17
बेबिलोन सहरता पोल्लो
1-2 अद्रमलेह्काने पया, एळुङ कस्लाङ पोयतव देवतुल्कनग्डाहि,
✡ उंद देवतुल बह कीता, नयगा वासि इद्रम इता:
✡ “इंजेके वेल्लाङे कसानगा उदतद,
(बेरा सहरतुन ऊळकिन, तान) पका लाग्वद बोगे आंचाळ इन्ह्तोर.
✡ ताना संगे साट्याल कबळ कीतप लेह्का, बूमतोर राजालोर,
(बोमान मोळ्कनद) ताना पापमते कलियतोर.
✡ अद बोगे आंचाना साट्या बुदता रिमा आतप लेह्का, बूमतगा मनवालोर
(सेतेम देवुळतुन विळ्सिस, बोमान मोळ्कलाह गिर्दा) आतोर.
✡ दय! देवुळि अद सहरतुह्क बेद्रम सिक्सा ईस्ता इनजोर, नीक तोहतकन,”
✡ इता.
3 अचोटेने देवुळता जीवाता दळ्म नयगा अर्सि, देवतुल नाक पेळ्ह्कल बूमतगा ओता.
✡ ओसि नाक उंद लेका तोहता. अद लेकाते अगा, उंद रेंगाल रकसता पोग़ोन उदतद आंचान नना ऊळतन. अद रकसता पूरा मेंदुलमेंड, देवुळतुन पास्कनव पेदिर्क मताङ. अहे तान्क एळुङ तलाङ ओसो दहा कोह्क
✡ मताङ.
4 अद आंचानाङ गेंदेङ, डुंगा पंड रंगताङ, ओसो रेंगाल रंगताङ मताङ. ओसो अद आंचाळि बंगरते, मिळ्स्कनव बंडाने, मोतिने पंडटव दुमेङ-दम्रान केग़्स मता.
✡ ताना कयदगा बंगरता कस्ला मता. अद कस्ला देवुळतुह्क एग़्ङ वानाह, ताना करब बुदताङ कबस्कने निंदिस मता.
✡ 5 ताना तला-कपरातगा पेदिर रासिस मता, अद पेदिरता अर्तम बोरे पुनवप मता.
✡ अद इद्रम मता: “बेरा बेबिलोन सहर:
✡ बूमतग्डाङ बोगे आस्कना कबळि, ओसो एग़्ङ वानाह मनदनव करब कबस्कु, इग्डाहिये पुटटाङ,” इनजोर रासिस मता.
6 ओसो अद आंचाळ ओचिस मतद ऊळतन. येसुना साक्सि मन्जि डोलतोर
✡ देवुळता पवित्र मन्कलोरा नेतुर उन्जि, अद आंचाळ ओचिस मता.
✡ नना तान ऊळिस पका बामतन.
7 अस्के नाक ततद देवतुल इता, “निमा बाराह्क बामतिन? इद आंचाना पोल्लो, ओसो इद उदतद एळुङ तलानदु, दहा कोह्कनदु रकसता पोल्लो मकिस मन्ह्ता.
✡ नना अद पोल्लोतुन नीक वेहतह्नन.
8 अद इद्रमि: निमा ऊळतिन अद रकस मुने मता, इंजेक इले;
✡ मति अद देयमदीपता सिक्सा-बोंदाताहि, इंजेक तेदग़ा. अस्केने देवुळि तान पूरा बूळे कीयग़ा.
✡ बूम पुटटस्केडाहि, उच्वुर मन्कलोराङ पेदिर्क, अमेसातुह्क पिसवालोरा पुस्तकतगा रासतव मन्ह्ताङ.
✡ अद पुस्तकते बोराङ पेदिर्क रासतव इलेङ, इतेके इद दुनियातोर मन्कलोरु,
✡ ओरु अद हातद रकस तेग़्कतदिन ऊळिसि बामनुर.
✡ 9 रकसताङ एळुङ तलाङ इतेके एळुङ मेटाङ. अद आंचाळ अव मेटाना पोग़ोन उदता.
* ओसो अव एळुङ तलाङ इतेके, एळवुर राजालोर वने. इद पोल्लोतुन पुनदलाह, बेस विचर कीम्ह्टु.
✡ 10 एळवुर राजालोरग्डाहि, एयवुराङ राजेह्क बूळेम आताङ. ओर्वोग़ इंजेके राजेम कीस्तोग़. ओसो ओर्वोग़ वायनोग़. ओग़ वातस्के, गळ्के राजेम ताकिह कीयनोग़.
11 मुने मता, इंजेके इले, अद रकस इतेके, आट मल्कातोग़ राजाल आंदोग़. अद एळवुर राजालोरा लेह्काडाये; मति तान वने देवुळि बूळे कीयग़ा.
12 निमा ऊळतिन अव दहा कोह्क वने, दहा राजालोरु.
✡ ओर इंका वने राजेम ताकिह केवोर; मति ओर रकसता संगे राजालोरा लेह्कान मनदलाह, गळ्किह्क अदिकर दोर्किह कीयनुर
✡.
13 ओर सबेटोर तमा लावतुन, ओसो अदिकरतुन, रकसतुह्क ईकल इनजोर, उंद विचर आयनुर.
✡ गोरेपिला गेल्सिह्ता
14 “गोरेपिलाता संगे वेर राजालोर लळय कीयनुर;
✡ मति गोरेपिला सामिरा सामि, राजालोरा राजाल मताह्कु,
✡ अद तना केयतोर, आचतोर, विस्वसिरा संगे,
✡ वेर राजालोरिन गेल्सग़ा.
✡ 15 अद बोगे आंचाळ उदिस मतव कसान ऊळतिन, अव कसाङ इतेके, बूमतग्डोर सबे कूळिनोरु, ईनाह-आनाह मुडा लोकुर, सबे जातिनोरु, दुस्राङ-दुस्राङ बासाङ वळ्ह्कवालोर आंदुर.
✡ 16-18 निमा ऊळतिन अद आंचाळि, बूमतोर राजालोरिन ताकिह कीयनद बेरा सहर
† आंदु.
✡ निमा ऊळतिन, अव दहा कोह्क ओसो रकस बह कीयनुङ, अद बोगे आंचान कोंटे कीयनुङ. कीसि तानाङ गेंदेङ कुळ्हचि, तान कूळल कीयनुङ.
✡ अह कीस तानाङ अविङ तिनदनुङ
‡, तान किसते बोळ्सनुङ.
✡ देवुळताङ सबे पोल्लोङ निटम आनाहि,
✡ ओर राजालोर, रकसतुह्क राजेम ईकल इनजोर, उंद एका आसि, रकसताङ केंजसोर मनिर इनजोर, देवुळि इद विचरतुन ओरा बुदतगा वाटटा,” इनजोर इता.