6 Gai dagi o denga hagadiilinga ma dagi o denga aamuli o Israel, ma dagi o de mano ma dagi o de lau daane hebagi, aama denga daane e dagina hegau a de hodooligi, ne malangilangi i de daohi age alaadeu mee ngadi gaavange. 7 Gilaadeu ne gaavange e limamano talent ma e dahisemada daric§5,000 talent ma e 10,000 darice bei se 190 dana. goolo, ma e dahisemada talent*10,000 talente bei se 375 dana. selevaa, ma e 18,000 talent†18,000 talente bei se 675 dana.bronze, aama e dahiseguli talent‡100,000 talente bei se 3,750 dana.iron. 8 Gai dangada alodahi ne gaavange hogi alaadeu hadu hagamogomogo ga hhao i lo te mommee doange i de hale o Tagi Maolunga, gai Jehiel taane de aamuli o Gershon ga tilo ange. 9 Gai dangada alodahi gu malangilangi i hiidinga de malangilangi o denga dagi i de hai de hegau nei; gilaadeu ne malangilangi i de ngadi gaavange alaadeu mee gi Tagi Maolunga. Gai de hodooligi go David gu kona hogi dono malangilangi.

14 Aagai se aha donu au, gai ni aha ogu dangada, gai gimaadeu ga maua ai i de ngadi gaavadu mee nei gi de goe? Mee alodahi ne loomai i oo daha, gai niiau donu mee amaadeu e gaavadu nei gi de goe. 15 Gai gimaadeu ni dangada henua gee i mada luoo mada, gai ni dangada e nnoho gaainga, bei dagodo omaadeu dubuna madagidagi alodahi. Gai omaadeu laangi i henua i lalo e bei de goohunga o de laa e lilo ngaohie laa, e dee maua gi dagodo. 16 Tagi Maolunga demaadeu Maadua, goloa lagolago alodahi amaadeu gu gaamai nei e hagaduu ai de hale e hagadubu ai doo ingoo dabu, ne loomai i oo daha, gai ni mee donu niiau. 17 Dogu Maadua, au e iloo bolo koe e tilo dagodo o de lodo, gai koe e malangilangi i de lodo e hai hegau i de heohi. Au ne malangilangi donu i de ngadi gaavadu mee nei i de lodo se muna abodonu, gai au gu gidee hogi bolo oo dangada gu hagabuni nei i kinei anailaa nei, ne malangilangi hogi i de ngadi gaavadu gi de goe. 18 Tagi Maolunga, de Maadua o omaadeu dubuna madagidagi go Abraham, ma Isaac, aama Israel, haia gi dagodo de lodo nei i daho oo dangada ga hano ai, gai haia gi maua e gilaadeu i de hagadubu goe i olaadeu lodo. 19 Gai gaavange gi dagu dama go Solomon de lodo e daohi au hainga i ono lodo alodahi, ma au tala hagadonu, ma au mee gu hagasauaa, gai ia ga hagaduu ai de hale danuaa aagu gu hagadabena mee e hagaduu ai.”

20 Muli mai gai David ne hai ange gi dangada alodahi gu hagabuni laa, “Duuhia Tagi Maolunga doodou Maadua.” Gai dangada alodahi ga tuhi Tagi Maolunga, de Maadua o olaadeu dubuna madagidagi, ga ino gi lalo ga daumaha ange gi Tagi Maolunga, ma de hagadubu de hodooligi.

Gai gilaadeu ne hai Solomon tama a David gi hodooligi i de lua hanonga, ga hagadabu ia i de lolo gi hodooligi i mada luu mada o Tagi Maolunga, gai go Zadoktangada haimeedabu. 23 Gai Solomon gu noho i honga de nohoanga hodooligi o Tagi Maolunga ga sui ai David dono damana ga hodooligi ai. Gai ia gu hagadagadaga age, gai de gau Israel alodahi ne daudali i ana muna.*1 Ki 2.12 24 Gai denga dagi o de henua ma denga daane hebagi mmahi, aama dama daane alodahi a de hodooligi go David gu hagatoo donu bolo gilaadeu ga nnoho i lalo o de hodooligi go Solomon.

25 Gai Tagi Maolunga ga hagaamua Solomon i madamada o de gau Israel alodahi, ma de hagamahamaha dono nohoanga hodooligi, gai tigi ai ange donu se hodooligi o Israel i mua ne bei ono dagodo.

29 Gai mee alodahi a David ne hai i de masavaa oona ne hodooligi ai, mai i taamada ga dae ai gi de hagaodi, e sisi i de beebaa a Samuel, taane e gidee mee e loomai, ma de pelaabisi go Nathan, aama Gad, taane e daalaa mee e loomai, 30 madali dagodo o dono hodooligi, ma dono mmahi, aama dagodo o mee alodahi ne hai i dono masavaa, ma dagodo o Israel ma nohoanga hodooligi o denga henua ange laa.