16
Me Iesus mɨgɨa ghaze,
a mirakelɨn tam damuam
a mirakelɨn tam damuam
(Mak 8:11-13; Luk 12:54-56)
1 Mt 12:38, Lu 11:16, 1 Ko 1:22Matyu 12:38; Luk 11:16; 1 Korin 1:22Ezɨ Farisiba ko Sadyusiba Iesus basamasa a bagha izi. Me iza ghaze, a mirakelɨn arazitam damightɨ, me an ganigh kamaghɨn fogham, a guizbangɨra Godɨn ingangarim gami. 2 Ezɨ a kamaghɨn men mɨgɨrɨgɨaba ikaragha ghaze, “Ia guaratɨzibar ghaze, overiam aghevezɨ, gurumɨn dughiam deragham. 3 Egha mɨzarazibar ia ghaze, ghuariam korogha pɨzima, aruem aghevezɨ, ia ghaze, amozim datɨrɨghɨn izɨtɨma, dughiam deraghan kogham. Guizbangɨra, ia overiamɨn otivir biziba deravɨra dagh fo. Egha ia dughiar kamɨn otivir arazibar gara da abɨzir puvatɨ.*Fofozir gumazir avɨriba ghaze, ves 2 ko ves 3ɨn itir mɨgɨrɨgɨaba, gumazir igharazir mam gɨn da osiri. Egha ghaze, Matyu da osirizir puvatɨ. 4 Mt 12:39, Lu 11:29Matyu 12:39; Luk 11:29Gumazamizir dughiar kamɨn itiba, me bar gumazamizir kuraba! Egha me guizbangɨra God baghavɨra itir puvatɨ. Me zurara mirakelɨn tamɨn ganasa. Me tamɨn ganighan kogham. Puvatɨ. God mirakelɨn arazir vamɨra men akagham. Godɨn akam inigha izir gumazim Jona batozir mirakelɨn kamra, me an ganam.” Egha Iesus me ategha ghu.
Farisiba ko Sadyusibar
yisɨn akar isɨn zuim
yisɨn akar isɨn zuim
(Mak 8:14-21)
5 Egha Iesus uan suren gumaziba ko ghua dɨpamɨn vongɨn otifi, egha gɨn gari, me bretɨn tam inian okɨnɨghnɨki. 6 Lu 12:1Luk 12:1Ezɨ Iesus kamaghɨn me mɨgei, “Ia deragh uari bagh gan. Ia Farisiba ko Sadyusibar yis bagh deravɨra gan.”
7 Ezɨ an suren gumaziba maghɨra uarira uariv gɨa ghaze, “E ti bretɨn tam inigha izezir puvatɨzɨ, a kamaghɨn yisɨn bizimɨn e mɨgei.”
8 Ezɨ Iesus me mɨgeir mɨgɨrɨgɨabagh fo, egha me mɨgɨa ghaze, “Ia gumazir nɨghnɨzir gavgavir muziariba itiba! Ia tizim bagha uarira uariv gɨa ghaze, e bretba puvatɨ? 9 Mt 14:17-21Matyu 14:17-21Ia ti fozir puvatɨ? Ia ti okɨnɨghnɨki, kɨ bretɨn 5pla inigha gumazir 5,000pla dagheba me ganɨngi. Me amezɨ, ia akɨraba manmaghɨn dagh aghui, ia dagh nɨghnɨghavɨra iti, o puvatɨ? 10 Mt 15:34-38Matyu 15:34-38Egha ia ti fo, kɨ bretɨn 7pla inigha gumazir 4,000pla dagheba me ganɨngi. Ezɨ gɨn men dagher naba itima, ia akɨraba manmaghɨn dagh aghui? 11 Ia manmaghɨn amigha bizir kam gɨfozir puvatɨ, kɨ bretbagh nɨghnɨgha ia mɨgeir puvatɨ? Kɨ ghaze, ia Farisiba ko Sadyusibar yis bagh deragh uari bagh gan.” 12 Ezɨ me akar kam baregha fo, Iesus bret bagha amir yisɨn mɨgeir puvatɨ. Me fo, a Farisiba ko Sadyusiba sure gamir akabagh nɨghnɨgha ghaze, ia akar kaba bagh deravɨra uari bagh gan.
Pita Iesusɨn gun mɨgei
(Mak 8:27-30; Luk 9:18-21)
13 Ezɨ Iesus ghua Sisaria Filipain nguibamɨn boroghɨn itir danganimɨn ghu, egha dughiar kamɨn uan suren gumazibar azai, “Gumazamiziba manmaghɨn mɨgei, Gumazamizibar Otarim a tina?”
