18
बेबिलोन सहर बूळेम आता
1 पया ओसो उंद देवतुल, पोग़ोन देवुळता जागाताहि रेगनद ऊळतन.
✡ तान्क पकाय अदिकर मता. ताना सोबाता वेह्चते पूरा बूमतगा वेह्च आता.
2-3 अद जोरते इद्रम केयता:
“बेबिलोन सहरता लाग्वद साट्याल कबळता रिमाते, सबे जातिनोर कलियतोर.
✡ बूमतोर राजालोर ताना संगे साट्याल कबळ कीतोर
✡.
* ताना बेह्रा मादग्डाहि, बूमतगा दंदा केवालोर मन्कलोर साव्कर आतोर.
✡ अदिह्क बूळेम आता, बूळेम आता, बेरा बेबिलोन सहर बूळेम आता!
✡ इंजेके अद सहर देयह्क मनदनद जागा आता.
सबे देयह्क अगा मन्ह्ताङ.
✡ सबे पोलवव पिटेङ अगा गूडाङ पंडटाङ,
✡”
† इता.
4 ताना पया, पोग़ोन देवुळता जागाताहि, ओसो उंद लेङ केंजतन. अद इद्रम इता:
“ए नावा मन्कलोरिर! मीट ताना पापमते कलियमाट!
ताना सिक्सा मीक दोर्कमाकि! तानग्डाहि पेसिस वाटु!
✡ 5 ताना पापम पोग़ोटा बूमतगा एवनाह, कुपा कीतप लेह्का आता.
✡ ताना लाग्वद कबळतुनु, देवुळि इंजेके सीता कीसि, तान्क सिक्सा ईयग़ा.
✡ 6 ‡अद दुस्रोरिह्क लाग्वाङ कबस्क कीतप लेह्का, तान्क अहे कीम्ह्टु.
आयो, तान्कु रेंड पटिङ बद्ला ईम्ह्टु.
✡ अद दुस्रोरिह्क ईतद बेचोन एर्स मंदु,
तान्काय रेंड पटिङ एक्वा एरतदिन, ताना कस्लातगा वळ्सीम्ह्ट.
✡ 7 अद सहर तना इद्रम सीता कीयलाह आता: नना रानिना लेह्कान उदतन!
नना रांडे आंचानन आयोन!
नना बेस्केन दुकम आयोन आयकन इनजोर, सीता कीयलाह आता.
✡ अदिनेनाह्क अद बेचोन पोग़यिंदु,
बेचोन विचर वातप सबे बेसता मादुन दोर्किह कींदु,
अचोन तान्क सिक्सा ईम्ह्टु, दुकम ईम्ह्टु.
✡ 8 तान नेयम कीयनद डीसाता देवुळि, तान्काय लावता मन्ह्ता.
✡ अदिनेनाह्क तानगा उंदिय दियाते, तिपल्क वास अरयनुङ इतेके:
हामुरि, दुकमि, दुकळि इव सबे अरयनुङ.
✡ ओसो अद सहर किसते कर्विस, बूळेम आयग़ा,”
✡ इनजोर इता.
बेबिलोन सहरतगा दंदा केवालोर अळयह्तोर
9 अद सहरता संगे साट्याल कबळ कीतोरु, ताना संगे दंदा कीसि साव्कर आतोर राजालोरु,
✡ अद सहर कर्वनद उंडुलतुन ऊळनुर.
✡ ऊळिसि, तानेनाह्क अर्युल पासोर अळयनुर.
✡ 10 ओर अद सहरताङ तिपल्कनेनाह्क रेयिसि, जेक निचि इद्रम इनदनुर: “अलो! बेरा सहरतिन! बेबिलोनतिन, बेरोर राजालोरा सहरतिन! नीक बेचोन गोसा वाता!
✡ गट्कामेटेन नीक सिक्सा दोर्कता,
✡” इनदनुर.
11 ओसो इद बूमतगा दंदा केवालोर मन्कलोरु, इंजेके तमा मादुन असवालोर बोरे इलेर इनजोरे,
✡ अद सहर कर्वनदिन ऊळिस, दुकमते अळयना-केयना कीयनुर.
✡ 12 तमाङ बंगर्क, वेंडिङ, मिळ्स्कनव बंडाङ, मोतिङ, राजालोर केग़यनव पका दाराताङ गेंदेङ,
✡ गम-गम एग़्स्कनव नळ्कतव मराङ, एन-पल्कने पंडटद मालु, पकाय मोलाताङ मराने पंडटद मालु, इतुळता मालु, कचता मालु, सोबाताङ बंडाने पंडटद मालु,
13 बेस गब वायनव मस्लाङ, दूपमि, गम-गम एग़्स्कनद अतर्नेय, बेस-नेह्ना एग़्स्कतद एवेग़ि, अंगुर जोमा, जय्तुन नेयु, असलता गोह्क पिंडि ओसो गोह्कु, कोंदाङ-मूरेङ, गोरेङ, एर्रेङ, कोडाङ, कोडा गाडाङ,
✡ ओर्युलतोरु
✡, इव सबेटविन असवालोर बोरे इलेर इनजोर अळयनुर.
