26
Muna a Job ange gi Bildad
Gai Job ne basa ange, ga hai ange,
“Koe gu bale ange donu tangada e deai ono mahi!
Gai koe gu hagaola tangada baageaa!
Koe gu bale ange tangada
e deai sono heiangi i hagasaele danuaa!
Gai gu lagolago hanonga aau ne tala ai
dagodo o de iloo mee laumalie!
Goai ne balea adu goe i muna aau e tala naa?
Gai niioai de hagasaalunga e daalaa naa muna naa i oo daha?
 
Hagasaalunga o de gau maakau e kona de bolebole,
go gilaadeu i lodo vai ma gilaadeu alodahi e nnoho i kilaa.
De mommee o de gau maakau e mahuge i mada luu mada o de Maadua,
gai Abaddon*Abaddon e bei de mommee o de gau maakau. e dee haoli donu i mada luoono mada.
Ia ne doha de langi i baasi i ngaiho i lo te moana i lunga,
gai ia e daudau age henua i lalo i lo te ngadi moana.
Ia ne hhao denga vai gi lodo hagausinga maadolu,
gai denga hagausinga e dee maoha donu i taemaha o denga vai.
Ia e haoli de maasina honu i dahi giliiga,
ma de doha ana giliiga i ono elunga.
10 Ia e maaga honga de vai,
ma de vvae de maalama mai i de gohu.
11 Denga duludulu o de langi e ngalungaalue
i delaadeu maatagu i dono bole.
12 Ia e hagabeabeau tai i ono mahi;
ia e duuduu RahabRahab go de ingoo o de mamu hagamaatagu e sisi laa i lodo beebaa madagidagi. i dono iloo mee.
13 Ia e manava gai gu laohie,
gai dono lima e velo de labodo e tolo laa.
14 Tilo, mee nei go taamada donu huu o ana hegau,
e bei taadeu hai e langona ai laa dana damaa musumusu mai.
Gai goai e donu ange gi denga hatuli aana e hai i dono mmahi?”
 

*26:6 Abaddon e bei de mommee o de gau maakau.

26:12 Rahab go de ingoo o de mamu hagamaatagu e sisi laa i lodo beebaa madagidagi.