“Tagi Maolunga, au e hagaahe adu de abodonu gi de goe,

go hiidinga, e dee galemu koe nogo lili i de au,

gai iainei koe gu dee lili,

gai gu hagaaneane ogu lodo.

2 Tilo, de Maadua go dogu Ia Hagaola;

au e hagadonu ia, deelaa ai, au e dee madagu.

De Ia Aamua, Tagi Maolunga, go ogu mahi ma dagu daahili,

gai go ia dogu Ia Hagaola.” *Exo 15.2; Psa 118.14

3 Goodou e asu naa oodou vai ma de malangilangi

mai i denga saalingaa vai hagamouli.

4 De laangi laa gai goodou e hagataba naa:

“Hagaahe ange de abodonu gi Tagi Maolunga, ma de dalodalo ange gi de ia;

hagadele ina i denga huaahenua dagodo o ana hegau gu hai,

ma de tala bolo gi hagaamua ina dono ingoo.

5 Daahili ange gi Tagi Maolunga,

i hiidinga ana hegau mahamaha gu hai,

haia gi iloo e henua i lalo alodahi de mee nei.

6 Dangada o Zion, goodou hevaalogi daahili i de malangilangi,

i hiidinga de Ia Dabu o Israel i oodou magavaa e maolunga.”