4
भिंगु खँ न्यंकेगु
1 सी धुंकूपिं व म्वाना च्वंपिं फुक्कसितं न्याय यानादीम्ह ख्रीष्ट येशू व परमेश्वरया नामं जिं छन्त धयाच्वना -- वय्कलं हानं झायाः राज्य यानादी तिनिगुलिं 2 परमेश्वरयागु वचन न्यंकि। भिंगु इलय् नं मभिंगु इलय् नं न्यंकि, न्ह्यागु जूसां सह यानाः मनूतय्त इमिगु दोष क्यनाः स्यनेकने या, ब्वः ब्यु, अले साहस नं ब्यु।
3 भिंगु खँ धाल धाःसा सह हे मयाइगु ई नं वइतिनि। इमिसं थःम्हं मनं तुं थें ज्याःगु खँ स्यनेकने याइपिं गुरू तइ, अले थःत यःयःगु जक खँ न्यना च्वनी। 4 इमिसं सत्य खँ न्यनी मखु। मनय् वःथें कनीगु बाखं जक न्यने यय्की।
5 छं जक न्ह्यागु जूसां नुगः क्वात्तुकाः च्वँ। दुःख सी माःसां स्यू। भिंगु खँ न्यंकेगु याना च्वँ। थःत बियातःगु ज्या पूवंकि।
6 छाय्धाःसा जिं ला थःत हे पाये धुन। जिगु ला सीगु ई नं वये धुंकल। 7 जिं यायेमाःगु बांलाक याये धुन। जिं ब्वाँय् वने गाके धुन। अथेसां जिं जिगु विश्वासयात बल्लाक तया तयागु दु। 8 आः ला धर्मी ठहरय् जूपिन्त धकाः तयातःगु श्रीपेच जक काये ल्यंदनि, गुगु सुयागुं ख्वाः मस्वसे न्याय यानादीम्ह प्रभुं झायाः पुइकादी। जितः जक मखु, वय्कः झाइगु यःपिं फुक्कसितं वय्कलं व श्रीपेच पुइकादी।
9 छं याकनं हे जिथाय् वयेगु स्व। 10 डेमास थ्व संसारयात माया यानाः जितः त्वःताः थेसलोनिकाय् वने धुंकल। क्रेसेन्स गलातियाय् वन, तीतस दलमातियाय् वन।*४:१० कल ४:१४; फिले २४; २ कोर ८:२३; गला २:३; तीत १:४ 11 लूका जक जि नाप दु। मर्कूसयात मालाः छ नापं ब्वना हजि। वं जिगु ज्याय् यक्व हे ग्वाहालि बी।*४:११ कल ४:१४; फिले २४; प्रे १२:१२,२५; १३:१३; १५:३७-३९; कल ४:१० 12 तुखिकसयात जिं एफिससय् छ्वयागु दु।*४:१२ प्रे २०:४; एफि ६:२१-२२; कल ४:७-८ 13 त्रोआसय् च्वंम्ह कार्पसयाथाय् जिं त्वःता थकागु गा ज्वना वा। अन त्वःता थकागु सफू व छेंगुलिइ च्वयातःगु सफू नं लुमंक ज्वनाः वा।*४:१३ प्रे २०:६
14 अलेक्जेन्डर सिजःकःमिनं जितः तसकं बांमलाकल। प्रभुं वयात याये माःगु यानादी।*४:१४ १ तिमो १:२०; भज ६२:१२; रोम २:६ 15 व खनाः छं नं होश याना च्वँ, छाय्धाःसा वं झीगु भिंगु खँयात तसकं मभिंकाः खँ ल्हानाच्वंगु दु।
16 दकलय् न्हापां जिगु मुद्दा जूबलय् जिगु पँ लिनाः सुनानं नमवाः। फुक्कसिनं जितः त्वःतल। इमिसं थुकियागु ल्याःचाः प्रभुयात बी म्वाःले मा। 17 उबलय् प्रभुं हे जि नाप झायाः जितः बांलाक भिंगु खँ न्यंकेत शक्ति बियादिल। अय्जूगुलिं जिं यहूदीमखुपिन्त भिंगु खँ न्यंके फत। थुकथं वय्कलं जितः सिंहयागु म्हुतुं बचय् यानादिल। 18 प्रभुं हे जितः फुक्क कथंया मभिंगु खं बचय् यानादी। अले थःगु स्वर्गयागु राज्यय् यंकेत वय्कलं जितः बचय् यानादी। वय्कः सदां सदां तःधना च्वने मा। आमेन।
लिपांगु ज्वजलपा
19 प्रिस्किला व अकिलास, अले ओनेसिफरसया जहानपिं सकसितं जिगु ज्वजलपा धया ब्यु।*४:१९ प्रे १८:२ 20 इरास्तस कोरिन्थय् तुं च्वन, त्रोफिमसयात धाःसा उसाँय् मदुगुलिं मिलेटसय् तुं त्वःता थका।*४:२० प्रे १९:२२; रोम १६:२३; प्रे २०:४; २१:२९
21 चिकुला न्ह्यः हे जिथाय् वयेगु कुतः या। युबुलस, पुडेस, लिनस, क्लौडिया व थन च्वंपिं किजापिं सकसिनं ज्वजलपा धया हःगु दु।
22 प्रभु छंगु नुगलय् दीमा। परमेश्वरं छिमित दया माया यानादी मा।
*4:10 ४:१० कल ४:१४; फिले २४; २ कोर ८:२३; गला २:३; तीत १:४
*4:11 ४:११ कल ४:१४; फिले २४; प्रे १२:१२,२५; १३:१३; १५:३७-३९; कल ४:१०
*4:12 ४:१२ प्रे २०:४; एफि ६:२१-२२; कल ४:७-८
*4:13 ४:१३ प्रे २०:६
*4:14 ४:१४ १ तिमो १:२०; भज ६२:१२; रोम २:६
*4:19 ४:१९ प्रे १८:२
*4:20 ४:२० प्रे १९:२२; रोम १६:२३; प्रे २०:४; २१:२९