5
De hagadabena mee e hagaduu ai de temple
(2 Ch 2.1-18)
1 De masavaa laa gai Hiram, de hodooligi o Tyre, ne hai gi loomai hanu ono dangada hai hegau gi daho Solomon, i de masavaa aana ne langona ai, bolo dangada gu hagadabu Solomon gi hodooligi i tuulanga o dono damana; go hiidinga ia se soa hagamogomogo niio David, i dahi masavaa daulooloa. 2 Gai Solomon ne aalu ga hai ange gi Hiram:
3 “Koe gu iloo bolo dogu damana go David tee maua e ia i de hagaduu age dahi hale e hagadubu ai de ingoo o Tagi Maolunga, dono Maadua, go hiidinga o denga hebagi aana ne hai ange gi denga hagadaumee i luu baasi dono henua, ga dae ai gi de hai a Tagi Maolunga gilaadeu gi nnoho i ono lalo. 4 Aagai iainei Tagi Maolunga, dogu Maadua, gu hai au gi noho baba madali dangada i luu baasi de henua, gai gu deai hogi se hagadaumee aabe se mee hai ngadaa. 5 Gai au gu hagatau e hagaduu age dahi hale e hagadubu ai de ingoo o Tagi Maolunga, dogu Maadua, bei dagodo muna a Tagi Maolunga ange gi dogu damana go David, ‘Go dau dama daane e suuia laa goe e hodooligi ai i doo nohoanga hodooligi, e hagaduulia de hale e hagadubu ai dogu ingoo.’ *2 Sa 7.12-13; 1 Ch 17.11-12
6 Gai koe haia oo dangada hai hegau gi selea denga cedar o Lebanon, e hai ai agu laagau. Gai ogu dangada hai hegau ga loadu e bale ange oo dangada hai hegau, gai au ga hagao ange oo daane hai hegau i de hagaoanga aau e hagamodu mai. Gai koe e iloo bolo e deai ange donu dangada e iloo de hai e duuduu ai denga laagau bei de gau Sidon.”
7 De masavaa huu a Hiram ne langona ai muna a Solomon, gai ia gu malangilangi mmao, ga hagadaba, “Duuhia Tagi Maolunga anailaa nei, go de ia ne gaavange gi David dahi dama daane heiangi gi dagina de hagabuulingaa dangada soa nei.”
8 Gai Hiram ga aalu ga hai ange gi Solomon:
“Au gu iloo au muna gu aalu mai nei gi de au; gai au gu baba ange donu e gaavadu alodahi denga laagau cedar ma cypress oou e lodo ai. 9 Ogu dangada hai hegau e molimoli iho naa denga laagau mai i Lebanon gi gaogao tai, ga noonooa ga hai gi daahea iho gi de mommee aau e hagamodu. Gai au ga hai gilaadeu gi daalaa denga sabiningaa laagau i kilaa, i mua dau mmoli ga kave. Gai koe haia gi bei dogu mee e lodo ai; haia gai a dangada i dogu hale.”
10 Gai Hiram ga gaamai denga laagau cedar ma cypress alodahi o Solomon e lodo ai laa, 11 gai Solomon ne gaavange gi Hiram e luasemada cor*20,000 coragu made se 3,000 dana.grain, e haangai ai dangada i dono hale, ma e luasemada bath†20,000 bathagu made se 100,000 gaalene. Muna nei e dagodo i lo te Beebaa Greek; gai de Beebaa Hebrew se 20 cor, agu made se 3 dana. lolo ne tugi. Ia ne gaavange gi Hiram mee nei i ngadau alodahi. 12 Gai Tagi Maolunga ne gaavange gi Solomon de heiangi, bei dana hai gu hagatoo donu ange ai laa gi de ia. Gai Hiram ma Solomon gu nnoho paba, gai gilaau ga hai dahi hagatoo donu hagaheloongoi.
13 Gai de hodooligi go Solomon ne hili e dolusemada daane hai hegau mai i Israel alodahi. 14 Gai Solomon ne hai e dahisemada daane gi hulo gi Lebanon i denga malama alodahi; gilaadeu e hulo ga hai hegau i e dahi malama, ga lava ga aahe gi olaadeu hale i e lua malama. Gai go Adoniram tagi o denga hagabuulinga o de gau dee kii e hagahai hegau ina laa.*1 Ki 12.18 15 Solomon ne hili hogi e hidusemada daane gi molimolia, gai e valusemada daane e duuduudia hadu i honga denga mounga, 16 gai e 3,300 hogi daane a Solomon ne hili gi dagina denga hegau, go gilaadeu e dagudagua ange hegau a dangada e hai. 17 Gai de hodooligi ne hai ange gilaadeu gi duuduudia denga duudangaa hadu nnui, ga hagamalali e hai ai tagelo o de hale daumaha. 18 Gai denga daane hai hegau o Solomon ma Hiram aama denga daane mai i Gebal‡Gebal, aabe go Byblos. ne duuduu denga hadu ma laagau ga hagamalali e hagaduu ai de temple.