14 ओसो सहरतुन इनदनुर, “निमा पकाय विचर कीतिन, अद बेसता माल इंजेके नीक दोर्को. नियगा मतदु वेल्ला दाराता मालु, ओसो पका सिंग्रमता मालु, इंजेके मायता. नियग्डोर मन्कलोरिह्क, अद इंजेके मुर्तिय दोर्को,” इनदनुर.
15 इद मादुन अद सहरतोर मन्कलोरिह्क वमिसि, साव्कर आतोर दंदा केवालोरु, ताना तिपलतुन ऊळिसि, रेयिस मन्जि, जेक नितनुर. निचि अळसोर, दुकम आसोर इद्रम इनदनुर:
16 “अलो! निमा बेरा सहरतिन! राजालोर केग़यनव पका दाराताङ गेंदेङ उहचि, बंगर्क, मिळ्स्कनव बंडाङ ओसो मोतिङ केग़तद, रानिना लेह्का मतिन.
✡ 17 इंजेक ऊळा! नियगा मता इचोक कोताङ ओसो मालु, गट्कामेटेन बूळेम आताङ,”
✡ इनजोर इनदनुर. सम्दुरतगा ओडाङ पूंडवालोरु, ओडाने अनवालोरु, ओडानाङ माल्कालोरु,
✡ ओसो अगा कबळ-काम केवालोर सबेटोर, सहरताहि जेक नितनुर.
18 निचि अद सहर कर्वनद उंडुलतुन ऊळनुर,
✡ ऊळिसि “इचोटा बेरा सहरता लेह्का बेद सहर मन्ह्ता!”
✡ इनजोर केयनुर.
19 ओसो दुकम आताह्कु, तमाङ तलानगा दुरातुन वाटनुर. वाटिसि इद्रम अळसोर केयनुर, “इद सहरतगा पकाय मालसोम मताह्कु, ओडानोर अद मालसोमते साव्कर आतोर. मति इंजेके गट्कामेटेन इद बूळेम आस्ता!”
✡ इनजोर जोरते केयनुर.
20 ए देवुळदीपतगा मनवालोरिर! देवुळता मन्कलोरिर! किर्स्तुनाङ बळयिरिर! देवुळता कबुरतोरिर! अद सहर मीक कोटुल पोस मताह्कु, मियेनाह्क देवुळि तान्क इंजेके सिक्सा ईता.
✡ अदिनेनाह्क गिर्दा आम्ह्टु!
✡ 21 अस्के उंद पका लावता देवतुलि,
✡ बेरा जेता बंडाता लेह्काडा बंडातुन तेहचि, सम्दुरतगा वाटसोरे इता, “देवुळि बेरा सहर बेबिलोनतुन,
✡ इद्रमे तेहच वाटिसीयग़ा, ओसो बूळे कीयग़ा. ताना पया अद सहर मुर्तिय दिसो आयग़ा.
✡ 22 बेबिलोन सहरतिन! नियगा ओसो बेस्केन जेतुर एचनद, पाटा वाग़नद, सनय ऊरनद, अकुम ऊरनद केंज वावो आयग़ा. मिस्त्रिर, कुमालोर, कोल्से कबळ केवालोर, इद्रमलेह्काडोर दंदा केवालोरु इंजेके नियगा मनोर आयनुर. जेता बंडाते पिंड नोग़नद लेङ, इंजेके नियगा केंज वावो आयग़ा.
✡ 23 इंजेके ईकळ आयह्पा, चिमलिङ पोतिह कीयलाहि, मन्कलोर मनोर आयनुर. मर्मिना गिर्दाते एंदना-पाग़ना केंज वावो आयग़ा.
✡ नियगा दंदा केवालोर पूरा बूमतोरिह्क बेरोर मंदुर.
✡ नियग्डोर मन्कलोर तमाङ ओदेने, सबे जातिनोरिन लेसिह कींदुर.
✡ 24 इद बेरा सिक्सा नीवा पोग़ोन बाराह्क अरता इतेके, नियगा देवुळता कबुरतोरिन, पूरा बूमतगा देवुळता मन्कलोरिन, ओसो दुस्रोर मन्कलोरिन, नियग्डोर हव्कतोर इनजोरे,”
✡ इन्जि अद देवतुल इता.