2
Dama a Israel
1 Aanei dama daane a Israel: go Reuben, ma Simeon, ma Levi, ma Judah, ma Issachar, ma Zebulun, 2 ma Dan, ma Joseph, ma Benjamin, ma Naphtali, ma Gad, aama Asher.
Dama daane a Judah
3 Dama daane a Judah: go Er, ma Onan, aama Shelah ange gi tamaa hine a Shua, taane Canaan. Gai Er, tama madua a Judah, ne hai dahi hegau baubau i mada luu mada o Tagi Maolunga, gai ia ga daa ia gu magau. 4 Gai Tamar, saulaba o Judah ne haanau ange gi de ia Perez ma Zerah. Gai Judah ne dogolima alodahi ana dama daane.
5 Dama daane a Perez: go Hezron, ma Hamul.
6 Dama daane a Zerah: go Zimri, ma Ethan, ma Heman, ma Calcol, aama Dara; e dogolima ana dama alodahi.
7 Dama daane a Carmi: go Achar,*Achar e bei go Achan (diiloo Joshua 7.1). go taane ne haia ga hai ngadaa de gau Israel, i dana kave mee gu hagailonga e oha gi odi.*Josh 7.1
8 Tama daane a Ethan: go Azariah.
9 Dama daane a Hezron ne hagadili: go Jerahmeel, ma Ram, aama Kelubai.†Kelubai, aabe go Caleb.
10 Ram ne hagadili Amminadab, gai Amminadab ne hagadili Nahshon, dahi dagi o dangada o Judah. 11 Nahshon ne hagadili Salmon,‡Salmon, aabe go Salma i muna Hebrew. Salmon ne hagadili Boaz, 12 Boaz ne hagadili Obed, gai Obed ne hagadili Jesse.
13 Jesse ne hagadili Eliab, dana dama madua, togolua dama go Abinadab, togodolu go Shimea, 14 togohaa go Nethanel, togolima go Raddai, 15 togoono go Ozem, gai togohidu go David. 16 Gai luoolaadeu daina haahine go Zeruiah ma Abigail. Dama daane a Zeruiah go Abishai, ma Joab, aama Asahel. 17 Gai Abigail ne haanau Amasa, gai tamana o Amasa go Jether, mai i de aamuli o Ishmael.
Caleb tama daane a Hezron
18 Caleb, tama daane a Hezron, ne hanu hogi ana dama i daho dono bodu go Azubah (aama daho Jerioth). Gai ana dama daane: go Jesher, ma Shobab, aama Ardon. 19 Gai de masavaa huu o Azubah ne magau ai, gai Caleb ga hai bodu ange gi Ephrath, ga hagadili ai a Hur. 20 Hur ne hagadili Uri, gai Uri ne hagadili Bezalel.
21 Muli mai gai Hezron ne hai bodu ange hogi gi tamaa hine a Makir, tamana o Gilead (gu madaono ono ngadau i de masavaa oona ne hai bodu ange ai gi de hine laa), gai de hine laa ga haanau ange gi de ia Segub. 22 Gai Segub ne hagadili Jair, taane ne dagina e madalua ma dolu aduhale i de ungaamee o Gilead. 23 (Aagai Geshur ma Syria ne kave aduhale vaaligiligi o Jair, madali Kenath ma ono aduhale vaaligiligi — se madaono aduhale nei.) De gau nei alodahi ni hagadiilinga niio Makir, tamana o Gilead.
24 Dua de magau o Hezron gai Caleb ne hai bodu ange gi Ephrathah, de bodu o dono damana go Hezron. Gai de hine laa ga haanau ange gi de ia Ashhur, taane ne hagaduulia Tekoa.
Jerahmeel tama daane a Hezron
25 Dama daane a Jerahmeel, tama madua a Hezron: go Ram, dana dama madua, ma Bunah, ma Oren, ma Ozem, aama Ahijah. 26 Gai Jerahmeel e dahi ange ono bodu, dono ingoo go Atarah, go ia tinana o Onam.