14 Mt 14:1-2, Mk 6:14-15, Lu 9:7-8Matyu 14:1-2; Mak 6:14-15; Luk 9:7-8Ezɨ me ghaze, “Marazi ghaze, nɨ Jon Gumazamiziba Ruer Gumazim, marazi ghaze nɨ Elaija, marazi ghaze nɨ Jeremaia, o nɨ ti Godɨn akam inigha izir gumazir mam.”
15 Ezɨ Iesus men azai, “Ezɨ ia uari, ia manmaghɨn na dɨponam? Kɨ tina?”
16 Jo 6:68-69, Ap 8:37, Hi 1:2, 1:5, 1 Jo 4:15Jon 6:68-69; Hibru 1:2; 1:5; 1 Jon 4:15Ezɨ Saimon Pita a ikaragha ghaze, “Nɨ Krais, God Ua E Iniasa Mɨsevezir Gumazim. Nɨ Godɨn Zurara Ikiavɨra Itimɨn Otarim.”
17 Mt 17:5, 1 Ko 2:10, Ga 1:15-16, Ef 2:8Matyu 17:5; 1 Korin 2:10; Galesia 1:15-16; Efesus 2:8Ezɨ Iesus a ikaragha kamaghɨn a mɨgɨa ghaze, “Saimon, Jonɨn otarim, nguazimɨn gumazitam mɨgɨrɨgɨar kam nɨn akazir pu. Puvatɨ. Nan Afeziar uan Nguibamɨn itimra, nɨn aka. Kamaghɨn nɨ bar akongegh. 18 Jo 1:42, Ef 2:20, MAA 21:14Jon 1:42; Efesus 2:20; Akar Mogomem 21:14Ezɨ kɨ nɨ mɨgei, nɨ Pita. Egh dagɨar kam gisɨn kɨ uan siosɨn ingaram, eghtɨ Ovevemɨn Gavgavim an suiragh anepɨrighɨva a gasɨghasighan kogham.†Grighɨn akamɨn aven, ziar kam Pita, an mɨngarimra kara, Dagɨam. 19 Mt 18:18, Jo 20:23Matyu 18:18; Jon 20:23Eghtɨ kɨ God Bizibagh Ativamin Dughiamɨn kiba isɨva nɨn dafarim datɨgham. Eghtɨ bizir manam nɨ nguazimɨn a ikeghtɨ, God uan Nguibamɨn uaghan a ikegham. Eghtɨ nɨ nguazimɨn bizir manam a fɨrightɨ, God uan Nguibamɨn uaghan kamaghɨram a fɨrigham. 20 Matyu 17:9; Mak 9:9Egha Iesus pamten uan suren gumazibar anogorogha ghaze, me tong an gun tav mɨkɨm suam, a Gumazir God Uam E Iniasa Mɨsevezim.”
Iesus ovengasa, egha uan suren gumazibav gɨa ghaze, me uaghan an amir arazibar amuam
(Sapta 16:21--20:34)
Iesus ghaze, an ovegh ua dɨkavam
(Mak 8:31--9:1; Luk 9:22-27)
21 Ezɨ dughiar kamɨn ikegha ghua, Iesus uan suren gumaziba bighavɨra me mɨgɨa ghaze, a Jerusalemɨn mangam, eghtɨ gumazir aruaba, ko ofa gamir gumazir ekiaba, ko Judan Arazibagh fozir gumaziba, a men dafarimɨn bar mɨzazir ekiaba ko osɨmtɨziba iniam. Eghtɨ me an aghuaghɨva a mɨsueghtɨma an aremegham. Egh dughiar mɨkezimɨn a ua dɨkavigham. 22 Ezɨ Pita akar kam baregha Iesus inigha mɨriamɨn ghua kamaghɨn an atara a mɨgɨa ghaze, “Bar puvatɨgham. Arazir kaba nɨ bativan kogham.”
23 Ezɨ Iesus raghɨrɨgha kamaghɨn Pita mɨgei, “Satan, nɨ na gitagh mangɨ! Nɨ nguazimɨn bizibagh nɨghnɨgha, egha Godɨn bizibagh nɨghnɨzir puvatɨ, kamaghɨn nɨ nan tuavim apɨri.”
