Tahi Beebaa go
Chronicles
Hanu dagodo o de beebaa nei
De gau Ssuu e tala bolo go Ezra ne siia Tahi ma de Lua Beebaa go Chronicles, i daha de ngadau e 430 b.c., ga daohi ai mee ne hai mai i 1000-960 b.c. Gai e aahe ange ma e tala mee gu sisi i lodo luu beebaa go Samuel, aama luu beebaa o denga Hodooligi, gai e damaa dagodo gee de hai e tala ai. E lua hiidinga ne sisi ai taalanga o de nohoanga hodooligi o de gau Israel i lodo luu beebaa go Chronicles:
1. E hagaago mai bolo e dee galemu donu de lagolago hai ngadaa o luu nohoanga hodooligi o Israel ma Judah, gai de Maadua goi daohi donu huu ana hagatoo donu ange gi de huaahenua laa. Gai ia e hagahai hegau dana hagatau ange gi ono dangada, i daho dangada goi nnoho laa i Judah. Tangada ne siia de beebaa nei ne tilo hegau a David ma Solomon ne hai, ma hegau a Jehoshaphat, ma Hezekiah, ma Josiah, e hagammahi ange ai dangada goi hai hegau ange laa gi de Maadua i de lodo abodonu.
2. E tala mai hogi taamada de daumaha ange gi de Maadua i lo te temple i Jerusalem, ma de hai ne hagatau ai hegau a de gau haimeedabu ma de aamuli o Levi, i delaadeu dagi dangada e daumaha ai. Gai e tala hogi bolo go David ne damadaa de hai de temple, ma ono hegau alodahi, e dee galemu donu go Solomon ne hagaduulia de temple.
Dahi gubu hagamogomogo: “Gai David gu donu iho bolo Tagi Maolunga gu hagasula ia gi hodooligi i honga Israel, gai dono nohoanga hodooligi gu hagamaolunga, i hiidinga o ono dangada go de gau Israel” (14.2).
Denga vaevaaenga
Denga atangada ma olaadeu hagataaunga (1.1—9.44)
De magau o Saul (10.1-14)
De hodooligi o David (11.1—29.30)
a. Denga hai ngadaa ma hegau ne ssula (11.1—22.1)
b. De hagadabena mee e hagaduu ai de temple(22.2—29.30)
1
Denga hagadiilinga mai i Adam gi Abraham
(Gen 5.1-32; 10.1-32; 11.10-26)
1 Adam, Seth, Enosh, 2 Kenan, Mahalalel, Jared, 3 Enoch, Methuselah, Lamek, ma Noah.
4 Dama daane a Noah: go Shem, ma Ham, aama Japheth.
Hagadiilinga o Japheth
5 Dama daane a Japheth: go Gomer, ma Magog, ma Madai, ma Javan, ma Tubal, ma Meshek, aama Tiras.
6 Dama daane a Gomer: go Ashkenaz, ma Riphath,*Riphath: hanu beebaa Hebrew ange laa e hai ange Diphath. aama Togarmah.
7 Dama daane a Javan: go Elishah, ma Tarshish, ma Kittim, aama Rodanim.
Hagadiilinga o Ham
8 Dama daane a Ham: go Cush, ma Egypt, ma Put, aama Canaan.
9 Dama daane a Cush: go Seba, ma Havilah, ma Sabta, ma Raamah, aama Sabteca.
Dama daane a Raamah: go Sheba, ma Dedan.
10 Cush ne hagadili Nimrod; gai Nimrod se daane mmahi i henua i lalo.
11 Egypt ne hagadili de gau Lud, ma de gau Anam, ma de gau Lehab, ma de gau Naphtuh, 12 ma de gau Pathrus, ma de gau Casluh (ne hagadili ai laa de gau Philistia), ma de gau Caphtor.
13 Canaan ne hagadili de gau Sidon, dana dama madua, ma de gau Heth, 14 ma de gau Jebus, ma de gau Amor, ma de gau Girgash, 15 ma de gau Hiv, ma de gau Erek, ma de gau Sin, 16 ma de gau Arvad, ma de gau Zemar, aama de gau Hamath.
Hagadiilinga o Shem
17 Dama daane a Shem: go Elam, ma Asshur, ma Arpaxad, ma Lud, ma Aram.
Dama daane a Aram: go Uz, ma Hul, ma Gether, aama Meshek.
18 Arpaxad ne hagadili Shelah, gai Shelah ne hagadili Eber.
19 Eber ne hagadili e dogolua dama daane. De ingoo o dahi go Peleg†Peleg i muna Hebrew e bei go de vvae. (go hiidinga dangada o henua i lalo ne mavaevae i dono masavaa), gai de ingoo o dono daina go Joktan.
