15
Godɨn Araziba Judan ovavibar arazibagh afira
(Mak 7:1-13)
1 Dughiar kamɨn Farisin maba ko Judan Arazibagh fozir gumazir maba Jerusalem ategha Iesus bagha ize. Egha me kamagh an azai, 2 Mk 7:5, Lu 11:38Mak 7:5; Luk 11:38“Manmaghɨn amizɨ, nɨn suren gumaziba en ovaviba anɨngzir arazibar gɨn zuir puvatɨ? Egha me damasa uan dafariba ruer puvatɨ.”*Suren gumazibar dafariba bar mɨzezir puvatɨzɨ me api. Puvatɨ. Judaba Godɨn damazimɨn mɨzan atiatingi, egha bizir mɨzɨrɨzitamɨn suighan aghua. Kamaghɨn amigha me ghaze, me faragh uan dafariba ruegh, Godɨn damazimɨn zuegh, egh daghebar amam.
3 Ezɨ Iesus men akam ikaragha kamaghɨn me mɨgei, “Manmagh amigha ia Godɨn Arazibar gɨn zuir puvatɨ, egha uan arazibar gɨn zui? 4 Kis 20:12, 21:17, Wkp 20:9, Lo 5:16Ua Me Ini 20:12; 21:17; Ofa Gami 20:9; Godɨn Araziba 5:16E fo, God ghaze, ‘Ia uan afeziaba ko amebabar akaba baragh men apengan ikɨ.’ Egha ghaze, ‘Gumazitam akar kuratam uan afeziam ko amebam mɨkemeghtɨ, ia gumazir kam mɨsueghtɨ, an aremegh.’ 5 Ezɨ ia kamaghɨn mɨgei, ‘Gumazitam uan amebam ko afeziamɨn akurvaghsɨ dagɨaba atɨgha, egha ua gɨn aningɨn akuraghan aghuagha, kamaghɨn aning mɨgei, “Kɨ guan akuraghasa atɨzir dagɨaba, gua markɨ. Kɨ da isɨ God danɨngam.” ’ A kamaghɨn mɨkɨmɨva, amebam ko afeziam gɨnɨghnɨgh deragh aningɨn akurvaghan kogham. 6 Ia kamaghɨn amua, ian arazir kabar, ia Godɨn Araziba ategha, uan ovavibar araziba faraghavɨra darɨsi. Egha Godɨn akam gamima, a mati pura bizim.
7 “Ia uarira uarigh gifarir gumazibara! Godɨn akam inigha izezir gumazim Aisaia guizbangɨra ian arazibar gun kamaghɨn mɨgei, 8 Ese 33:31Esekiel 33:31Aisaia 29:13‘Gumazamizir kaba, me uan akatoribar nan ziam fe, egha men naviba ko nɨghnɨziba bar saghon iti. 9 Kl 2:18-22, Ta 1:14Kolosi 2:18-22; Taitus 1:14Me gumazibar akabar uari sure gamua uari gifara egha ghaze, kar Godɨn akam. Kamaghɨn amizɨ, me nan ziam guizbangɨra a fer puvatɨ.’ ”
Iesus Godɨn damazimɨn
mɨzezir bizibav gei
mɨzezir bizibav gei
(Mak 7:14-23)
10 Egha Iesus gumazamizibar diazɨma me a bagha izima a kamaghɨn me mɨgei, “Ia oragh, egh deragh nɨghnɨgh! 11 Mt 12:34, Ap 10:15, Ro 14:14, 14:17, 1 Ti 4:4, Ta 1:15Matyu 12:34; Aposel 10:15; Rom 14:14; 14:17; 1 Timoti 4:4; Taitus 1:15Bizir gumazamizibar akatoribar ikegha ghuaghiriba, da me gamima, me Godɨn damazimɨn mɨzezir puvatɨ. Bizir navibar ikia akatoribar otiviba, da gumazamizibagh amima, me Godɨn damazimɨn mɨze.”
12 Ezɨ gɨn an suren gumaziba iza kamaghɨn a mɨgɨa ghaze, “Nɨ ti kamaghɨn fo, Farisiba nɨ mɨkemezir mɨgɨrɨgɨam baregha men muriaba bar ikufi?”
13 Jo 15:2, 1 Ko 3:7Jon 15:2; 1 Korin 3:7Ezɨ Iesus me ikaragha ghaze, “Nan afeziar uan Nguibamɨn itim, an azenim iti. Egha bizir a dɨkezir puvatɨziba, a biba sara da asiam. 14 Ais 9:16, Mal 2:8, Mt 23:16, Lu 6:39, Ro 2:19Aisaia 9:16; Malakai 2:8; Matyu 23:16; Luk 6:39; Rom 2:19Ia gumazir kabagh nɨghnɨghan markɨ. Me damazir okavɨrɨziba, egha me tuavim isava gumazir igharazimɨn akakasi. Eghtɨ gumazir damazir okavɨrɨzim tuavim isava gumazir okavɨrɨzir mamɨn akakagh, egh aning vɨrara mangɨ mozimɨn magɨrɨgham.”