24 Mt 10:38, Lu 14:27, Ap 14:22, 2 Ti 3:12Matyu 10:38; Luk 14:27; Aposel 14:22; 2 Timoti 3:12Egha Iesus kamaghɨn uan suren gumazibav gei, “Gumazitam, o amizitam nan gɨn izɨsɨ, a ifongezir biziba gɨn amadagh uan ter ighuvim gisaghpugh nan gɨn izɨ. 25 Mt 10:39, Lu 17:33, Jo 12:25Matyu 10:39; Luk 17:33; Jon 12:25Gumazamizir manam uan ikɨrɨmɨrimɨn suighasa nɨghnɨsi, an ikɨrɨmɨrim gɨvagham. Eghtɨ gumazamizir manam na bagh uan ikɨrɨmɨrim ateghɨva, uan ikɨrɨmɨrim iniam. 26 Sng 49:7-8, Mt 4:8-9Onger Akaba 49:7-8; Matyu 4:8-9Gumazitam o amizitam nguazimɨn itir biziba bar da inigh, a gɨn oveghtɨ, bizir kaba manmaghɨn an akuragham? Bar puvatɨ. A ivezir manam uan duam bagh anerenɨngam? Bar puvatɨ. 27 Sng 62:12, Snd 24:12, Sek 14:5, Mt 25:31, 26:64, Mk 8:38, Lu 9:26, Ro 2:6, 1 Pi 1:17, MAA 22:12Onger Akaba 62:12; Aghuzir Akaba 24:12; Sekaraia 14:5; Matyu 25:31; 26:64; Mak 8:38; Luk 9:26; Rom 2:6; 1 Pita 1:17; Akar Mogomem 22:12Guizbangɨra, Gumazamizibar Otarim uan enselba ko, uan Afeziamɨn angazangarir ekiam sara izam. Egh dughiar kamɨn ivezim isɨ gumazamiziba vaghvagh men araziba bagh me danɨngam. 28 Mk 9:1, Lu 9:27Mak 9:1; Luk 9:27Kɨ guizbangɨra ia mɨgei, ia kagh tuivighav itir darasi, ian tarazi oveghan kogham. Ia ikɨvɨra ikɨ gantɨma, Gumazamizibar Otarim, Atrivir Ekiamɨn mɨn otogh ua izam.”
16:1: Mt 12:38, Lu 11:16, 1 Ko 1:22
16:1: Matyu 12:38; Luk 11:16; 1 Korin 1:22
*16:3: Fofozir gumazir avɨriba ghaze, ves 2 ko ves 3ɨn itir mɨgɨrɨgɨaba, gumazir igharazir mam gɨn da osiri. Egha ghaze, Matyu da osirizir puvatɨ.
16:4: Mt 12:39, Lu 11:29
16:4: Matyu 12:39; Luk 11:29
16:6: Lu 12:1
16:6: Luk 12:1
16:9: Mt 14:17-21
16:9: Matyu 14:17-21
16:10: Mt 15:34-38
16:10: Matyu 15:34-38
16:14: Mt 14:1-2, Mk 6:14-15, Lu 9:7-8
16:14: Matyu 14:1-2; Mak 6:14-15; Luk 9:7-8
16:16: Jo 6:68-69, Ap 8:37, Hi 1:2, 1:5, 1 Jo 4:15
16:16: Jon 6:68-69; Hibru 1:2; 1:5; 1 Jon 4:15
16:17: Mt 17:5, 1 Ko 2:10, Ga 1:15-16, Ef 2:8
16:17: Matyu 17:5; 1 Korin 2:10; Galesia 1:15-16; Efesus 2:8
16:18: Jo 1:42, Ef 2:20, MAA 21:14
16:18: Jon 1:42; Efesus 2:20; Akar Mogomem 21:14
†16:18: Grighɨn akamɨn aven, ziar kam Pita, an mɨngarimra kara, Dagɨam.
16:19: Mt 18:18, Jo 20:23
16:19: Matyu 18:18; Jon 20:23
16:20: Matyu 17:9; Mak 9:9
16:24: Mt 10:38, Lu 14:27, Ap 14:22, 2 Ti 3:12
16:24: Matyu 10:38; Luk 14:27; Aposel 14:22; 2 Timoti 3:12
16:25: Mt 10:39, Lu 17:33, Jo 12:25
16:25: Matyu 10:39; Luk 17:33; Jon 12:25
16:26: Sng 49:7-8, Mt 4:8-9
16:26: Onger Akaba 49:7-8; Matyu 4:8-9
16:27: Sng 62:12, Snd 24:12, Sek 14:5, Mt 25:31, 26:64, Mk 8:38, Lu 9:26, Ro 2:6, 1 Pi 1:17, MAA 22:12
16:27: Onger Akaba 62:12; Aghuzir Akaba 24:12; Sekaraia 14:5; Matyu 25:31; 26:64; Mak 8:38; Luk 9:26; Rom 2:6; 1 Pita 1:17; Akar Mogomem 22:12
16:28: Mk 9:1, Lu 9:27
16:28: Mak 9:1; Luk 9:27