1 Yaral itye Jesuse yarnir harnakar tungarar, wunyitye ngoppun lare muntunt Brook Kedron; al ityan kinauwe ngaityar ngoppun. Kar ngoppun gardenangk.

2 Judase itye nglemin naiye gardenowe; kaldowamp itye Jesuse ngoppun gardenungai al an kinauwe ngaityar.

3 Wunyile Judase marnd an soldierar priestan; kile waiyan an soldierar gardenangk, kar tuppun lampowar, swords kanakar.

4 Nglemin itye Jesuse ngruwar, ngoppun itye Jesuse kanangk, yarnin ile luku “Ngangge ungune wilkun?”

5 Kar werentun ityan, Jesuse Nazarethald: yarnin itye Jesuse, “Jesuse ap ellin.” Tangulun al an Judase. 6 Yaral itye Jesuse yarnir luku, Jesuse ap ellin, wunyar pingkin tunangk.

7 Wunyile an kurrin kangulandai Ngangge wilkun ungune? Kar werentun Jesuse Nazarithald.

8 Yarnin itye Jesuse, “Ngate tingowir onomangk Jesuse ap; ungunuk ungune wilkun an, taiy al harnakar.”

9 Luku ile Jesuse yarnir; anai nanghy pempir an angk harnakar; nowaiy atte an bailpulir.

10 Wunyile Petere morokkun ityan swordowe, wunyile yan mempin servantowe high priestald, merippin ile yan naitye nunkeri plombe servantald; naitye mitye Malchus.

11 Wunyile Jesuse yarnin inangk Petere, “Yup our yan umauwe swordowe sheathungai mutilde ap ityan cupowe yare Nanghy pempir anangk.”

12 Wunyar soldierar mulbakkir ityan Jesuse mintambungai. 13 Kar waiyin ityan Annasangk ngungkur. Hikkai Annas ellin yullunde Kaiaphasald. Kaiaphas itye ellin high priest. 14 Kaiaphas ile yarnir anangk Jews luku; yammalaitye korn pornilde itye an ambe an Narrinyeri kananyirungai ruwe.

15 Petere itye waiyin ityan Jesuse, yamminye ngaitye Jesusald waiyin ityan, henggengk waiyin ityan. Highpriest il nglemin ityan hikkai ngaitye Jesusald. Ngoppun itye al yan Jesuse kinanyirangk taldumandangk high priestald. 16 Tangulun itye Petere ngurukwar. Wunyil yamminye ngaitye Jesusald yar ile nglemin ityan highpriest; yarnin ile inangk mimine ngande itye moerpun doorowe, tingowuramb ityan Petere, Yappul our. 17 Miminil yarnin inangk Peterangk, “Nginte ellin ngatye Jesusald?” Werentun Peteril, “Nowaiy ap ellin.”

18 Servantar soldierar ellin ar murunkun, kar ngungyin, wunyar enangk nyrinkin-Tangulun naiye itye Petere, nyringkin itye inangk.

19 High priest ile yan kurrin Jesuse, Nganggar umauwe ngaityar? Minyinde yarnir?

20 Jesuse ile inangk werentun ngate anar.gk tingowir ngruwan kornan; ngate yarnir templeungai, yangi Jewsar yuntuwarrin kaldowamp. Nowaiy ap an angk yarnir. 21 Mekimb inde kurrin an? Kurr our an kornar; kar kungir an, yar atte anangk tingowir, kar nglemin yar atte anangk tingowir.

22 Yaral Jesus il yarnir luku, yammalaitye soldierowe, naiye tangulun, ngultun ile yan Jesuse turnungai; yarnin itye luku; mekimb inde luku werentun inangk highpriest.

23 Jesus il werentun ityan Ungunuk ap wirrangwarrin yarnir, tingow our an minyitye wirrangi; ungunuk ap nunkowarrin yarnir, mekimb inde ngultur an.

24 Annas il taiyir ityan Jesuse inangk Kaiaphas high-priest.

25 Simon Petere tangulun itye naiye, itye inangk nyringkin. Kar yarnin inangk; nginte ellin Jesusald ngaitye. Werentun ile Petere; “Nowaiy an ellin kinauwe ngaitye.”

26 Yammalaitye servantowe high-priestald; gelauwalle ellin itye kornalde, yare ile yan Petere meripoir naitye plombe: kurrin ile yan Petere: “Ngate um nakkir al atyan Jesuse gardenungai.

27 Kangulandai itye Petere pilyaulun, wunyitye kokowe kaikundun.

28 Yaral trelin ngreye, kar waiyin ityan Jesuse kinanyirangk taldumandangk judgald. Kar nowaiy yappulun taldumandungai; kar nglemin ungunuk ar yappulani taldumandungai. Judgald wunyar nowaiy takkani ityan passover.

29 Giyin itye Pilate an angk: yarnin itye luku; Mekimbe ungune anangk waiyin hikkai korn.

30 Werentun ar luku, ungunuk nowaiy itye ellin wirrangi korn, wunyarn el nowaiy waiyin ityan umangk.

31 Wunyile anangk yarnin Pilate; ngune judge ityan lun ellin umauwe lawowe. Wunyar werentun Jewsar, ngurn nowaiy mempilde yan korn.

32 Kar yarnir luku, hil amb uk, Jesusil yarnir yarild itye pornani, wunyitye yarnir katyil.

33 Wunyitye Pilate kangulandai yappulun Judgald taldumandangk; wunyile luku kurrin ityan Jesuse; Nginte Governorowe Jewsan, kai?

34 Werentun itye Jesuse luku, Nginteon kurrin an luku, ngande tingowir umangk luku? 35 Yarnin itye Pilate, Nowaiy ap ellin Jew, umauwe ngaityar um pempir an angk; minyinde ellir?

36 Werentun itye Jesuse, “Nowaiy ap ellin Gcvernorowe lun inde ellin. Ungunuk ap Iun inde ellin, wunyar anai servantar el ar mendin; wunyar Jewsar nowaiy morokkun an. Anauwe kingdom nowaiy yummun hikkai ruwungai. Anauwe kingdom ncwaiy alye yummun.

37 Yarnin itye Pilate, Wunyinde ellin Governorowe kai? Werentun itye Jesuse, Nginte yarnin ap ellin Governorowe: hil amb uk ap ondu puntir ruwungai tingowuramb katyil, ungunuk kornar tingowun katyil wunyar ityan kungun anai tungare.

38 Wunyitye kurrin ityan Pilate, Minyitye katyil? Yaral itye yarnir luku ngoppun itye Jewsungar, wunyitye anangk yarnin, Nowaiy itye wirrangi. 39 Ungunai atte pempir onomangk yammalaitye korn yaral passover. Ngune an pornun an Jesuse governorowe Jewsan?

40 Wunyar kaikundun, nowaiy inde yan pemp hikkai korn, pemp our ityan Barrabbas. Hikkai Barrabbas itye ellin petamalde.