1 Wunyile yan Pilate marnmin Jesuse. 2 Wunyar soldierar ngempin yan kurlinyeri palyungar, wunyar ityan yuppun kinanyirungai kurlangk. Kar yuppundelin kinangk kurungulun maiyinggar. 3 Wunyar krunkun ityan Governorowe Jewsan, Kar ityan ngultun kananyiril turnar.

4 Ngowal itye Pilate kornungar tingowun ile an luku. Ngate ityan waiyin onomangk ngurukwar hil amb uk tingowun atte onom nowaiy itye wirrangi.

5 Hikkai arnduwa itye Jesuse, ngolamindin itye henggun, palyald kurlinyeri, kurungulun maiyinggar. Luku yarnin itye Pilate nak our hikkai korn.

6 Yaral chief priestar, officers, nakkin ityan Jesuse, kaikundun ar, Crucify ityan, crucify ityan. Luku Pilate, ngune crucify ityan, nowaiy atte nuntun ityan wirrangi.

7 Kar luku werentun ityan, ngurnauwe lawowe yarnin pornilde itye, hil amb uk itye in angk krunkun Porl Godald.

8 Yaral itye an kungun turlin itye Pilate. 9 Ngoppun itye kinanyirungai taldumandangk Judgald. Wunyile kurrin ityan Jesuse, Yarnd inde nowaiy werentun itye Jeause.

10 Wunyil Pilate luku, “Nowaiy inde werentun an? Nowaiy inde nglemin hik atte um mempani, hik atte um nemmani?”

11 Werentun il Jesuse nowaiy inde mempani an ungunuk Jehovil nowaiy um piltengwarrin; ngande anangk pempir um, wirrangwarrin itye.

12 Hikkai kin amb ai Pilate nemmin yan Jesuse: wunyar Jewsar kaikundun luku; Ungunuk inde nemmin ityan nowaiy inde Cesarald ngaitye; ungunuk korn krunkun itye inangk governorowe yarnin itye wirrangwarrin inangk Cesare.

13 Yaral an kungir Pilate kile yan morokkun Jesuse wunyitye lewin kinanyirungai Judgald lewurmi.

14 Yaral gauwel yarnin ile anangk Jewsar, Nak our yan nomauwe governorowe.

15 Wunyar kaikundun, Crucify ityan, Crucify ityan! Kurrin ile an Pilate, minye, ngate crucifyani ityan nomauwe governorowe? Wunyar werentun Cesar ellin itye ngurnauwe governorowe.

16 Wunyile yan Pilate pempin anangk, hil amb uk ar crucify ityan. Wunyar merokkun ityan Jesuse, waiyin ar ityan.

17 Lammin ile yan naitye crossowe, ngoppun itye Golgothangk. 18 Wunyar nail em ityan Jesuse crossungai al henggun ningkaiengk yam henggun kornenggun, wallin itye Jesuse tarangk henggun.

19 Wunyil Pilate mungaiyulun al yan papowe tungarar luku Jesuse Nazarethald governorowe Jewsan.

20 Wunyar ngruwar kornar read em at ityan. Kar crucify al atyan Jesuse tapangk townowe Pilatil mungaiyulun papowe al harnakar neppaldar kaldar, Hebrew, Greek, Latin.

21 Wunyar priestar Jewsan yarnin al yan Pilate; mekimb inde mungaiyulun ityan ngurnauwe governorowe; mungaiyul our luku, kile krunkun itye inangk governerowe Jewsan.

22 Werentun an Pilate, Yare atte mungaiyulur, atte mungaiyulur.

23 Wunyar yaral ar ellir crucify em an Jesuse, soldierar morokkun naitye maiyngge. Wunyar neranbin an maiyingge a ambe four soldierar. Kinauwe coatow nowaiy itye tulkelin, ngembelin itye.

25 Harnakar tangulun tapangk crossawe Jesusald, narkowalle, kinauwe barno, Mary, Cleopald nape, Mary Magdalene.

26 Ungunuk itye Jesuse nakkin al yan narkowalle tangulun tapangk ityan, Jesusald ngaitye tangulun, tapangk, henggengk, tangulun, yarnin itye Jesuse narkowanangk luku. Mimininda nak our ian umauwe porl. 27 Wunyitye yarnin al yan naitye ngaitye, Nak our Ninkowe. Wunyitye hikkai ngaitye Jesusald ityan waiyin narkowan Jesusald kinanyirangk taldumandangk.

28 Nglemin itye Jesuse hikkai ngruwar ellir pekir, yarnin itye luku klallin ap ellin.

29 Naiye itye yummun bottleowe vinegarald. Wunyar kornar yalkin ityan sponge vinegarungai yuppun ityan prangungai pempin ityan inangk Jesuse. 30 Jesusil yan muttun vinegar; yarnin itye luku, Paek ellin, wunyitye pornun.

31 Wunyar Jewsar, hil amb uk nowaiy an nemmin pernelin kornar crossungai Sabbathungai: hil ambe yun passover; hikkai Sabbath nunkeri nungge; kar Jewsar al yan Pilate reytyuwun hil ambe, lulun an kanauwurle tahrukar pintamin an.

32 Wunyar soldierar lulun tarukengk kinanyirangk korn, yare ar ellir ityan crucified al yan Jesuse. Wunyar lulun tarukengk kinanyirangk yamminye korn. 33 Wunyar ityan nakkin Jesuse kar kungullun itye pornelin, nowaiy ar lulun kinanyirangk tarukengk. 34 Wunyile yan soldierowe lakkin prewirre Jesusald; kinanyerinend prewirrenend yaralin krewe bahrekar.

35 Kitye nakkir haranekar, wunyitye an rnungaiulur, nglemin itye yar itye tingowun katyil, hil amb ai ngune our wurruwarrin.

36 Kar ellir luku, hil amb ukke Tungare Jehovald rauwul itye yarnin luku; nowaiy ar lulani kinauwe partpatar. 37 Yamminye Tungare Jehovald itye yarnir, “kar nakkani ityan yaral ar ityan lakkir.”

38 Wunyil ngaitye Jesusald, naitye mitye Joseph Arimathea, reytyuwun ile yan Pilate pempin Jesuse, morok ile yan Pilate ile yan inangk pempin morokkun ile yan Jesuse. 39 Yamminye ngaitye Jesusald, naitye mitye Nicodemus; (Kitye puntir kaldow inangk Jesuseyaral an yonguldye); morokkun ile an myrrh, aloes, spices, hundred pound, talin an ellin. 40 Wunyengk krukurin inangk maiyinggar ityan Jesuse; kengk yuppun spices al yan; lun ellin Jewsar an gringkarar grauwun.

41 Tapangk naitye crossow Jesusald ellin itye gardenowe; ornangk gardenungai eliin itye mokari tombowe. Tarno korn yuppir ityan gringkari tombungai ungunai.

42 Wunyar kinauwe ngaityar ityan yuppun Jesuse tombungai, amb itye yun itye ellani Sabbath: hil amb uk itye tombawe tapangk.