसताङ.
✡ बेरा लावता देवुळि पूरा बूमतोरिन नेयम कीयनद दियातस्के, अद लळय आयग़ा.
✡ 15-16 पया ओर राजालोरिन, इब्रि बासाते अर-मगिदोन इनदनद जागातगा,
✡ अव देयह्क तताङ
✡.
* (किर्स्तु इद्रम वेहतलाह आतोग़, “ऊळाट! मन्कलोर पुनवस्के, कले वायना लेह्कान, नना वायकन.
✡ बोग़ उंजवालेवा उसरते मन्ह्तोग़, ओग़ देय्वातोग़ु. ओग़ तनाङ जगाङ केग़्स मतप मन्ह्तोग़. अद्रम मनवेके, लोकुर ऊळनाह, कूळलिय लजा वानाह ताकमुळ आयग़ा,
✡”
इनजोर किर्स्तु वेहतलाह आतोग़.)
देवुळता ओङ मतद एळुङ मल्काता कस्ला
17 पया एळुङ मल्काता देवतुलि, तना कस्लातुन मोयुदगा वळता. वळतस्के, रावुळतग्डा देवुळता राजकुर्सताहि,
✡ उंद लेङ जोरते इद्रम पेसता: “इंजेके मारता!”
✡ इनजोर इता.
18 अचोटेने मिळ्स्कता, नेकता, गुळ्न्जता, बूमि पकाय गल्जता.
✡ मन्कलोर बूमतगा मनदलाह आतोर, अस्केडाहि इचोन पका बेस्केन गल्जवा मता.
✡ 19 बूमि गल्जतस्के, बेरा बेबिलोन सहर
✡ मूंड तुक्ळेङ आता.
✡ दुस्राङ देसेह्कनाङ सहर्क वने पूरा बूळेम आताङ. देवुळि तना पूरा मळ्गनद ओङतुन, बेबिलोन सहरता पोग़ोन अर्हचीयलाह सीता कीता.
✡ 20 अस्के सम्दुरता नडुम मनदनव सबे तोग़िङ मायताङ; सबे मेटाङ वने मायताङ.
✡ 21 ओसो पोग़ोटाहि रेंड वीसाङ किलोङ इचोटाङ आदुर बंडाङ मन्कलोरा पोग़ोन अरताङ.
✡ आदुर्कनेनाह मन्कलोर पकाय तिपल आतोर. अदिनेनाह्क आदुर्कना पीळातुह्कु,
✡ मन्कलोर देवुळतुन उस्कना-पास्कना कीतोर.