De masavaa a de Maadua ne hai ai tangada, gai ia ne hai tangada gi bei ono hagadulagi.*Gen 1.27-28 2 Ia ne hai taane ma de hine, gai ia ne hagamanuuia gilaau ga hagaingoo ange gilaau go Tangada,*Tangada i muna Hebrew go Adam. i de laangi aana ne hai ai gilaau.*Mat 19.4; Mark 10.6

3 Gai ga 130 huu ngadau o Adam, gai ia ga hagadili dahi dama daane bei ono hagadulagi aama ono dagodo; gai ia ga hagaingoo ange ia go Seth. 4 Gai ne 800 ange ngadau o Adam ne mouli ai, i dua dana hagadili a Seth, gai ne hanu ange dama daane ma damaa hine aana ne hagadili. 5 Gai ne 930 ngadau o Adam ne mouli ai, gai ia ga magau.

6 Gai ga 105 huu ngadau o Seth, gai ia ga hagadili Enos. 7 Gai ne 807 ange ngadau o Seth ne mouli ai. I dua dana hagadili Enos, gai ne hanu ange dama daane ma damaa hine aana ne hagadili. 8 Gai ne 912 ngadau o Seth ne mouli ai, gai ia ga magau.

9 Gai ga 90 huu ngadau o Enos, gai ia ga hagadili Kenan. 10 Gai ne 815 ange ngadau o Enos ne mouli ai, i dua dana hagadili Kenan, gai ne hanu ange dama daane ma damaa hine aana ne hagadili. 11 Gai ne 905 ngadau o Enos ne mouli ai, gai ia ga magau.

12 Gai ga 70 huu ngadau o Kenan, gai ia ga hagadili Mahalalel. 13 Gai ne 840 ange ngadau o Kenan ne mouli ai, i dua dana hagadili Mahalalel, gai e hanu ange ana dama daane ma damaa hine aana ne hagadili. 14 Gai ne 910 ngadau o Kenan ne mouli ai, gai ia ga magau.

15 Gai ga 65 huu ngadau o Mahalalel, gai ia ga hagadili Jared. 16 Gai ne 830 ange ngadau o Mahalalel ne mouli ange ai, i dua dana hagadili Jared, gai ne hanu ange ana dama daane ma damaa hine ne hagadili. 17 Gai ne 895 ngadau o Mahalalel ne mouli ai, gai ia ga magau.

18 Gai ga 162 huu ngadau o Jared, gai ia ga hagadili Enoch. 19 Gai ne 800 ange ngadau o Jared ne mouli ai, i dua dana hagadili Enoch, gai ne hanu ange dama daane ma damaa hine aana ne hagadili. 20 Gai ne 962 ngadau o Jared ne mouli ai, gai ia ga magau.

21 Gai ga 65 huu ngadau o Enoch, gai ia ga hagadili Methuselah. 22 Gai Enoch ne seesee madali de Maadua i e 300 ngadau, i dua dana hagadili Methuselah, gai ne hanu ange dama daane ma damaa hine aana ne hagadili. 23 Gai ne 365 ngadau o Enoch ne mouli ai. 24 Gai Enoch ne seesee madali de Maadua, gai ia gu dee maleva, i hiidinga de Maadua gu kave gee ia.*Heb 11.5; Jude 14

25 Gai ga 187 huu ngadau o Methuselah, gai ia ga hagadili Lamek. 26 Gai ne 782 ange ngadau o Methuselah ne mouli ai, i dua dana hagadili Lamek, gai ne hanu ange dama daane ma damaa hine aana ne hagadili. 27 Gai ne 969 ngadau o Methuselah ne mouli ai, gai ia gu magau.

28 Gai ga 182 huu ngadau o Lamek, gai ia ga hagadili dahi dama daane, 29 ga hagaingoo ange ia go Noah,†Noah e dagu bei de muna Hebrew go de hagaaneane. i hiidinga ia ne hagadaba, “Tama nei e hagaaneane mai naa gidaadeu, i adaadeu hegau hai ngadaa e hai, i honga de gelegele a Tagi Maolunga gu hagamalaia laa.” 30 Gai ne 595 ange ngadau o Lamek ne mouli ai, i dua dana hagadili Noah, gai ne hanu ange dama daane ma damaa hine aana ne hagadili. 31 Gai ne 777 ngadau o Lamek ne mouli ai, gai ia gu magau.

32 Gai ga 500 huu ngadau o Noah, gai ia ga hagadili a Shem ma Ham aama Japheth.