De Beebaa go
Hosea
Hanu dagodo o de beebaa nei
Taane ne siia de beebaa nei go de pelaabisi go Hosea, tama daane a Beeri, i de valu centuryb.c. Hosea ne hai ana hegau i de nohoanga hodooligi o Israel, i de bido gi ngaiho o de henua, i dua o de pelaabisi go Amos. De masavaa laa se masavaa hai ngadaa, gai go mua de hagadee kii ina o Samaria i 721 b.c.
Hosea ne daemaha ono lodo, i hiidinga de daumaha ange o dangada gi denga diinonga, gilaadeu tee hai hegau ange gi de Maadua i de muna abodonu. Hosea ne hagaago ange gi de gau Israel, dahi ada o de hai e hai hegau ai i de muna abodonu, i dono hai ne hai hegau ange ai gi dono bodu go Gomer, e dee galemu donu de hine laa ne hano ga dagodo haisala madali dahi daane gee. De gau Israel ne tili hogi Tagi Maolunga, bei de hai a Gomer ne tili ai laa Hosea. Deelaa ai, de Maadua e hagaduasala naa Israel. Aagai de lodo aloha o de Maadua e hai naa ga aahe mai dono huaahenua gi de ia, ga hagadanuaa ange gi de ia i muli mai. Gai de aloha o de Maadua i ono dangada e sula danuaa mai i muna nei: “Ephraim, e maua e au i de tili goe? Israel, e maua e au i de dugu goe gi hano? … Ogu lodo gu dee baba mmao, au gu dee maua i de golomagi dogu lodo aloha” (11.8).
Denga vaevaaenga
De hai bodu o Hosea ma dono huaabodu (1.1—3.5)
Muna pelaabisi ange gi Israel (4.1—13.16)
Dagodo o de dahuli de lodo ma de hagatoo donu (14.1-9)
1
1 Tagi Maolunga ne hagailoo ange ana muna gi Hosea, tama daane a Beeri, i de masavaa o Uzziah, ma Jotham, ma Ahaz, aama Hezekiah e hodooligi ai i Judah, ma de masavaa o Jeroboam, tama daane a Jehoash, e hodooligi ai i Israel.*2 Ki 14.23—15.7; 15.32—16.20; 18.1—20.21; 2 Ch 26.1—27.8; 28.1—32.33
De bodu ma dama a Hosea
2 De masavaa a Tagi Maolunga ne daamada ai de tala ana muna i daho Hosea, gai ia ne hai ange gi Hosea, “Hannoo hai bodu ange gi dahi hahine hai be se manu, ma de hagadili hanu dama i ono daho, go hiidinga de gau de henua gu bei dagodo o de hine hai be se manu laa, gilaadeu gu huuhuli gee mai i Tagi Maolunga.” 3 Gai Hosea ne hano ga kave Gomer, tamaa hine a Diblaim, ga hai bodu ange aagena, gai de hine laa ne hai dama ga haanau dahi dama daane.
4 Gai Tagi Maolunga ga hai ange gi Hosea, “Hagahia ange dono ingoo go Jezreel; go hiidinga e dee mmule naa donu, gai au ga hagaduasala de huaabodu o Jehu i hiidinga o dangada alaadeu ne daa ga maakau i Jezreel, gai au e hai naa gi deai se nohoanga hodooligi o Israel.*2 Ki 10.11 5 De laangi laa, gai au e hhadi naa de mee hholu a Israel i lo te geelonga go Jezreel.”
6 Gai Gomer ne hai dama ange hogi ga haanau dahi damaa hine. Gai Tagi Maolunga ga hai ange gi Hosea, “Hagaagahi ange dono ingoo go Lo-Ruhamah,*Lo-Ruhamah i muna Hebrew e bei e dee lodo aloha ange. go hiidinga au e dee lodo aloha ange naa donu gi dangada o Israel, aabe e degi ange gi gilaadeu. 7 Aagai au e lodo aloha ange naa gi dangada o Judah; au e hagaola naa gilaadeu. Au e dee hagaola gilaadeu i de mee hholu, be go de gadilaasa, be go de hebagi, aabe go denga hoosa ma daane e saavini ai, aagai au e hagaola naa gilaadeu i ssauaa o Tagi Maolunga delaadeu Maadua.”
8 Gai dua huu tee unuunu o Lo-Ruhamah, gai Gomer gu hai dama ange hogi ga haanau ange dahi dama daane. 9 Gai Tagi Maolunga ga hai ange, “Hagaagahi ina ange dono ingoo go Lo-Ammi,†Lo-Ammi i muna Hebrew e bei e dee se huaadangada niiogu. go hiidinga goodou e dee go dogu huaadangada, gai au e dee go doodou Maadua.”
10 Aagai de soa o dangada o Israel e bei naa de lagolago o denga gelegele i gabugabu tai, e dee maua laa i de hagabau aabe go de dau. Gai de mommee gu tala ai laa olaadeu dagodo ma gu hai ange, “Goodou e dee go ogu dangada,” e sui naa ga hai ange, “Goodou go dama a de Maadua e mouli laa.” *Rom 9.26 11 Dangada o Judah ma dangada o Israel e hagabuni naa ga hili dahi dagi gi dagina gilaadeu, gilaadeu e hagadagadaga age naa i honga de henua, gai de laangi o Jezreel‡Jezreel i muna Hebrew e bei go de Maadua e doo. e hai naa ga se laangi maolunga.