41
1 E aha, koe e maua i de hhudi de Leviathan*de Leviathan e dee iloo danuaa be se manu bee hee, gai hanu e maanadu bolo se gegeno (crocodile). i dahi maadau,
aabe e nnoa dono alelo i dahi uga?*Job 3.8; Psa 74.14; 104.26; Isa 27.1
2 Koe e maua i de hai dahi uga ga nnoa ai dono usu,
aabe e sugi dono gauvae i dahi maadau?
3 E aha, ia e duudagi naa de dangidangi adu koe gi abodonu ange?
E aha, ia e basa maamaane adu naa gi de goe?
4 De manu nei e hagaheloongoi adu naa gi goe,
gai koe ga hai ai ia gi hai hegau adu gi de goe i taulooloa dono mouli?
5 Koe e maua i de hagadaahao madali ia bei de manu lele gu dala laa,
aabe go de nnoa ia i dahi uga ga gaavange gi au damaa hine?
6 Gai de gau hagao mee e hagadau gaavange naa
e tilo ai be goai e hagao ina ia?
Gilaadeu e duuduu naa ia
ga vaevae ange gi de gau hagao mee?
7 Koe e maua i de tili gi dohu dono angaanga i denga dao,
aabe go de velo dono biho i denga dao?
8 Noo koe e poo ange gi de Leviathan,
gai koe e dee ngalo donu dooluu hebagi;
koe e dee ahe ange naa donu e hai de mee laa!
9 Tilo, de tali a tangada e deai haigamaiana,
gai ia e baguu naa gi lalo, i de masavaa aana e gidee ai de manu laa.
10 E deai donu se dangada mmahi e bau ange gi de hhango ange ia!
Gai goai ai naa e maua i de hai baasi mai gi de au?
11 Goai gu gaamai dahi mee gi de au, gai au ga hagao ange ai ia?*Rom 11.35
Mee alodahi i lalo de langi niiagu.
12 Au e dee hagammuni donu dagodo o ono aalanga,
ma dono mahi aama de mahamaha o dono angaanga.
13 Goai e maua i de hagaui dono malo laa daha?
Gai goai e maua i de hano gi baa ange e hagaulu ange taula gi dono ua?
14 Goai e maua i de hhanga dono ngudu,
e honu laa i denga niho hagamaatagu?
15 Lo tono dua e hagatau ai denga mee hungihungi ma gu kadi;
gai gu buni ma de makaga;
16 mee laa gu hagatau ma gu kona de hebahebaa,
gu dee maua donu de madangi i de ulu laa magavaa.
17 Gai mee laa e hagadau hagamakaga;
gai gu buni gu dee maua i de aau gi too dagidahi.
18 Denga galo ahi e loomai i lo tono usu i de paa ai dono mahedua,
gai luoono ganomada e maalama bei de maalama o taiao.
19 De ahi e ula mai i lo tono ngudu,
gai denga galo ahi e ssao mai ai i lo tono ngudu.
20 De useahi e buu mai i lodo luoono bongaa usu,
bei de useahi e buu age laa i lo te anibada e boale laa i de ahi lahhie.
21 Dana manava e hakaa denga dalaa ubu,
gai de ahi ula e sao mai i lo tono ngudu.
22 Dono ua e kona donu de mmahi,
gai ia e hagamaatagu mee alodahi i ono mada i mua.
23 Ono kano e buni ma de makaga,
gai e dee maua donu i de hagangaalue.
24 Dono hadu manava e makaga bei de hadu;
gai e makaga donu bei de hadu mmili.
25 De masavaa naa huu oona e hidi age ai, gai de gau mmahi gu maatagu;
gai gilaadeu e maatagu i dono hagakobu.
26 De gadilaasa e dau laa i de ia e deai donu mee e kii ange ai,
be go tao dili manu, be go tao damaa mee, aabe go tao laumalie.
27 Ia e hai denga iron bei denga lau manu mmasa,
gai e hai denga bronze bei denga laagau pobo.
28 Tao o de mee hholu e dee maua i de hai ia gi savini gi hano i de madagu,
gai denga hadu o de buada e bei gili o denga grain i ono daha.
29 Denga laagau e bei de lau manu mmasa i ono daha,
gai de manu nei e hagangadi mee de dadangi o denga dao maga.
30 Lalo dono dinae e kangi bei denga dalaa hadu,
gai ia e hai gi keli honga de bela bei de mee duuduu wheat.
31 De manu nei e hagabeabeau lo te moana bei de anibada e boale laa,
ma de hai gi ebuebua lo te lausedi bei manu lolo.
32 De Leviathan e hagasii honga tai i dono savini,
gai e hai ga tea honga tai bei de biho sinasinaa.
33 E deai donu se manu i henua i lalo
e bei ono dagodo i teai sono madagu.
34 De manu nei e hagangadi mee denga manu mmahi alodahi;
de manu nei go de hodooligi o denga manu aada alodahi.”