15 Ezɨ Pita Iesusɨn azai, “Nɨ gumazamizibav kemezir akar isɨn zuimɨn mɨngarim e bagh anebightɨ, e a gɨfogham?”
16 Ezɨ Iesus ghaze, “Manmagh ami, ia ti uaghan gumazir igharazibar mɨrara fozir puvatɨghavɨra iti. 17 Ia ti kamaghɨn fozir puvatɨ, bizir akatorimɨn aven zuiba ghua navimɨn zuima, muriam da batozima, ezɨ gumazim dagh avi. 18 Mt 12:34, Je 3:6Matyu 12:34; Jems 3:6Ezɨ bizir akatoribar otiviba da nɨghnɨzimɨn ikegha ize. Egha da gumazamizibagh amima, me Godɨn damazimɨn mɨze. 19 Stt 8:21, Snd 6:14, Jer 17:9, Mt 12:34, Mk 7:21Jenesis 8:21; Aghuzir Akaba 6:14; Jeremaia 17:9; Matyu 12:34; Mak 7:21Kɨ gumazamizibar nɨghnɨzibar otivir bizir kabav gei, nɨghnɨzir kuraba, ko gumazibav soagharɨzir araziba, ko gumazamiziba tintinibar uari isava akuir araziba, ko poroghamiba uari bakeir araziba, ko okɨmakɨar araziba, ko kotiabar gumazamizibagh ifarir araziba, ko gumazamizibar ziabagh asɨghasɨzir araziba. 20 Arazir kaba gumazamizibagh amima, me Godɨn damazimɨn mɨze. Gumazamiziba dafariba ruer puvatɨgha api, arazir kam me gamima me Godɨn damazimɨn mɨzezir puvatɨ.”
Kenanian amizim nɨghnɨzir gavgavim Iesusɨn iti
(Mak 7:24-30)
21 Ezɨ Iesus nguibar kam ategha ghua nguibar ekiamning Taia ko Saidonɨn nguazimɨn ghu. 22 Ezɨ Kenanian amizir mam danganir kamɨn ikegha iza kamaghɨn dei, “Ekiam, nɨ Devitɨn Otarim, nɨ nan apangkuvigh! Duar kuram nan guivim gapazagha a gasɨghasɨsi.”
23 Ezɨ Iesus mɨgɨrɨgɨatamɨn a ikarazir puvatɨ. Ezɨ an suren gumaziba a bagha iza a mɨgɨa ghaze, “Amizir kam dɨaghdiagha en gɨn izi. Nɨ anemadaghtɨ a mangɨ.”
24 Mt 10:5-6, Ap 3:25-26, Ro 15:8Matyu 10:5-6; Aposel 3:25-26; Rom 15:8Ezɨ Iesus kamaghɨn me ikaragha ghaze, “God Israelian akurvaghasavɨra na amada. Me sipsipba gumazir dar ganamiba puvatɨzɨ moghɨn iti.”
25 Ezɨ amizir kam Iesusɨn boroghɨra iza, tevimning apɨrigha aviragha uan guam nguazim gatɨgha a mɨgɨa ghaze, “Ekiam, nɨ nan akuragh.”
26 Ezɨ Iesus a ikaragha ghaze, “Kar arazir kuram, gumazimɨn boribar dagheba inigh afiabav kɨnam.”†Iesus amizir kam dɨkabɨnasava amir puvatɨ. A kamaghɨn ifonge, a faraghavɨra Godɨn Akar Aghuim isɨ Israelɨn adarazir anɨngightɨ, gɨn igharaziba oragham. Kamaghɨn Iesus akar isɨn zuir kam gamua ghaze, Israelia boribar mɨn itima, igharaz darazi afiabar mɨn iti. Da afiar atiaba puvatɨ, en afiar e ko dɨpenibar akuiba. Ezɨ Iesus amizir kamɨn nɨghnɨzir gavgavimɨn ganigha an akura.
27 Ezɨ amizim ghaze, “Ekiam, nɨ guizbangɨra mɨgei. Ezɨ afiar doziba uaghan uan ghuavimɨn dakozimɨn apengan irezir dagher muzemziariba api.”
28 Mt 8:10, 8:13Matyu 8:10; 8:13Ezɨ Iesus akar kam baregha kamagh amizim mɨgei, “Amizim, nɨn nɨghnɨzir gavgavim bar ekefe. Bizir nɨ bativasa nɨ ifongezim, a mar nɨ batif.” Ezɨ dughiar kamra an guivim ua dera.
Iesus arɨmariaba itir gumazamizir avɨribar arɨmariaba agɨfa
29 Ezɨ Iesus nguibar kam ategha Galilin Dɨpar Akaremɨn dadarimɨn zui. Egha ghua mɨghsɨar mamɨn anabogha apera. Ezɨ avɨrir ekiam a bagha izi. 30 Egha suer kuraba ko, damazir okavɨrɨziba ko, soroghafarir ikɨzɨrɨziba ko, mɨgeir puvatɨziba ko, arɨmariar igharaziba uaghan, me da inigha iza Iesusɨn dagarimningɨn boroghɨn me arɨki. Ezɨ a bar men arɨmariaba batozima, me ua dera. 31 Mk 7:37Mak 7:37Ezɨ gumazamiziba garima, mɨgeir puvatɨziba mɨgei, soroghafarir ikɨzɨrɨziba ua dera, suer kuraba uam arui, damazir okavɨrɨziba ua gari, ezɨ me nɨghnɨzir avɨribagh ami. Egha me Israelɨn Godɨn ziam fe.
