1 Jesusald ngaityar nakkir ityan mungkulangk Tiberiald, Luku ar nakkir ityan. 2 Harnakar ngaityar lewin thamangk mungkulangk, Thomas Didymus, Nathaniel, Porlengk, Zebedeeald, ninggengk yamminyengk ngaityengk.

3 Wunyitye Petere yarnin luku ngate el ngerin an mame; kar werentun, ngurn el ngowal umanyir. Kar ngowalle yukangai. Kar ngerin yonguldye; nowaiy ar morokkun an mame.

4 Ungunuk trelin ngreye tangulun itye Jesuse thamangk. Nowaiy ar nuntun ellin ityan Jesuse. 5 Wunyil Jesuse kurrin an, Porluna yangalle nomauwe mame; kar werentun, nowaiy eliin mame.

6 Tingowun ile an, Yup our an nomauwe ngere lare muntunt yukald, wunyel ungune pindyani. Wunyar ngerin. Hikkai nowaiy ar yultun ityan ngere; multuwarrin mame. 7 Wunyil ngaitye, yar itye yan pornun yan Jesuse, yarnin Peterangk; Kitye ellin masterowe, Ungunuk Petere kungun ityan, yuppundelin il naitye maiyingge (kitye ellin merate ungunai) wunyitye tytpullun mungkulangk.

8 Yamminyar ngaityar puntin yukald, yultun an ngere mamungai. 9 Ungunuk ar tangulun thamangk, kar nakkin, kene, krepowe, mame, yummun. 10 Yarnin itye Jesuse. Morok our an mame, hikkai kaldcw an ngerir.

11 Wunyil Petere yultun, ngere thamangk; multuwarrin mame ngerangk, one hundred and fifty three. Kar nowaiy lulun an ngere.

12 Yarnin itye Jesuse, Ngai ouri, tak, Nowaiy ngaityar kurrin ityan, Ngang inde?, kar nglemin ityan Masterowe. 13 Wunyil Jesuse pempin an angk krepowe, mame.

14 Hikkai nakkin an Jesuse nepaldandai ngaityar Jesusald, yaral itye prakkir.

15 Yaral ar takkir, wunyil Jesuse yarnin inanyir Petere luku, Simon porl Jonasald nginte an pornun kai? Werentun ile yan Petere, Yes, Masterowe, nginte nglemin pornun um aa um. Yarnin ile inanyir, Nginte munguwun an anauwe lambar.

16 Wunyil Jesuse kurrin ityan Petere ningkandai, Simon porl Jonasald, nginte an pornun an kai? Werentun ile yan, Yes Masterowe, nginte nglemin pornun um ap um. Jesusil tingowun ityan. Nginte munguwun an anai sheepe.

17 Wunyil Jesuse kurrin ityan nepaldandai, Simon Port Jonasald, nginte pornun an kai? Wunyitye parpin itye Petere, hit amb uk Jesuse kurrin ityan nepaldandai luku. Nginte pornun an kai? Wunyile yan werentun Jesuse, Masterowe, nginte nglemin an ngruwar; nginte nglemin pornun um ap um. Luku it Jesuse, Nginte munguwun an anai sheepe. 18 Katyil, katyil, atte tingowun umangk, yaral inde ellir Porl, nginte yuppundelir umauwe maiyinggar, wunyinde ngoppir yauo ande ngoppir. Yaral inde ellani yande orn, wunyil umangk yuppundelani umauwe mai yinggar yamminye korn; wunyil waiyani um yang inde nowaiy ellani ngoppani. 19 Jesusil yarnir luku, hit amb ai: ting owun an Petere yar itye pornani in ambe yan Jehovah. Yaral itye Jesuse yarnir luku kite yarnin in angk “Waiy ou: an.”

20 Wunyitye Petere ngeraggeyelin, nakkin ile yan ngaitye Jesusald, yare itye an pornun an Jesuse, waiyin.

21 Wunyil Petere kurrin yan Jesuse Masterowe, yar itye el hityekatye.

22 Yarnin itye Jesuse. Mekimb inde kurrin an, kitye el lewani yaral ao puntani. Nginte waiy our an.

23 Wunyar ngaityar, Jesusald kungullun hikkai ngaitye Jesusald, nowaiy pornani. Nowaiy il Jesuse yarnir luku. Hil amb ai il yarnir; kitye, el lewani, yaral ap puntani.

24 Hikkai ngaitye Jesusald tingowun haraneker, kill an mungaiulir haranekar. Tingcwun itye, katyil. Ngurn nglemin il tingowun katyil.

25 Luk ennin il Jesuse ngruwar, Ungunuk atte mungaiulun ngruwar wunyitye ruwe yalkin al harnakar bookowar. Amen.