20 Joktan ne hagadili Almodad, ma Sheleph, ma Hazarmaveth, ma Jerah, 21 ma Hadoram, ma Uzal, ma Diklah, 22 ma Ebal, ma Abimael, ma Sheba, 23 ma Ophir, ma Havilah, aama Jobab. Aanei alodahi dama a Joktan.
24 Shem, Arphaxad, Cainan, Selah, 25 Eber, Peleg, Reu, 26 Serug, Nahor, Terah, 27 ma Abram (e bei go Abraham).
Hagadiilinga o Ismael
(Gen 25.12-16)
28 Dama a Abraham go Isaac ma Ishmael.
29 Aanei dama a Ishmael: go Nebaioth, dana dama madua, ma Kedar, ma Adbeel, ma Mibsam, 30 ma Mishma, ma Dumah, ma Massa, ma Hadad, ma Tema, 31 ma Jetur, ma Naphish, aama Kedemah. Aanei dama a Ishmael.
32 Gai dama daane a Abraham ange gi Keturah, dono bodu laa daha: go Zimran, ma Jokshan, ma Medan, ma Midian, ma Ishbak, aama Shuah.
Dama daane a Jokshan: go Sheba ma Dedan.
33 Dama daane a Midian: go Ephah, ma Epher, ma Hanok, ma Abida, aama Eldaah.
Aanei alodahi dama a Keturah.
Hagadiilinga o Esau
(Gen 36.1-19)
34 Abraham ne hagadili Isaac.
Gai dama daane a Isaac go Esau ma Israel.
35 Dama daane a Esau: go Eliphaz, ma Reuel, ma Jeush, ma Jalam, aama Korah.
36 Dama daane a Eliphaz: go Teman, ma Omar, ma Zephi, ma Gatam, ma Kenaz. Tama daane a Timnah: go Amalek.
37 Dama daane a Reuel: go Nahath, ma Zerah, ma Shammah, aama Mizzah.
Dangada o Seir i Edom
(Gen 36.20-30)
38 Dama daane a Seir: go Lotan, ma Shobal, ma Zibeon, ma Anah, ma Dishon, ma Ezer, aama Dishan.
39 Dama daane a Lotan: go Hori, aama Homam. Gai Timna go taina hahine o Lotan.
40 Dama daane a Shobal: go Alvan, ma Manahath, ma Ebal, ma Shepho, aama Onam.
Dama daane a Zibeon: go Aiah, ma Anah.
41 Tama daane a Anah: go Dishon.
Dama daane a Dishon: go Hamran, ma Eshban, ma Ithran, aama Keran.
42 Dama daane a Ezer: go Bilhan, ma Zaavan, aama Jaakan.
Gai dama daane a Dishan go Uz ma Aran.
Denga dagi o Edom
(Gen 36.31-43)
43 Gai aanei denga hodooligi ne dagina de henua go Edom i mua de dahi hodooligi o de gau Israel:
go Bela, tama daane a Beor, gai de ingoo o dono aduhale go Dinhabah.
44 Gai ga magau huu Bela, gai Jobab, tama daane a Zerah, taane Bozrah ga sui ia ga hodooligi ai.
45 Gai ga magau huu Jobab, gai Husham, taane mai i de henua go Teman ga sui ia ga hodooligi ai.
46 Gai ga magau huu Husham, gai Hadad, tama daane a Bedad, taane ne hagadee kii ina laa de gau Midian i de henua go Moab, ga sui ia ga hodooligi ai. Gai de ingoo o dono aduhale go Avith.
47 Gai ga magau huu Hadad, gai Samlah taane Masrekah ga sui ia ga hodooligi ai.
48 Gai ga magau huu Samlah, gai Shaul, taane mai i Rehoboth i gaogao ssaalingaa vai, ga sui ia ga hodooligi ai.
49 Gai ga magau huu Shaul, gai Baal-Hanan, tama daane a Achor ga sui ia ga hodooligi ai.
50 Gai ga magau huu Baal-Hanan, gai Hadad ga sui ia ga hodooligi ai. Gai de ingoo o dono aduhale go Pai, gai de ingoo o dono bodu go Mehetabel, tamaa hine a Matred, tamaa hine a Me-Zahab. 51 Gai Hadad gu magau hogi.
Gai denga dagi o Edom: go Timna, ma Alvah, ma Jetheth, 52 ma Oholibamah, ma Elah, ma Pinon, 53 ma Kenaz, ma Teman, ma Mibzar, 54 ma Magdiel, aama Iram. Aanei dagi o de gau Edom.