2 De vaaenga e mua ange gi Dan go de vaaenga o Asher, gai e daamada mai i baasi i dua ga hano ga sao i dai.

3 De vaaenga e mua ange gi Asher go de vaaenga o Naphtali, gai e daamada mai i baasi i dua ga hano ga sao i dai.

4 De vaaenga e mua ange gi Naphtali go de vaaenga o Manasseh, gai e daamada mai i baasi i dua ga hano ga sao i dai.

5 De vaaenga e mua ange gi Manasseh go de vaaenga o Ephraim, gai e daamada mai i baasi i dua ga hano ga sao i dai.

6 De vaaenga e mua ange gi Ephraim go de vaaenga o Reuben, gai e daamada mai i baasi i dua ga hano ga sao i dai.

7 De vaaenga e mua ange gi Reuben go de vaaenga o Judah, gai e daamada mai i baasi i dua ga hano ga sao i dai.

8 De vaaenga e mua ange gi Judah, mai i dua ga sao ai i dai go de mommee e vvae gee laa. Se 25,000 sugilima de lahalaha, gai dono looloa e bei de lloa o vaaenga o denga aamuli ange laa, mai i dua ga hano ga sao i dai. Gai lo te ungaalodo go de mommee dabu.

9 Gai de mommee oodou e vvae ange gi Tagi Maolunga se 25,000 sugilima de looloa, gai se luasemada*e luasemada: gai de Beebaa Hebrew e hai ange bolo se dahisemada. sugilima de lahalaha. 10 Deenei de mommee dabu e vvae ange gi de gau haimeedabu. Gai de laumalie o de mommee nei se 25,000 sugilima i de baasi gi ngaiho, e dahisemada sugilima de lahalaha i de bido gi dai, e dahisemada sugilima de lahalaha i de bido gi dua, gai se 25,000 sugilima de looloa i de baasi gi ngaage. Gai lo te ungaalodo o de mommee laa iai de mommee dabu o Tagi Maolunga. 11 Deenei de mommee e vvae ange gi de gau haimeedabu gu lava laa i de hagadabu, go hagadiilinga o Zadok, aanei gilaadeu ne hai hegau mai gi de au i de muna abodonu, gilaadeu tee daahuli gee i de au bei hegau a de aamuli o Levi ne hai, i de masavaa o de gau Israel ne daahuli gee ai i de au. 12 De mommee nei e vvae ange gi gilaadeu mai i de gelegele dabu o de henua, go de gelegele dabu mmao, i gaogao de vaaenga o de aamuli o Levi.

13 Gai de mommee e mua ange gi de mommee o de gau haimeedabu, go de mommee ne vvae ange gi de aamuli o Levi, se 25,000 sugilima de looloa, gai se dahisemada sugilima de lahalaha. 14 Gai gilaadeu e dee maua i de hagao gi daha de mommee nei aabe hagahesuihagi hanu. Deenei hugadoo de mommee danuaa i de henua, gai e dee maua donu i de gaavange gi hanu dangada gee, go hiidinga gu hagadabu ange gi Tagi Maolunga.

15 Gai de mommee e doe, se limamano sugilima de lahalaha, gai se 25,000 sugilima de looloa, gai se mommee e hagatuu ai hale o dangada alodahi o de aduhale, ma de hai ai alaadeu veelenga. Gai lo te ungaalodo go de aduhale. 16 Gai aanei haidenga i luu baasi: e 4,500 sugilima i de baasi gi ngaiho, e 4,500 sugilima i de baasi gi ngaage, e 4,500 sugilima i de baasi i dua, gai e 4,500 sugilima i de baasi gi dai. 17 Gai de mommee iai helii i luu baasi de aduhale e hai gi 250 sugilima i de baasi gi ngaiho, e 250 sugilima i de baasi gi ngaage, e 250 sugilima i de baasi dua, gai e 250 sugilima i de baasi dai. 18 Gai de mommee e doe i gaogao de gelegele dabu, de baasi gi dua se dahisemada sugilima, de baasi gi dai se dahisemada, gai e baa ange gi de gelegele dabu. Hua o denga veelenga i de mommee laa, go gai a de gau e haia hegau i de aduhale laa. 19 Gai de gau hai hegau mai i de aduhale e haia veelenga i kilaa, gi ni dangada mai i denga aamuli alodahi o Israel. 20 Gai de mommee oodou e vvae gee laa, e 25,000 sugilima de lahalaha ma de looloa, se mommee tuu dege, go de mommee dabu madali de mommee o de aduhale.

21 Gai de mommee e doe i luu baasi de gelegele dabu laa ma de mommee o de aduhale niio tagi o de henua. Gai e duudagi mai i de 25,000 sugilima o de gelegele dabu laa ga hano ai gi baasi i dua, gai e duudagi mai hogi i de 25,000 sugilima o de gelegele dabu ga hano ai gi baasi i dai. Gai lo te mommee nei go de gelegele dabu aama de mommee dabu o de temple. 22 Gai de mommee gu vvae ange laa gi de aamuli o Levi ma de mommee o de aduhale go lo te ungaalodo o de gelegele o tagi o de henua iai. De gelegele o tagi o de henua go de mommee i magavaa o vaaenga o Judah ma de vaaenga o Benjamin.

23 Gai denga aamuli ange laa: de vaaenga o Benjamin e daamada mai i baasi i dua ga hano ga sao i dai.

24 De vaaenga e mua ange gi de vaaenga o Benjamin go de vaaenga o Simeon, gai e daamada mai i baasi i dua ga hano ga sao i dai.

25 De vaaenga e mua ange gi de vaaenga o Simeon go de vaaenga o Issachar, gai e daamada mai i de baasi i dua ga hano ga sao i dai.

26 De vaaenga e mua ange gi de vaaenga o Issachar go de vaaenga o Zebulun, gai e daamada mai i de baasi i dua ga hano ga sao i dai.

27 De vaaenga e mua ange gi de vaaenga o Zebulun go de vaaenga o Gad, gai e daamada mai i de baasi i dua ga hano ga sao i dai.

28 De vaaenga o Gad go de vaaenga e ngado mai ai de henua i ngaage, gai e daamada mai i Tamar ga hano ga dae gi de vai o Meribah Kadesh, gai e duudagi mai i kilaa ga hano laa gaogao Ssaalingaa Vai o Egypt ga hano ga dae gi de Mediterranean.

29 Deenei de henua oodou e vaevae ange gi denga aamuli o Israel e henua ai gilaadeu, aanei olaadeu vaaenga, go de Ia Aamua go Iahweh e hagadaba.

32 De baasi i dua se 4,500 hogi sugilima, gai e dolu hogi haitoga i kilaa: go de haitoga o Joseph, ma de haitoga o Benjamin, aama de haitoga o Dan.

33 De baasi i ngaage se 4,500 hogi sugilima, gai e dolu hogi haitoga i kilaa: go de haitoga o Simeon, ma de haitoga o Issachar, aama de haitoga o Zebulun.

34 De baasi i dai se 4,500 sugilima hogi, gai e dolu hogi haitoga i kilaa: go de haitoga o Gad, ma de haitoga o Asher, aama de haitoga o Naphtali.

35 Gai de looloa o de buibui i luu baasi de aduhale laa se 18,000 sugilima.

Gai de ingoo o de aduhale mai i de masavaa laa ga hano ai go: