8
1 E hagadaba Tagi Maolunga, “De masavaa laa gai ivi o denga hodooligi ma dagi o Judah, ma ivi o de gau haimeedabu ma denga pelaabisi, aama ivi o dangada o Jerusalem e aau age naa i lodo olaadeu daanunga. 2 Gai olaadeu ivi e daakodo saele naa i lalo de laa ma de maasina aama denga heduu o de langi, go mee olaadeu ne llodo e hai hegau ange aagena, ma de daudali ai aama de daumaha ange aagena. Gai olaadeu ivi e dee hagabudu naa donu aabe e danu, aagai e bei naa denga duudae e daakodo saele laa i honga de gelegele. 3 Gai dangada alodahi e doe i de huaabodu baubau nei, i mommee alodahi aagu e alualu gilaadeu gi hulo aagena, e llodo naa i de magau e dee go de mouli, go Tagi o denga hagabuulinga hebagi e hagadaba.
De haisala ma de hagaduasala
4 “Gai koe hai ange gi gilaadeu: Go Tagi Maolunga e hagadaba:
De masavaa o dangada e baakuu ai laa,
gai gilaadeu e dee aahe ange laa ga hiihidi age?
De masavaa o dahi dangada e huli dua ai,
gai ia e dee ahe ange laa ga huli mai?
5 Gai gu aha de gau nei gu huuhuli gee ai nei?
Gai gu aha Jerusalem gu duudagi ai nei de huli dua?
Gilaadeu e daohi donu huu hegau hagasenga;
gai gilaadeu e dee llodo e aahe mai.
6 Au gu noho donu ma gu hagallongo,
aagai gilaadeu e dee tala de mee heohi.
Gai gu deai donu se dangada e dahuli gee i ono baubau
ga hagadaba, ‘Se aha aagu gu hai nei?’
Dahi ma dahi e hai donu huu ono mee e lodo ai,
bei de hoosa e savini laa e hano gi de hebagi.
7 De manu lele go de stork i lo te moana
e iloo masavaa gu hagailonga ange gi de ia,
gai de manu kono, de swallow aama de crane
e daudali olaadeu masavaa e aahe mai ai.
Aagai ogu dangada e dee iloo
e gilaadeu hagamodu a Tagi Maolunga.
8 Gai dee hee doodou hai e hagataba ai naa,
‘Gimaadeu e heiangi,
go hiidinga de hainga a Tagi Maolunga i omaadeu daha’ —
aagai tilo, de biini sisi a oodou dangada sisi
gu hagahadu muna agu hainga?
9 De gau heiangi e dookaa naa;
gilaadeu e maatagu naa ma de booboogia mai.
Tilo, gilaadeu ne kino i muna a Tagi Maolunga,
gai e dahi ai naa olaadeu heiangi?
10 Deenei ai, au e gaavange naa olaadeu bodu gi hanu daane gee,
gai olaadeu alahenua e gaavange naa gi olaadeu hagadaumee.
Mai i tangada maolalo ga dae ai gi tangada maolunga,
gilaadeu alodahi gu nnoo hagamau mee;
denga pelaabisi ma de gau haimeedabu gu se dagodo daudahi donu,
gilaadeu alodahi e hegau i de hagasenga.*Jer 6.12-15
11 Gilaadeu e saabini maanuga o ogu dangada
e dagodo be e dee ni maanuga kona.
Gilaadeu e hagataba, ‘Nnoho paba, nnoho paba,’
aagai e deai ai donu se nnoho paba.*Ezk 13.10
12 Gai gilaadeu e dookaa laa donu i alaadeu hegau hakino gee?
E deai, gilaadeu e dee dookaa donu;
gilaadeu e dee iloo donu be se aha de dookaa.
Deenei ai, gilaadeu e maakau naa madali gilaadeu gu maakau laa;
gilaadeu e hagadee kii ina naa i de masavaa o de hagaduasala,
go Tagi Maolunga e hagadaba.
13 Au e lodo e hagihagi gilaadeu,
go Tagi Maolunga e hagadaba.
Gai e deai donu hua de grapevine.
E deai hogi hua o denga fig,
gai olaadeu lau gu mmae.
Agu mee alodahi gu gaavange gi gilaadeu
e kave gee naa donu mai i olaadeu daha.” *Agu mee alodahi … mai i olaadeu daha: muna Hebrew i kinei e dee iloo danuaa dono hagadoonunga.
14 ⌊Dangada e hagataba,⌋ “Gu aha gidaadeu gu nnoho ai naa donu huu?
Gidaadeu ga hagabuni!
Gidaadeu ga saavini e mmuni i lodo aduhale buibui
ga maakau ai i kilaa!
Go hiidinga Tagi Maolunga taadeu Maadua gu baba ange e daa gidaadeu gi maakau
ma de gaamai vai hagammau gidaadeu gi unumia,
i hiidinga gidaadeu gu haisala ange gi de ia.
15 Gidaadeu ne tali delaadeu nnoho paba,
aagai teai donu se mee danuaa ne humai;
gidaadeu ne tali dahi masavaa o de hagaieiangi,
aagai go de mee hagamaatagu donu huu ne humai.
16 De haganngolo usu o denga hoosa a de hagadaumee
e langona mai loo i Dan;
gai de hagalongaa o alaadeu hoosa daane,
gu hai ma gu bolebole de henua alodahi.
Gilaadeu gu loomai e oha
de henua ma mee alodahi iai;
de aduhale ma dangada alodahi e nnoho i kilaa.”
17 “Tilo, au e hai naa gi loadu denga labodo gadigadi gi oodou magavaa,
gai ni labodo hagammae e dee maua i de hai gi tala,
gai gilaadeu ga gadigadi ai naa goodou,”
go Tagi Maolunga e hagadaba.
De hinangalosaa o Jeremiah
18 Dogu hinangalosaa gu dee maua gi ui,†dogu hinangalosaa gu dee maua gi ui: muna Hebrew i kinei e dee iloo danuaa dono hagadoonunga.
gai ogu lodo gu baageaa.
19 Hagalaangona adu leo o ogu dangada e tangi ai
i honga de henua alodahi:
“E aha, Tagi Maolunga gu dee noho nei i Zion?
E aha, dono Hodooligi gu dee maleva laa i kilaa?”
⌊E hagadaba Tagi Maolunga,⌋ “Gu aha gilaadeu gu hai ai au gi lili
i olaadeu diinonga, ma olaadeu diinonga henua gee deai haigamaiana?”
20 ⌊Dangada e hagadaba,⌋ “De masavaa o de hagihagi gu ui,
gai gu ui de masavaa mahanahana,
gai gimaadeu e tee ola.”
21 Au gu mmae ogu lodo i de mmae lodo o ogu dangada;
au gu dangi ma de hinangalosaa mmao ogu lodo.
22 E aha, gu deai laa valaai i Gilead?
Gai e deai laa se dangada hai magi i kilaa?
Gai gu aha gu deai ai se ia e hagaieiangi ina maanuga o ogu dangada?