27 Dama daane a Ram, tama madua a Jerahmeel: go Maaz, ma Jamin, aama Eker.
28 Dama daane a Onam: go Shammai ma Jada.
Dama daane a Shammai: go Nadab ma Abishur.
29 De ingoo o de bodu o Abishur go Abihail, gai ia ne haanau ange gi de ia Ahban ma Molid.
30 Dama daane a Nadab: go Seled ma Appaim. Gai Seled teai donu ana dama.
31 Tama daane a Appaim: go Ishi, go ia tamana o Sheshan. Gai tama daane a Sheshan: go Ahlai.
32 Dama daane a Jada, taina daane o Shammai: go Jether ma Jonathan. Gai Jether teai donu ana dama.
33 Dama daane a Jonathan: go Peleth ma Zaza.
Aanei hagadiilinga o Jerahmeel.
34 Gai Sheshan teai donu ana dama daane, ni damaa hine donu huu aana. Gai Sheshan e dahi ono daane hai hegau mai i Egypt, dono ingoo go Jarha. 35 Gai Sheshan ne gaavange dana damaa hine e hai ai de bodu o dono dangada hai hegau go Jarha, gai ia ne haanau ange gi de ia Attai.
36 Attai ne hagadili Nathan,
Nathan ne hagadili Zabad,
37 Zabad ne hagadili Ephlal,
Ephlal ne hagadili Obed,
38 Obed ne hagadili Jehu,
Jehu ne hagadili Azariah,
39 Azariah ne hagadili Helez,
Helez ne hagadili Eleasah,
40 Eleasah ne hagadili Sismai,
Sismai ne hagadili Shallum,
41 Shallum ne hagadili Jekamiah,
gai Jekamiah ne hagadili Elishama.
Hagadiilinga o Caleb
42 Hagadiilinga o Caleb, taina daane o Jerahmeel: Mareshah, dana dama daane madua, go tamana o Ziph, ma dana dama go Mareshah,§Muna Hebrew i kinei e dee iloo danuaa dono hagadoonunga. go tamana o Hebron.
43 Hagadiilinga a Hebron: go Korah, ma Tappuah, ma Rekem, aama Shema. 44 Shema ne hagadili Raham, ne hagadili ina laa Jorkeam, gai Rekem ne hagadili Shammai. 45 Tama daane a Shammai go Maon; gai Maon ne hagadili Beth Zur.
46 Gai Ephah, de bodu laa daha o Caleb, ne haanau Haran, ma Moza, aama Gazez. Haran ne hagadili Gazez.
47 Dama daane a Jahdai: go Regem, ma Jotham, ma Gesham, ma Pelet, ma Ephah, aama Shaaph.
48 Gai Maacah, de bodu laa daha o Caleb, ne haanau Sheber aama Tirhanah. 49 Go ia hogi ne hanaua Shaaph, tamana o Madmannah, ma Sheva, tamana o Macbenah ma Gibea. Gai tamaa hine a Caleb go Acsah. 50 Aanei hagadiilinga o Caleb.
Dama daane a Hur, tama madua a Ephrathah: go Shobal, tamana o de gau Kiriath Jearim, 51 ma Salma, tamana o de gau Bethlehem, aama Hareph, tamana o de gau Beth Gader.
52 Gai hagadiilinga o Shobal, tamana o de gau Kiriath Jearim: go Haroeh, ma dahi luu baasi o de gau Menuhoth, 53 ma denga hagadiilinga o de gau Kiriath Jearim: go de gau Jether, ma de gau Puth, ma de gau Shumah, aama de gau Mishra, go dubuna o de gau Zorah ma de gau Eshtaol.
54 De aamuli o Salma: go de gau Bethlehem, ma de gau Netophah, ma de gau Atroth Beth Joab, ma dahi luu baasi o de gau Manahath, go de gau Zor. 55 Gai hagadiilinga o de gau sisi e nnoho laa i Jabez: go de gau Tirath, ma de gau Shimeah, aama de gau Sucah. Aanei hagadiilinga o de gau Ken, taane Hammath, go tamana o de huaabodu o Recab.