28
1 E dahi donu mommee e geli ai denga selevaa,
gai e dahi mommee e hagagilimalali ai denga goolo.
2 Denga iron e geli age i lo te gelegele,
gai denga copper e ssali mai i de hagavaivai i denga hadu.
3 Dangada e hai gi maalama de mommee gohu,
i delaadeu ssala denga mee i lodo hadu
i de mommee gelo ma de gohu.
4 Gilaadeu e geli mommee mmao e deai dangada iai,
go mommee e dee seesee ai dangada;
gai gilaadeu e daudau i daula i lo te moana,
i de mommee e mmao gee mai i dangada.
5 Go de gelegele e ssomo mai ai denga gai,
aagai ono lalo e bei mee e oha i de ahi;
gai ono gelegele iai denga dibaa goolo.
7 De haiava laa e deai donu se manu lele e iloo,
gai de falcon e dee gidee hogi.
8 Denga manu lodo henua mmahi e dee seesee i kilaa,
gai de laiono e dee hano saele hogi i kilaa.
9 Gai tangada e hoda lo te baba makaga
ma de geli daahido o denga mounga.
10 Tangada e hai denga haiava i lo te baba,
gai ia gu gidee denga mee hagamogomogo i kilaa.
11 Ia e pono denga vai gi dee damaa ssali ai,
ma de hai gi ssula mai gi de maalama mee e dee gidee.
12 Aagai go hee naa e gidee ai de heiangi?
Gai go hee iai de donu ange?
13 Tangada e dee maua gi donu ange gi de hagamogomogo o de mee nei;
gai e dee gidee i de mommee o dangada e nnoho ai.
14 De moana gelo e hagadaba, ‘E dee maleva i ogu daha,’
gai tai e hagadaba, ‘E dee dagodo hogi i ogu daha.’
15 E dee maua i de hagao i goolo,
be go de hagahidi denga selevaa e hagao ai.
16 Dono hagamogomogo e dee bei goolo o Ophir,
aabe go de hadu hagamogomogo go de onyx aabe go de sapphire.
17 Denga goolo ma galaasa e dee bei ono dagodo,
gai e dee maua hogi i de hagahesuihagi ange
gi denga hadu hagamogomogo e hai i goolo.
18 Manu mangamanga ma crystal e dee maua hogi i de tala olaau dagodo;
gai de hagaoanga o de heiangi e laumalie ange i de hagaoanga o denga ango.
19 De topaz o Ethiopia e dee maua i de hagahedae ange aagena,
gai e dee maua i de hagahedae ange gi denga goolo abodonu.
20 Gai go hee e humai ai de heiangi?
Gai go hee iai de donu ange?
21 De heiangi e hagammuni gi dee gidee e mee alodahi e mouli,
gai e hagammuni hogi i denga manu llele i lo te langi.
22 Abaddon†Abaddon go de mommee o de gau maakau. ma de magau e hagataba,
‘Gimaau gu langona longo o de heiangi.’
23 De Maadua e donu ange gi dagodo o de heiangi,
gai ia e iloo de mommee iai.
24 Gai ia e daumada de bido laa o henua i lalo,
ma de gidee mee alodahi i lalo de langi.
25 Dana masavaa ne hagasauaa ai de mmahi o de madangi,
ma de hagabau taemaha o denga vai,
26 ma dana masavaa ne hagasauaa ai haiava o de langi,
ma de haiava o de uila ma de hatuli,
27 gai ia ne gide de heiangi ga hagatale ange ono dagodo,
ga hagaduu gu makaga, gu iloo danuaa ono dagodo.
28 Gai ia ne hai ange gi tangada,
‘Tilo, de madagu i de Ia Aamua go de heiangi abodonu,
gai de kino i de baubau go de donu ange abodonu.’ ” *Psa 111.10; Pro 1.7; 9.10