1 Iwá̱n nikitaꞌ iga inó̱n yej e̱watoꞌ ipan trono, iga iye̱ꞌma̱ꞌ kiki̱tzkijtoꞌ se̱ kimilo̱la̱maꞌ,*5:1 Xikita glosario “Kimilo̱la̱maꞌ”. ijkuilijtoꞌ ta‑íjtiꞌpa iwá̱n itepotztájbapa iwá̱n ye̱ꞌtzaktoꞌ iga siete sello.†5:1 Sello kita̱lilia̱yaj a̱maꞌ iga matzakto iga a̱ꞌsan ne̱si amo makilee̱ro, petz yej kiti̱taniliáj. 2 Iwá̱n nikitaꞌ se̱ ángel yej poxsan kipiá poder, ijkí̱n tajtoj recio:

—¿A̱ꞌyéj kajasi makipostekili ise̱llojyo iwá̱n makitapo iní̱n kimilo̱la̱maꞌ?

3 Eꞌ ayagaj wel kitapowa̱ya inó̱n kimilo̱la̱maꞌ niga wel agaj kitachi̱lia̱ya, niga yej onoꞌ ipan cielo, niga yej onoꞌ ipan ta̱jli, niga yej onoꞌ ta̱ltampa. 4 Iwá̱n nej nicho̱kaya poxsan, iga ayagaj wel kitapowa inó̱n kimilo̱la̱maꞌ, niga ayagaj wel kilee̱rowa̱ya, niga agaj wel kitachi̱lia̱ya. 5 Iwá̱n se̱ de ino̱mej ancia̱nojmej ne‑ijlij:

—Amo xicho̱ka; inó̱n yej kijliáj “León”‡5:5 León ken tikita te̱kua̱ni wa̱n kijto̱jneki Jesucristo. Gn 49:9 yej reina̱rowa yej irrá̱zajpa Judá, yej ipiltzi̱n ipilówa̱mpa rey David, kitá̱nija iga wel makitapo inó̱n kimilo̱la̱maꞌ iwá̱n iga makipostekili inó̱n siete ise̱llojyo yej kipiá.

6 Iná̱ꞌ trono iwá̱n tatajkoya̱n ino̱mej na̱wi anima̱lmej, iwá̱n tatajkoya̱n ino̱mej ancia̱nojmej, nikitaꞌ se̱ Cordero§5:6 Cordero ken tikita borre̱gojtzi̱n wa̱n kijto̱jneki Jesucristo. Xikita glosario “Borrego” wa̱n “Cordero”. Xikita no̱ Ex 12:3,5. yej ne̱si iga kimiktíjkaja. Ejkatoya iwá̱n kipiaya siete ikua̱kua iwá̱n siete iyi̱x; iwá̱n inó̱n siete i̱xmej kijto̱jneki siete iyEspí̱ritoj Dios yej kiti̱tan no̱ya̱n ipan ta̱jli. 7 Inó̱n Cordero kikuiko inó̱n kimilo̱la̱maꞌ yej kiki̱tzkijtoya iga iye̱ꞌma̱ꞌ inó̱n yej e̱watoꞌ ipan trono. 8 Kua̱ꞌ kíkuiꞌya inó̱n kimilo̱la̱maꞌ, ina̱wixtimej ino̱mej anima̱lmej iwá̱n ino̱mej veinticuatro ancia̱nojmej motankua̱ketzkej iyi̱xtaj inó̱n Cordero. Sejsé̱ de ino̱mej ancia̱nojmej kipiayaj se̱ arpa,*5:8 Xikita glosario “Arpa”. iwá̱n kipiayaj wajkalmej de oro, eꞌ te̱ntokej iga incienso,†5:8 Incienso ken kópal yej kitatia̱yaj kua̱ꞌ kiweyimati̱ltia̱yaj Dios. Lv 16:12 inó̱n incienso kijto̱jneki iyoracio̱mej yej kicre̱dojtokej Dios. 9 Iwá̱n kikui̱kayaj iní̱n nuevo takui̱ꞌ:

11 Iwá̱n nikitaꞌ, iwá̱n nikaguiꞌ itajto̱lmej miaꞌ a̱ngelejmej yej kiyawalojtoyaj trono, iwá̱n ino̱mej anima̱lmej iwá̱n ino̱mej ancia̱nojmej. Ino̱mej a̱ngelejmej onoyaj poxsan komatimej,‡5:11 “Poxsan komatimej” o millones de millones. 12 iwá̱n ijkí̱n kijtowa̱yaj recio:

13 Iwá̱n nikaguiꞌ no̱ iga inochi yej isatokej yej Dios kichij, yej onokej ipan cielo, yej onokej ta̱lpan iwá̱n yej onokej ta̱ltampa iwá̱n yej onokej ipan láma̱r, kijtowa̱yaj:

14 Iwá̱n ina̱wixtimej ino̱mej anima̱lmej, ijkí̱n kijtowa̱yaj:

Iwá̱n ino̱mej veinticuatro ancia̱nojmej motankua̱ketzkej iwá̱n kiweyimati̱ltijkej yej nochipa onoꞌ iwá̱n nochipa onos.