1 Ungunuli itye yammalaitye nungge weekald, puntin itye tombangk Mary Magdalene, ungunuk itye trelin ngreye; nakkin ile yan grauwe marte yelkulun tomb an mant.

2 Wunyitye kldein, puntin itye enggunangk Petere, yamminye ngaitye Jesusald, yar itye Jesuse yan pornun. Wunyitye yarnin enggunanyir Mary Magdalene; kar ityan Masterowre pintamin tomb an mant, ngurn ncwaiy nglemin yangi ar al ityan yuppir.

3 Puntin henggenekengk tombangk Petere, yamminye ngaitye Jesusald. 4 Kengk kldein, yamminye ngaitye ngungkurule puntin tcmbangk. 5 Nakkin itye tombungai. Nakkin itye an maiyinggar yummun naiye, nowaiy itye yappulun.

6 Wunyitye puntin Simon Petere, waiyin ityan, yappulun itye tombangk, nakkin itye an maiyinggar yummun. 7 Kinauwe kurlinyeri nowaiy itye yummun al maiyinggan, kil ai an yuppir.

8 Wunyitye yappulun yamminye ngaitye, ngungkura itye puntir, kile nakkin wunyitye wurruwarrin. 9 Nowaiy henggenekengk nglemin tungare Jehovald nornir itye Jesuse prakuramb itye.

10 Wunyengk henggengk ngaityengk moru engk kenggunanyirangk pulge.

11 Tangulun itye Mary ngurukwar tombowe, parpin itye. Ungunuk itye parnig tuyuluwarrin itye tombungai. 12 Wunyil nakkin ningkaiengk angelengk lewin; yammalaitye lewin yangi naitye kurle yummir, kityur lewin yangi Jesusald turnar yummir. 13 Kengk yarnin inanyir Mary, mimininda mekimb inde parpin. Yarnin ile kenggunanyir. “Hil amb uk ar pintamir ityan anai Masterowe, nowaiy atte nglemin yangi ar al ityan yuppir.

14 Ungunuk itye yarnir luku ngeraggeyelin itye, wunyile yan nakkin Jesuse, tangulun itye naiye: nowaiy itye Marv nglemin ityan Jesuse.

15 Yarnin itye Jesuse inangk, Mimininda, mekimb inde parpin, ngang inde yan wilkun? Mary nuntun ityan Jesuse ellin gardenamalde. Mary il yarnin inangk, Sir ungunuk inde tuppir ityan ande tingow our an, yang inde yuppir ityan, wunyel atte pintamani ityan.

16 Krunkun ile yan Jesuse, Mary, Ngeraggeyelin itye Mary, yarnin itye inangk Jesuse, Masterowe.

17 Jesusil yarnin inangk, nowaiy inde an pleppin; nowaiy at loru nangaiyinangk. Ngcwal inde ananyirangk ngaityungar, tingow ind an narar luku; Loru el ap nangaiyinangk ngaiyinangk, ngananyirangk Godow, nomanyirangk Godow.

18 Tingowun il Mary Magdalene ngaityungar Jesusald, nakkir ill it yan masterowe, Jesusil yarnir inangk luku.

19 Yaral itye yappulun nungge hikaai ellin yammalaitye nungge weekald; doorow taldumandald itye ellin murilpun, yangi ngaityar Jesusald, yuntuwarrin, turlin ar ananyir Jewsar. Wunyitye puntin Jesuse, tangulun itye tunte taldumandald; yarnin itye luku, ngape ellin nomauwe ngaitye. 20 Yaral itye yarnir luku, wunyil re ar an kinauwe turnar, prewirre; wunyar kinauwe ngaityar kuntun hil amb ar nakkin ityan Jesuse 21 Yarnin itye Jesuse anangk, nanghy taiyir an, lun ellin atte onom taiyani.

22 Yaral itye yarnir luku, wunyel an winkundun; yarnin itye ngate yan pempin onomangk Nunkeri Pangari Jehovald. 23 Ungunuk ungune an tingowun kornar luku, tainpulun itye Jehovah nomauwe wirrangar, wunyel itye, tainpulun. Ungunuk ungune tingowun an kornar luku ngullun itye Jehovah nomauwe wirrangar, wunyel itye ngulun.

24 Yammalaitye ngaitye, naitye mitye Thomas Didymus, nowaiy itye lewin taldumandangk yaral itye Jesuse puntin. 25 Yamminyar ngaityar tingowun ityan, ngurn ityan nakkir masterowe. Wunyitye yarnin Thomase, Yaral atte nakkani perkar nailowald, kinanyirungai turnungar, wunyatte yuppani anai turnar perkungai, yuppani anai turne perkungai prewirrald, wunyel ap nuntun katyil ungune tingowir an.

26 Yaral eight nunggar, ngaityar Jesusald kar lewin taldumandangk, lewin itye Thomase; doorcwe murilpun. Wunyitye puntin itye Jesuse, tangulun tapangk an; yarnin itye ngape ellin nomauwe ngaitye.

27 Wunyil yarnin inangk Thomase, Yup our umauwe turne, plep our anai turnar; yup our mai turne pleo our anai prewirre, wunyinde wurruwarrin, katyil ar um tingowir.

28 Yarnin itye Thomase luku, Anai masterowe, anai Godowe.

29 Yarnin itye Jesuse, Thomase nginte nakkir an, wunyinde wurruwarrin ap tumbewallir. Nunkeri ellin ar, yare ar nowaiy nakkir an wunyar wurruwarrin an tumbewallir.

30 Multuwarrin ennin ile Jesuse kin auwe ngaityar nakkin ityan. Nowaiy atte mungaiyulun narar bookungai. 31 Ngate mungaiulir harnakar, wunyel ungune ilde wurruwarrin Jesuse ellin itye Porl Jehovald. Wunyel ungune tumbewarrin kinanyerinend mityenend.