Iesus dagheba
4,000plan gumazibagh anɨngi
4,000plan gumazibagh anɨngi
(Mak 8:1-10)
32 Mt 14:14Matyu 14:14Ezɨ Iesus uan suren gumazibar diazɨ, me izima a kamaghɨn me mɨgei, “Gumazamizir kaba, me na ko aruer pumuning ko mɨkezimɨn ikia, egha dagheba puvatɨgha mɨtiriam men azi, kamaghɨn kɨ men apangkufi. Mɨtiriam men aghɨtɨ, kɨ me amangan aghua. Me mangɨ damaziba men isirtɨ, me tuavimɨn dagh iram.”
33 Ezɨ an suren gumaziba a mɨgei, “Kar gumazamiziba puvatɨzir danganim. E managh bretɨn avɨriba inigh avɨrir ekiar kam danɨngam?”
34 Ezɨ Iesus men azai, “Ia manmagh bretba iti?”
Ezɨ me ghaze, “E 7plan bretɨn rubuziba ko osirir dozir vaghvaziba iti.”
35 Ezɨ Iesus gumazamizibav geima, me nguazim gapia. 36 Ezɨ a 7plan bretɨn rubuziba ko osiriba inigha God mɨnabagha da bɨaghsuegha da tuiragha uan suren gumazibagh anɨngi. Ezɨ suren gumaziba da isava gumazamizibagh anɨdi. 37 Ezɨ me bar apa izɨfa. Ezɨ dagher naba itima, me da isa 7plan akɨrabagh aghui. 38 Gumazir ameziba, men dɨbobonim 4,000ɨn tu. Me amiziba ko boriba dɨponezir puvatɨ. 39 Ezɨ Iesus me amadazɨ, me zuima a bot inigha Magadan nguazimɨn ghu.
15:2: Mk 7:5, Lu 11:38
15:2: Mak 7:5; Luk 11:38
*15:2: Suren gumazibar dafariba bar mɨzezir puvatɨzɨ me api. Puvatɨ. Judaba Godɨn damazimɨn mɨzan atiatingi, egha bizir mɨzɨrɨzitamɨn suighan aghua. Kamaghɨn amigha me ghaze, me faragh uan dafariba ruegh, Godɨn damazimɨn zuegh, egh daghebar amam.
15:4: Kis 20:12, 21:17, Wkp 20:9, Lo 5:16
15:4: Ua Me Ini 20:12; 21:17; Ofa Gami 20:9; Godɨn Araziba 5:16
15:8: Ese 33:31
15:8: Esekiel 33:31
15:8: Aisaia 29:13
15:9: Kl 2:18-22, Ta 1:14
15:9: Kolosi 2:18-22; Taitus 1:14
15:11: Mt 12:34, Ap 10:15, Ro 14:14, 14:17, 1 Ti 4:4, Ta 1:15
15:11: Matyu 12:34; Aposel 10:15; Rom 14:14; 14:17; 1 Timoti 4:4; Taitus 1:15
15:13: Jo 15:2, 1 Ko 3:7
15:13: Jon 15:2; 1 Korin 3:7
15:14: Ais 9:16, Mal 2:8, Mt 23:16, Lu 6:39, Ro 2:19
15:14: Aisaia 9:16; Malakai 2:8; Matyu 23:16; Luk 6:39; Rom 2:19
15:18: Mt 12:34, Je 3:6
15:18: Matyu 12:34; Jems 3:6
15:19: Stt 8:21, Snd 6:14, Jer 17:9, Mt 12:34, Mk 7:21
15:19: Jenesis 8:21; Aghuzir Akaba 6:14; Jeremaia 17:9; Matyu 12:34; Mak 7:21
15:24: Mt 10:5-6, Ap 3:25-26, Ro 15:8
15:24: Matyu 10:5-6; Aposel 3:25-26; Rom 15:8
†15:26: Iesus amizir kam dɨkabɨnasava amir puvatɨ. A kamaghɨn ifonge, a faraghavɨra Godɨn Akar Aghuim isɨ Israelɨn adarazir anɨngightɨ, gɨn igharaziba oragham. Kamaghɨn Iesus akar isɨn zuir kam gamua ghaze, Israelia boribar mɨn itima, igharaz darazi afiabar mɨn iti. Da afiar atiaba puvatɨ, en afiar e ko dɨpenibar akuiba. Ezɨ Iesus amizir kamɨn nɨghnɨzir gavgavimɨn ganigha an akura.
15:28: Mt 8:10, 8:13
15:28: Matyu 8:10; 8:13
15:31: Mk 7:37
15:31: Mak 7:37
15:32: Mt 14:14
15:32: Matyu 14:14